Jeremías 32:7 - La'aqtaqa Ñim Lo'onatac 'Enauacna 2013

⁷ ‹Ña 'aumeten ñim 'arhuo' le'ec Janamel, ñim llalec so 'antesoqo' Salún, ñimaye 'am naỹa qome da 'am ỹachaxanapecot da 'aushenaxanaxa ye na'alhua maye naña ye Anatot, cha'aye 'am hueto'ot da 'enec da ishet da 'ausheenaxana, cha'aye maiche 'arhuo' le'ec ñimaye.›

Jeremías 32:7 Referans Kwoze

Jeremías 1:1

Dam la'aqtaxanaxac qataq nam ỹo'otpi co'ollaxa so Jeremías maye llalec so Hilcías. So Jeremías chegoxoguet so nhuo' le'ecpi, som ntaxaỹaxanaxanecpi maye netaña co'ollaxa ye huaqta'a't nỹecpi ye Anatot, yem 'alhua maye lalamaxat so Benjamín.

Jeremías 11:21

Qaq nam ỹalleppi ye Anatot, maye huotaique co'ollaxa da aỹem ỹalauat qataq aỹem illapeguem da sa'axat da le'enaxat Ñim Nataxala', da yaqto' saishet da aỹem ỹalauat,

Levítico 25:25

Qaq da huo'o ca 'oonolec na qarhuo'oi le'ecpi da ivita da choxoraq, nache imen ca lalamaxat na'alhua, nache ishet da anac ca lalamaxat lauo' le'ec da nachaalec camaye da yaqto' desheenaxana que'eca imen camaye co'ollaxa.

1 Reyes 14:5

qalaxaye Ñim Nataxala' mashe da'aqtaxanem co'ollaxa so Ajías, da aso lhua so Jeroboán naỹa somaye, da dechemaqtaxaalec so llalec souaxat da dalola. Qataq nataqa'en da'aqtaxanem da 'eetec da la'aqtac da denataxan asomaye, qataq da asomaye, naralaxat da no'otaxac.»

Números 35:2

«Qonapega qome na Israel le'ecpi da 'enauac ne'ena ỹaconeguet 'alhua, ỹauo'o qome ca ỹanem na leviitapi nam huaqta'a't nỹecpi maye ỹotta'a't naua nañalo da yaqto' lalamaxat, qataq ỹanem na no'onaxapi maye coleesop que'eca huaqta'a't nỹecpi maye ỹotta'a't naua nañalo da yaqto' lquia'aqa' na na'atetpi.

Levítico 25:49

Qaq da anac ca ntesoqo', huo'otaq ca llalec ca ntesoqo', huo'otaq ca lỹa lalamaxat lauo' le'ec, nache ishet da nachaalec da isheeten aca lasheue, da yaqto' isoueeguesop da nlataguec. Qaq da huo'otaq ỹaỹamaxañi camaye, nache ishet da maiche nsheetela't.

Levítico 25:34

Qaq ca 'alhuapi maye nquia'axanataxanaqa' maye hueto'oto naua loiguiye nam huaqta'a't nỹecpi maye lalamaxat na leviitapi, namayepi saishet da qaimen, cha'aye nache 'eetai' da lalamaxat namayepi.

Levítico 25:23

Qaq ca 'alhua saishet da ỹoqta qaimen, cha'aye 'enauac camaye ỹalamaxat, qataq ye qami' saishet da nache 'eetai' da qoñiitalec camaye, cha'aye qami' qoñiita'am ca chegaqauec maye choche ñamaxasoxoic.

Jeremías 32:6

Nache so Jeremías, 'eeta': «Ñim Nataxala' aỹem 'enapega, 'eeta':

Jeremías 32:8

Qaq nache ipacchigui som la'aqtac Ñim Nataxala', da so ihuo' le'ec Jananel aỹem naỹa co'ollaq soota'a ye nqasoxoc ñi lma' lta'araic ñi nta'a, nache aỹem iỹaxanot da sesheenaxana ye lalamaxat no'onaxa, maye huaña ye Anatot maye huaigui ye na'alhua nam chegoxoguet so Benjamín, cha'aye aỹemta da aỹem hueto'ot da shenec da ishet da sesheenaxana yemaye da yaqto' ỹalamaxat, cha'aye somaye maiche ỹalamaxat ihuo' le'ec. Qaq souaxat da aỹem saỹaten damaye da lamaxasoxonaxac Ñim Nataxala',

Levítico 25:24

Qaq ỹoqo'oye, da huo'o ca qausheenaxañiỹa 'alhua, nache qami' qauaỹaañita da ca hua'auñi lalamaxat, camaye ishet da ñe'eguelaxaala't.