Jeremías 33:10 - La'aqtaqa Ñim Lo'onatac 'Enauacna 2013

¹⁰ Ñim Nataxala', 'eeta': Qami' maye qoñeetega toolec ne'ena nma', qataq qoñeetega qaica ca shiỹaxauapi qataq shiguiỹacpi, qataq na nqa'aicpi na Jerusalén, qataq na huaqta'a't nỹecpi maye ỹotta'a't naua nañalo na Judá tooleguete; qataq qaica ca hueta'a shiỹaxauapi qataq shiguiỹacpi. Qalaxaye namaye ỹe'eguelaxa qome da qaỹa'axaỹa,

Jeremías 33:10 Referans Kwoze

Jeremías 32:43

Qaq ne'ena 'alhua maye qoñeetega taỹa'a da toolec, qaica ca hueta'a shiỹaxauapi qataq shiguiỹacpi, qataq loxonec na caldeopi, qalaq ỹe'eguelaxa qome da qaisheenaxana na 'alhua.

Ezequiel 37:11

Qaq huaña nache Ñim Nataxala' aỹem 'enapega, 'eeta': «Na nhuo' Israel le'ecpi, namayepi 'eeta'am ne'ena npi'inecpi. Namayepi 'enapec naxa: Naua qarpi'inaqa ỹataqta deqaqte', mashe qaica ca qanaquitaxac, qataq mashe seqataq.

Jeremías 32:36

Qaq Aỹem Nataxala', maye Natamnaxala' na Israel le'ecpi, sa'axat da 'eetec qome ne'ena huaqta'a't nỹecpi maye 'am qonetega loxonec ñi nta'a ye Babilonia huaigui ca alaataxac qataq nqouaxa qataq napiina:

Levítico 26:32

Nache ỹataqta 'enauac ñelaxatchiguiñi qome ca qana'alhuai, nache ca qampa'aguenaxauaipi maye anac da nalec camaye, ỹataqta huo'o qome da la'aalaxa.

Jeremías 26:9

¿Ta'ainco' da 'aua'axattac da qonetega chegoqchigui da le'enaxat Ñim Nataxala' da ana atamnaxaqui 'eeta'am qome asom naña ye Siló, qataq ne'ena huaqta'a't nỹecpi dolagui qome nache qaica ca hueta'a shiỹaxauapi?» Nache 'enauac so nhuo' le'ecpi maye hueta'a aso atamnaxaqui coleesop so Jeremías.

Jeremías 34:22

Aỹem samaxalec qome da ỹe'eguelaxalec da iloquiaxan ne'ena huaqta'a't nỹecpi, qaq da mashe loxonec nache ỹavigaxat. Qataq so'ot qome da toolec na laỹepi huaqta'a't nỹecpi maye ỹotta'a't naua nañalo na Judá, nache qaica qome ca netaigui. Qaq 'era da ỹa'aqtac Aỹem Nataxala'.»

Hageo 1:4

«¿Qaq peta'a nacheye yem laloxoqui qanqa'eñi qami', da qoñeetaiguilo naua qarma'achilli' maye ỹaguec da 'onaxaiqa, qaq añim ỹalamaqte atamnaxaqui qalaq ỹataqta qaica ca lyac?

Salmos 85:7

'Am Nataxala' ñaq qomi' 'auachaxanalo da 'arauotaxanaqtaic, qataq qomi' taleguete 'anqa'en da 'arca'alaqtaxanaxac.

Salmos 147:13

Cha'aye Ñimaye, ỹa'añaxatchiyiñi co'ollaxa naua 'anaso'omi, qataq ỹasaxalec da lchoxonnataxanaxa nam 'am netaiguipi.