Jeremías 33:11 - La'aqtaqa Ñim Lo'onatac 'Enauacna 2013

¹¹ ca no'onec da huo'o ca na'ashaxac, qataq namaicỹaxac, qataq ca no'onec da qaỹo'onaxaaleguete caua auonaxau', qataq qaỹa'aqtega qome dam 'eeta': Qaỹa'añiỹot da qana'achecỹaxaqui Ñim Nataxala' maye Qaica ca Ỹaqalanapec, cha'aye Ñimaye ỹataqta soxoraic, cha'aye da lsoxoyec chochaq tatec. Qataq qandoua'a qome añi atamnaxaqui aca nachetaqtaxanaqte souaxat da tonaxac. Aja', Aỹem ñaralaxat qome da na'achecỹaxac ne'ena 'alhua, yaqto' ỹe'eguelaxa da 'eeta'am som hua'auchiguiñi co'ollaxa lataxac. Qaq 'era da ỹa'aqtac Aỹem Nataxala'.

Jeremías 33:11 Referans Kwoze

1 Crónicas 16:34

Qavio'oxoyiñi qome Ñim Nataxala' cha'aye Ñimaye ỹataqta soxoraic, qataq da lauotaxanaqtaic Ñimaye chochaq tatec.

Salmos 107:22

Qataq qaỹa'añiỹot ca qarachetaqtaxanaxache da qavio'oyiñi Ñimaye, qataq qauamaichiguiñi da qaua'axacheeuec na ỹo'otpi Ñimaye.

Salmos 107:1

Qaỹa'añiỹot qome da qana'achecỹaxaqui Ñim Nataxala' cha'aye ỹataqta soxoraic, qataq da lauotaxanaqtaic chochaq tatec.

Salmos 106:1

¡Qavio'oxoyiñi qome Ñim Nataxala'! Qavio'oxoyiñi qome Ñim Nataxala', cha'aye Ñimaye ỹataqta soxoraic, qataq chochaq tatec da lauotaxanaqtaic.

Hebreos 13:15

Da qarachetaqtaxanaxat maye samiaxai' Ñim Lo'onatac 'Enauacna, nachera da qana'achecỹaxac maye chochaq tatec da sanaqtacot Ñimaye, chegoqchigui So Jesucristo cha'aye mashe sasataxaguet da nacheso so 'oonolec Qarataxala'.

Isaías 51:11

Qaq 'era da 'eetec nataqa'en qome nam lca'alaqtacpi Ñim Nataxala', ỹa'alaqtagui da ntonaxac qom inoxoneua'a ye Sión, da lasheguiỹaxac qalaq nache 'eetai' qome da machiguiñi, cha'aye ỹanata da lamaicỹaxac qataq da na'achecỹaxac, qaq imeuo qome da nqui'ic qataq nnoinaxac.

2 Crónicas 29:31

Qaq co'ollaq ime nache so Ezequías 'enapega so shiỹaxauapi, 'eeta': «Qaq cha'aye nagui mashe qanañañiỹot Ñim Nataxala', nache qauanaiua'a ana atamnaxaqui da qaỹa'añiiuo aca qarachetaqtaxanaqche da qauo'oche da qayo'oxonnataxanaxaqui.» Huaña nache so lapoota'a't shiỹaxauapi irouo aso lachetaqtaxanaqtepi, qataq ỹo'ot so llo'oxonnataxanaxac, qataq so maiche chegoqchigui da lquiyaqteỹaxac da ỹaneuo aso lachetaqtaxanaqte qaỹavigaxatta.

2 Crónicas 5:13

Nache somayepi 'enauac da nmasheguem da do'onaxaata'ai' aso lviquepi, ỹo'oxoreetac qataq ỹaatacot da na'achecỹaxac Ñim Nataxala'. Qaq somayepi co'ollaq nlamaxaren da do'onaxaata'ai' aso lasheerepi, simbalopi, qataq aso laỹepi nviquepi, nache do'onaxaato'ot Ñim Nataxala', 'eeta': «Qavio'oxoyiñi Ñim Nataxala', cha'aye Ñimaye soxoraic, qataq chochaq tatec da lauotaxanaqtaic.» Huaña co'ollaxa nache aso atamnaxaqui maye lalamaqte Ñim Nataxala', ỹataqta nlaqchigui so napalñi lo'oc.

Apocalipsis 18:23

¡Qataq saishet da qaltaq ỹe'eguelaxalec da icoỹarelec 'am na le'eraxa aca ncoỹaraxanaxaqui, qataq saishet da qaỹa'axaỹa ca ntonaxac cam hueta'a ca naronaxac! Cha'aye nam 'armenaxanaxanecpi namayepi co'ollaxa ndotec na 'añaxaicpi da huetalec ana 'alhua, qaq 'am ỹataqta 'auatenachet co'ollaxa da 'arolec da 'aye'eyaqnataxanaxac 'enauac na ỹotta'a't shiỹaxauapi.»

