Jeremías 33:1 - La'aqtaqa Ñim Lo'onatac 'Enauacna 2013

¹ Qaq co'ollaq ñaq qaicoñettai' so Jeremías hueta'a ye nqasoxoc aso ncoñetaxanaxaqui, nache Ñim Nataxala' qaltaq detaxaỹot somaye, nache 'enapega, 'eeta':

Jeremías 33:1 Referans Kwoze

Jeremías 38:28

Qaq so Jeremías nache hueta'a co'ollaxa so qasoxoc maye nauanaxanaqa', nache ivitta'a so na'a'q co'ollaq noxonec ye Jerusalén.

Jeremías 37:21

Qaq huaña nache so nta'a Sedequías damaxasoxoolec so Jeremías da qoỹaataña ye qasoxoc maye nauanaxanaqa' da ncoñetaqa' qanqa'en, qataq 'enauaque naua na'axa'te da qairotegueua'a ana nauole 'ayiiña maye chegoqtegueuga so nqa'aic maye hueta'a na imeetac naxa ana nauole. Qaq damaye nache qoỹeeta'ac co'ollaq ñaqauo'o ana nauole 'ayiiña se'eso huaqta'a't nỹecpi. Qaq 'era da 'eetec da so Jeremías hueta'a so qasoxoc maye nauanaxanaqa'.

Jeremías 32:8

Qaq nache ipacchigui som la'aqtac Ñim Nataxala', da so ihuo' le'ec Jananel aỹem naỹa co'ollaq soota'a ye nqasoxoc ñi lma' lta'araic ñi nta'a, nache aỹem iỹaxanot da sesheenaxana ye lalamaxat no'onaxa, maye huaña ye Anatot maye huaigui ye na'alhua nam chegoxoguet so Benjamín, cha'aye aỹemta da aỹem hueto'ot da shenec da ishet da sesheenaxana yemaye da yaqto' ỹalamaxat, cha'aye somaye maiche ỹalamaxat ihuo' le'ec. Qaq souaxat da aỹem saỹaten damaye da lamaxasoxonaxac Ñim Nataxala',

2 Timoteo 2:9

Qaq nachera da huo'omshe huo'o da ñeque'eenaxac, choche sevitta'a da aỹem qaicoñettai', sheeta'am ca qalota na lasouaxashet. Qalaxaye da la'aqtac Ñim Lo'onatac 'Enauacna saishet da qaicoñettai'.

Jeremías 36:5

Ime, nache so Jeremías 'enapega so Baruc, 'eeta': «Ña 'aumeten da souaigui, damaye ỹo'ot da saishet da saua'a añi atamnaxaqui maye lalamaqte Ñim Nataxala'.