Jeremías 32:8 - La'aqtaqa Ñim Lo'onatac 'Enauacna 2013

⁸ Qaq nache ipacchigui som la'aqtac Ñim Nataxala', da so ihuo' le'ec Jananel aỹem naỹa co'ollaq soota'a ye nqasoxoc ñi lma' lta'araic ñi nta'a, nache aỹem iỹaxanot da sesheenaxana ye lalamaxat no'onaxa, maye huaña ye Anatot maye huaigui ye na'alhua nam chegoxoguet so Benjamín, cha'aye aỹemta da aỹem hueto'ot da shenec da ishet da sesheenaxana yemaye da yaqto' ỹalamaxat, cha'aye somaye maiche ỹalamaxat ihuo' le'ec. Qaq souaxat da aỹem saỹaten damaye da lamaxasoxonaxac Ñim Nataxala',

Jeremías 32:8 Referans Kwoze

Jeremías 32:7

‹Ña 'aumeten ñim 'arhuo' le'ec Janamel, ñim llalec so 'antesoqo' Salún, ñimaye 'am naỹa qome da 'am ỹachaxanapecot da 'aushenaxanaxa ye na'alhua maye naña ye Anatot, cha'aye 'am hueto'ot da 'enec da ishet da 'ausheenaxana, cha'aye maiche 'arhuo' le'ec ñimaye.›

Jeremías 32:2

Qaq se'eso na'a'q nache so nalleppi so nta'a ye Babilonia iloquiaxaatac ye Jerusalén, qaq so na'aqtaxanaxanec Jeremías qaỹapotaua'a hueta'a so nqasoxoc so nta'a.

Jeremías 33:1

Qaq co'ollaq ñaq qaicoñettai' so Jeremías hueta'a ye nqasoxoc aso ncoñetaxanaxaqui, nache Ñim Nataxala' qaltaq detaxaỹot somaye, nache 'enapega, 'eeta':

1 Reyes 22:25

Nache so Micaía, 'eeta': Qomye maiche 'auaỹaten qom ivita ca na'a'q, da 'ateua'alo da 'anqañoxottapiguiñi.

Juan 4:53

Nache so lta'a so nsoqolec ỹaỹaten da nacheso so huetoigui co'ollaq So Jesús 'enapega somaye, 'eeta': «Ca 'aỹa'alec, camaye nca'alec.» Nache somaye qataq 'enauac so netaña ye lma' ỹa'amaqten So Jesús.

Zacarías 11:11

Qaq nache huaigui se'eso na'a'q, da nlaguiñi se'eso aỹamaxataxac, nache som shiỹaxauapi maye desheenaxatega co'ollaxa aso qaguetapi maye aỹem ilotagui, ỹaỹaten da nacheñi Ñim Nataxala' ñim detaqtac, chegoqchigui naqa'en nam so'otpi.

1 Crónicas 6:60

Qaq nataqa'en qoỹanem som huaqta'a't nỹecpi maye ỹotta'a't naua nañalo maye lalamaxatpi so Benjamín, yem Geba, Alémet qataq ye Anatot, qataq lỹaueegue' som no'onaxapi maye lquia'aqa' som 'atetpi. Qaq da ima'a't se'eso huaqta'a't nỹecpi maye ỹotta'a't naua nañalo, nache ivi' trece, som qoỹanoigui som lauo' le'ecpi so Aarón.

1 Reyes 2:26

Nache so nta'a Salomón, 'enapega so ntaxaỹaxanaxanec Abiatar, 'eeta': «'Aue, qojec, 'anqo'ona ye Anatot, 'avi'eguelaxa ye 'ana'alhua. Cha'aye 'am, iuen taxa da 'am qaỹalauat, qalaxaye nagui saishet da 'am salauat, cha'aye nache 'am co'ollaxa da 'auachetac naxa añi arca maye laỹe' da naỹamaxataxac Ñim Nataxala', ỹauaachigui so ita'a David, qataq nataqa'en 'anhuanaua'a 'enauac na nque'eenaxacpi somaye.»

Jeremías 1:1

Dam la'aqtaxanaxac qataq nam ỹo'otpi co'ollaxa so Jeremías maye llalec so Hilcías. So Jeremías chegoxoguet so nhuo' le'ecpi, som ntaxaỹaxanaxanecpi maye netaña co'ollaxa ye huaqta'a't nỹecpi ye Anatot, yem 'alhua maye lalamaxat so Benjamín.

Jeremías 32:25

Qaq 'Am Nataxala', ¿ta'ainco' da aỹem qonapega da sesheenaxana qataq da sisheeten yi'iye 'alhua, qataq sauo'oi soua ỹauaachiguilo ñaqa'en, ye ne'ena huaqta'a't nỹecpi taỹa'a da loxonec na caldeopi?»

Jeremías 37:12

nache so Jeremías ca'ai so huaqta'a't nỹecpi da yaqto' taỹa yem na'alhua so Benjamín, da yaqto' huapegue' da lataxac som 'alhua maye talec somaye.

Ezequiel 12:7

Nache aỹem saỹamaxaañi so ỹogoxoshetpi nache so'ot dam aỹem ỹamaxalec Ñim Nataxala', qaq so laiñi so na'a'q nache senoxonec iỹatec som ỹogoxoshetpi, sheeta'am cam qaỹauega ca ncoñetaqa'. Qaq so avit nache so'ot so lauac so mpaqtaxanaxat, nache so mashe napalñi, nache ỹauaachigui ñaqa'en 'enauac so shiỹaxauapi da sasaxalec na ỹallac so ỹogoxoshetpi nache ashec.