Juan 3:29

Da huo'otaq huo'o ca naronaxac, qaq cam ỹataqta huaroneguet aca auonaxaua, nacheca cam nauonaxaua. Qaq cam nauochaxaua que'eca auonaxaua, camaye ỹataqta machiguiñi da choche hua'aqtega da lvilỹaxac. Qaq nache 'eetec nataqa'en nagui aỹem ỹataqta aỹem nlaqchigui da ñetonaxac, cha'aye ca Lca'aguishec Ñim Lo'onatac 'Enauacna mashe hueta'a ne'ena.

1 Crónicas 16:8

¡Qavio'oxoreñi qome Ñim Nataxala'! ¡Qaua'axacheeuec qome da le'enaxat! ¡Qaua'aqtaxañim nam ỹotta'a't shiỹaxauapi nam ỹo'otpi Ñimaye!

Zacarías 8:19

«Da qouaqchetaxac maye huaigui naxa so ca'agoxoic cuatro, cinco, siete qataq diez, qalaq nmeneguet qome da tonaxac, qataq da namaicỹaxac da huo'o na lta'araic laponaxacpi nam chegoxoguetpi so Judá. ¡Qami' ỹataqta qauauochec qome da 'eesa lataxac, qataq da nlagaxayec!

Sofonías 3:14

¡Qauo'onaxañi qami' huaqta'a't nỹecpi maye qoviita'a na Sión! ¡Qanlamaxareñi souaxat da qantonaxaqui, qami' Israel le'ecpi! ¡'Antonapigui', 'Am Jerusalén, ỹataqta imauec da 'arquiyaqteỹaxac da 'antonapigui'!

Jeremías 33:7

Qaq ñaralaxat qome da na'achecỹaxac na Judá qataq na Israel, qataq she'eguelaxata da nauaqsheguem ñaqa'en, da yaqto' ỹe'eguelaxa da 'eeta'am so hua'auchiguiñi lataxac.

Jeremías 7:34

Nache so'ot qome na huaqta'a't nỹecpi ye Judá, qataq na nqa'aicpi ye Jerusalén, da deqat na no'onecpi maye ỹo'ot da namaicỹaxac da huo'o ye naponaxac, qataq na no'onecpi da qaỹo'onaxaalec da naronaxac, qaq 'enauac ne'ena 'alhua ỹe'eguelaxa qome da toolec.»

Isaías 52:9

¡Qami' maye qarmaye na nlachiguiñi Jerusalén, ña qanmiỹasheguem da qauo'onaxañi souaxat da qantonaxaqui cha'aye Ñim Nataxala' huo'o da lchoxonnataxanaxa na lalamaxat nhuo' le'ecpi qataq nca'alaxatec na Jerusalén!

Salmos 116:17

Qaq ỹoqo'oye 'am sanot qome aca ỹachetaqtaxanaqte da so'ot ca ña'achecỹaxac, qataq seỹaxana qome da 'are'enaxat, 'Am Nataxala'.

2 Crónicas 7:3

Qaq so Israel le'ecpi co'ollaq ỹauaachigui da naañi so norec qataq da llo'oxoyec Ñim Nataxala' talec aso atamnaxaqui, nache somayepi ỹa'alyiñi naua l-llecte nache iviraxata'aguet na latap so coma', nache ỹo'oxoren qataq ỹanot da na'achecỹaxac Ñim Nataxala', 'eeta': «Ñim Nataxala' ỹataqta soxoraic, qaq da lauotaxanaqtaic chochaq tatec.»

Zacarías 10:7

Qaq na Efraín, qalaq 'eeta'am qome ca ale, qataq da lquiyaqteỹaxac, ỹataqta matapiguiñi qome, 'eeta'am ca shiỹaxaua da nỹomtapigui na lataxa. Qaq na llalaqpi da ilotaigui, nache nataqa'en machiguiñi; da lquiyaqteỹaxac ỹataqta machiguiñi souaxat Ñim Nataxala'.

Zacarías 9:17

Qaq ỹataqta sano'onolec, qataq ỹataqta 'onaxaic qome yi'iye 'alhua. Cha'aye souaxat da ỹataqta qalota na trigo, qataq na lataxa, nache nam nsoxoppi, qataq na qa'ampi, ỹataqta 'onaxaic da lañaxataxac.

Jonás 2:9

Qalaxaye aỹem, nache shecto'ot da 'am sho'oxoreetac, qataq 'am saatacot qome aca ỹachetaqtaxanaqte, qataq sepacchigui qome da so'ot na 'am sachaxanapeguempi. ¡Cha'aye nache 'amta 'Am Nataxala', da 'am chegoqo'ot da nca'alaxa!»

