Jeremías 33:12 - La'aqtaqa Ñim Lo'onatac 'Enauacna 2013

¹² Ñim Nataxala' maye qaica ca Ỹaqalanapec, 'eeta': Ne'ena 'alhua maye toolec nagui, qaica ca ỹale qataq ca shiguiỹacpi, qataq 'enauac nam lalamaxat huaqta'a't nỹecpi maye ỹotta'a't na nañalo, namayepi ỹe'eguelaxa qome da huo'o na 'auaqpi, maye na qagueta lo'opi ỹauega qome ana lalo qaguetapi.

Jeremías 33:12 Referans Kwoze

Isaías 65:10

So ca'amegue ye Sarón qalaq nlaxalec qome ana qaguetapi, qataq so ca'amegue ye Acor lquia'aqa' qome ana lalopi na nhuo' le'ecpi maye Aỹem nmittaique.

Jeremías 51:62

Ime, qome nache qoneta': ‹'Am Nataxala', 'am qonapec co'ollaxa da 'aulaxachigui ne'ena nma', nache saishet da huo'o ca ỹe'eguelaxa da naña namaye, nam shiỹaxauapi qataq na shiguiỹacpi, cha'aye ỹe'eguelaxa 'anqa'en da nache 'eetai' da toolec namaye.›

Jeremías 36:29

Ime, nache qoneta': 'Era da la'aqtac Ñim Nataxala': 'Am 'auavigaxat co'ollaxa aso nere, qataq 'auauotaique da 'auaconeua'a co'ollaxa so Jeremías, souaxat da ỹerelec asa'aso nere, da ñi nta'a ye Babilonia anac qome qaica ca iuatta'a, da yaqto' ilaxachigui ne'ena 'alhua, nache qaica naqa'en ca no'onañi na shiỹaxauapi, qataq nam shiguiỹacpi.

Jeremías 31:24

Na shiỹaxauapi ye Judá, qataq yem lalamaxat huaqta'a't nỹecpi, qataq na ỹo'ottac na nanaxanaqa'pi qataq na ilotague' ana qaguetapi hueta'a qome yemaye.

Jeremías 17:26

Qaq anac qome na shiỹaxauapi maye hueta'a na huaqta'a't nỹecpi maye ỹotta'a't naua nañalo na Judá maye hueta'alo naua loiguiye na Jerusalén, qataq nam chegaqa'a yem na'alhua so Benjamím, qataq nam chegaqa'a yem ca'amapega't 'alhua, qataq nam chegaqa'a na huaña ana qasoxonaxapi, qataq nam chegaqa'a ye Néguev. Qaq nachetac qome na shiguiỹacpi da yaqto' ỹaneua'a añi atamnaxaqui da lachetaqtaxanaqte qaỹavigaxatta, qataq na laỹepi lachetaqtaxanaxatpi, anam ala na lañiguishec, qataq na nchenaxanaxat maye ama na laita, qataq ana lachetaqtaxanaqtepi da ỹan da na'achecỹaxac.

Cantares 1:7

Ñaq aỹem 'aua'aqtaxanem, 'am maye 'arauotaxat da ñachaalataxac, ¿chaq hua'ague naxa ca lquia'aqa' 'anqa'en na 'ana'atetpi? ¿Chaq hua'ague naxa ca nmataqa' 'anqa'en ye na'a'q laiñi? ¿Ta'ainco' da 'anshetaique da sheeta'am aca queuoxoi, da salectaigui na na'atetpi na 'araỹepi?

Jeremías 31:12

Nache anac da do'onaxan souaxat da ntonaxac da huetalec añim qaỹoqotcheguemec Sión, nache ntootapeguec nam no'on maye chegoqo'ot Ñim Nataxala': qaq namaye nachena na trigo, lataxa qataq na aceite, ana qaguetapi qataq na huacapi. Qaq namayepi 'eeta'am qome ca nanaxanaqa' maye qaicottalec, nache saishet da qaltaq deqat da la'añaxac.

Jeremías 32:15

Cha'aye Ñim Nataxala' maye Qaica ca Ỹaqalanapec Ñim Natamnaxala' na Israel le'ecpi, 'eeta': Ne'ena 'alhua qaỹe'eguelaxa qome da qaisheenaxana ca nỹecpi, no'onaxapi qataq nanaxanaqa'pi maye lma' ana uva.›»

Jeremías 50:6

Nam ỹalamaxat nhuo' le'ecpi, 'eeta'am co'ollaxa aca qaguetapi da deqat, cha'aye so qagueta lo'opi isomaxanaqchet co'ollaxa, nache ỹo'ot da chochaq quetapeguelec ana qasoxonaxapi, ca'ai añi 'oonole qasoxonaxa qataq nqo'ona añi lỹa qasoxonaxa, choche ivitta'a da icoua'ai aso laỹe'.

Hageo 1:4

«¿Qaq peta'a nacheye yem laloxoqui qanqa'eñi qami', da qoñeetaiguilo naua qarma'achilli' maye ỹaguec da 'onaxaiqa, qaq añim ỹalamaqte atamnaxaqui qalaq ỹataqta qaica ca lyac?

Ezequiel 36:35

nache 'enapec qome: Ne'ena 'alhua nam toolec co'ollaxa, nagui qalaq 'eeta'am so nanaxanaqa' maye huaña co'ollaxa ye Edén, qaq na huaqta'a't nỹecpi maye ỹotta'a't naua nañalo, maye toolec qataq huetaiya' qataq dolachigui co'ollaxa, qalaq ỹataqta qampaxatteua'a, qataq qanayeetaigui.