Jeremías 33:26

saishet da sasaỹamaxaren qome nam chegoxoguetpi so Jacob qataq so David maye ỹamaxashec, qataq saishet da saxaañi da sachegoxotaigui namayepi cam ilo'ogue nam chegoxoguetpi so Abraham, Isaac qataq so Jacob. Cha'aye Aỹem huo'o da ichoxonnataxanaxa namayepi, nache so'ot qome da dalaxaic ca na'achecỹaxac.»

Jeremías 25:10

Qataq so'ot qome da namayepi saishet da qaỹa'aqtega ca no'onec da huo'o ca na'ashaxac qataq da namaicỹaxac huo'otaq da qaỹo'onaxaalec ca naronaxac, qataq da l-lamaxa ca coma' maye namaicnaxanaxat, qataq saishet da ỹe'eguelaxa da qaila'a na le'eraxa ana ncoỹaraxanaxaquipi.

Jeremías 16:9

Cha'aye Aỹem Nataxala', maye Qaica ca Seqalanapec qataq Aỹem Natamnaxala' na Israel le'ecpi, sa'axatta da 'eeta': Aỹem so'ot qome da imeuo na no'onecpi da huo'o na na'ashaxac ne'ena 'alhua qataq da namaicỹaxac qataq da qaỹo'onaxaalec ca naronaxac. Qaq de'era nache huaiguilo qome caua maiche lalamaqa'ate na'axa'te, qaq qami' nache qauauañiichigui qome.

Nehemías 12:43

Qaq se'eso na'a'q qalota so qoỹaneuo nachetaqtaxanaxat da qaỹavigaxat, nache somayepi ỹataqta lta'araic da ntonaxac, cha'aye Ñim Lo'onatac 'Enauacna ỹanem da ntonaxac, nataqa'en ntootapigui' so 'alpi qataq so ñaqpiolec, ỹataqta lta'araic se'eso tonaxac ye Jerusalén, ỹoqo'oye ivira'a da hua'aqtac so qaỹoqta.

Nehemías 8:12

Huaña nache 'enauac se'eso nhuo' le'ecpi, jec da ỹo'ot so lquia'axac, nỹomtac qataq ỹachet som qaica ca aloq, nache ỹataqta machiguiñi souaxat da qaỹaỹateeteguet se'eso napaxaguenataxanaxac.

Esdras 6:22

Qaq ivittrec soua siete na'axa'te da qaỹo'ottac se'eso nquia'axac lta'araic, da qanallectac aso nauole 'ayiiña maye qaica ca lalegue ỹasheeraxachigui. Cha'aye Ñim Nataxala' ỹe'eguelaxatem da ntonaxac 'enauac somayepi. Qataq souaxat da so nta'a ye Persia, itauan qataq da ỹasheetem somayepi da ỹe'eguelaxalec da no'oxoosheguem aso atamnaxaqui maye lalamaqte Ñim Natamnaxala' so Israel le'ecpi.

Isaías 51:3

Aỹem sa'añaqchet qome ye Sión, yem huaqta'a't nỹecpi maye nlachiguiñi co'ollaxa. Yem toolec 'alhua maye deqaqta qalaq she'eguelaxata qome da no'on nanaxanaqa', 'eeta'am som lanaxanaqa' Ñim Nataxala' maye huaña ye Edén. Qaq yemaye qome huo'o da namaicỹaxac qataq da tonaxac, qataq hueta'a da no'onaxanaxac qataq da l-lamaxa ana nvique.

2 Crónicas 20:21

Qaq so Josafat co'ollaq ime da nnate' so shiỹaxauapi, nache ỹauo'o so 'onaxanaxaicpi, qataq ỹauo'o so logoxot maye sa qaishetapec maye huo'o na llo'oxoraxatpi, da yaqto' hua'auta'ague da taỹa'ague so alleppi da ỹo'oxoreetac Ñim Nataxala', da ỹo'ootac so no'onec maye 'eeta': «Qaỹa'añiỹot da qana'achecỹaxaqui Ñim Nataxala', cha'aye da lauotaxanaqtaic chochaq tatec.»

Isaías 35:10

Qaq nam nca'alaxatecpi Ñim Nataxala', do'onaxaatagui qome souaxat da ntonaxac qom inoxoneua'a ye Sión, qataq nache 'eetai' qome da machiguiñi. Qaq huaña nache ỹanata da ntonaxac qataq da lamaicỹaxac. Nache da naquicoxo qataq da qui'ic imeuo qome.

Jeremías 17:26

Qaq anac qome na shiỹaxauapi maye hueta'a na huaqta'a't nỹecpi maye ỹotta'a't naua nañalo na Judá maye hueta'alo naua loiguiye na Jerusalén, qataq nam chegaqa'a yem na'alhua so Benjamím, qataq nam chegaqa'a yem ca'amapega't 'alhua, qataq nam chegaqa'a na huaña ana qasoxonaxapi, qataq nam chegaqa'a ye Néguev. Qaq nachetac qome na shiguiỹacpi da yaqto' ỹaneua'a añi atamnaxaqui da lachetaqtaxanaqte qaỹavigaxatta, qataq na laỹepi lachetaqtaxanaxatpi, anam ala na lañiguishec, qataq na nchenaxanaxat maye ama na laita, qataq ana lachetaqtaxanaqtepi da ỹan da na'achecỹaxac.

Jeremías 30:19

Nache namayepi chemaqchiguiña qome ca no'onec da qoỹan da 'achecỹaxac, qataq ca naỹalliguiyec souaxat da namaicỹaxac. Qaq saishet qome da nquictañi, cha'aye Aỹem so'otec qome namayepi da nquictauec. Qataq saishet da qaỹe'eetac, cha'aye Aỹem so'otec qome da huo'o naq 'enec.

Jeremías 32:44

Qaisheenaxana qome qataq qaỹo'ot aca lmalate qataq qaỹauo'o aca la'anaqte qataq nanereleguete qanqa'en caua ỹauaatraua'a da qaimen. Qaq 'era dam hualec qome na na'alhua so Benjamín, qataq naua laỹel ye Jerusalén qataq na huaqta'a't nỹecpi maye ỹotta'a't naua nañalo na Judá, ivira'a yem 'alhua maye huo'o ana qasoxonaxapi qataq ye ca'ameguepi, qataq ye huaqta'a't nỹecpi maye ỹotta'a't naua nañalo ye Néguev, cha'aye Aỹem dalaxaic qome ñaqa'en da na'achecỹaxac namayepi. Qaq 'era da ỹa'aqtac, Aỹem Nataxala'.»

Nahúm 1:7

Ñim Nataxala' soxoraic, Ñimaye ñe'eguenaxala' da qaivireguet ca nhuogoxo, qataq npaxaalec nam pe'etecot Ñimaye,

Salmos 85:7

'Am Nataxala' ñaq qomi' 'auachaxanalo da 'arauotaxanaqtaic, qataq qomi' taleguete 'anqa'en da 'arca'alaqtaxanaxac.

Salmos 147:13

Cha'aye Ñimaye, ỹa'añaxatchiyiñi co'ollaxa naua 'anaso'omi, qataq ỹasaxalec da lchoxonnataxanaxa nam 'am netaiguipi.

Isaías 52:8

¡Ña 'ana'axaỹaxaañi! Na 'arauanaxanaxanecpi ỹataqta nlamaxaren qataq nmasheguem da ỹa'alaq souaxat da ntonaxac cha'aye ỹataqta ỹauaachigui da lle'eguelaxasoxoc Ñim Nataxala' da ñe'eguelaxa na Sión.

Jeremías 29:14

Aja', Aỹem qami' sa'aqta'alo qome da Aỹem qauanachiỹa qataq so'ot da dalaxaic ca qana'achecỹaxaqui: qami' ñeqateeguesopa qome 'enauac na ỹotta'a't shiỹaxauapi qataq 'enauac nam 'alhuapi maye qami' selagaxaaleguete co'ollaxa, qataq qami' llaỹona't nache so'ot da qañe'eguelaqỹa ne'ena 'alhua maye qami' sachegoxotteleguete co'ollaq qami' saue'c. Qaq 'era da ỹa'aqtac Aỹem Nataxala'.›»

Jeremías 30:3

cha'aye anacta ca na'a'q da ñaralaxat da na'achecỹaxac nam ỹalamaxat nhuo' le'ecpi na Israel qataq na Judá. Qaq 'era da ỹa'aqtac Aỹem Nataxala'. Aỹem so'ot qome da ñe'eguelaxa nam 'alhua maye sanem co'ollaxa so lta'alpi da yaqto' lalamaxat ñaqa'en.»

Amós 9:14

Huaña nache ñe'eguelaxaala't qome nam ỹalamaxat nhuo' Israel le'ecpi maye noxonecpi co'ollaxa. Nache namayepi qaltaq no'oxoosheguem qome na huaqta'a't nỹecpi maye mashe nlaguiñipi, nache qaltaq naigui qome nache qaltaq ỹo'ot nam lanaxanaqa'pi da ỹaañi ana uvapi, nache nỹomtapigui na maiche lo'onatac lataxa, qataq ỹaañi ana lañiguishepi qo'oipaqpi nache maiche chectac ana ala anamaye.