Jeremías 32:5 - La'aqtaqa Ñim Lo'onatac 'Enauacna 2013

⁵ Nache ñi Nabucodonosor ỹauec qome ñi Sedequías ỹauega ye Babilonia, nache hueta'a qome yemaye choche ivitta'a ca na'a'q qom qaltaq seqocha'a. Qaq na'aictaxa qome da qauloqui' na caldeopi, qalaxaye qaica qome ca qarviye. Qaq 'era da ỹa'aqtac, Aỹem Nataxala'.›»

Jeremías 32:5 Referans Kwoze

Ezequiel 17:15

Qalaxaye se'eso llalec so nta'a, saỹalaxaguet co'ollaxa so nta'a ye Babilonia, nache ỹauo'o so lamaxashecpi da ỹamaxa ye Egipto da yaqto' iỹaxanaique so qalota caipi qataq so qalota ỹalleppi. ¿Qaupi'itaxañiitega peta'a da qom ime de'era, nache huo'o ca la'amaqchic, qataq ishet da nca'alec? ¿Ishet peta'a da nca'altauec ca saishet da ipaguelec cam naỹamaxataxac co'ollaxa?

Jeremías 39:7

Qaq ime nache qaltaq damaxasoxoolec so Sedequías da qanqa't naua la'ai'te, qataq qaỹauo'o so lquet lcat, da yaqto' qaỹauega ye Babilonia.

Jeremías 33:5

Na Babilonia le'ecpi anac da yaqto' iloquiaxan na huaqta'a't nỹecpi nache nlaxatchigui namaye na leuaxaicpi. Qaq souaxat da ỹayeloxo qataq da inogoxonaxac, nache saishet da selogui ne'ena huaqta'a't nỹecpi, qaq seque'emaqchet namayepi souaxat 'enauac nam ỹo'otpi maye qauem.

Jeremías 27:22

«'Enauac ne'enapi qairo'ogue qome da Babilonia, qaq nache hueta'a qome yemaye, choche ivitta'a cam na'a'q qom she'eguena'a nache ñe'eguelaxata ne'ena nma'. Qaq 'era da ỹa'aqtac Aỹem Nataxala'.»

Ezequiel 12:13

Aỹem sasaxalec qome ca ỹaleguec nache ỹoxonec qome. Qaq ime nache sauega qome ye Babilonia maye na'alhua na caldeopi, yem 'alhua maye saishet qome da ila'a cha'aye qaicaua naua la'ai'te, qataq nache huaña qome yemaye da ileu.

Jeremías 37:10

Qaq na'aictaxa da qami' qoroxoñiqui 'enauac na alleppi caldeopi maye qami' iloquiaxaata'ape, qataq na'aictaxa da nachenata na que'emaxaicpi alleppi da no'onaña cam nanataqa', qalaxaye camayepi ñesheguem qome, nache ỹegueua'a na huaqta'a't nỹecpi.»

Jeremías 2:37

Qaq 'am nlaqchigui qome da 'ara'agaxa qom 'auachegoqchiguiña ye Egipto da 'añe'eguelaq, cha'aye Aỹem sa saconeguet nam shiỹaxauapi maye 'auachelec da 'arpi'iỹaxac, qaq qaica qome ca 'auachegoxotaigui da 'anauochaxac namayepi.»

Proverbios 21:30

Ỹataqta qaica ca naigui ca naỹaanec, naỹaanataxanaxac, qataq ca no'o'n nqataxac da qaỹataỹa'aguet Ñim Nataxala'.

2 Crónicas 24:20

Huaña nache so Zacarías, som llalec so ntaxaỹaxanaxanec Joyadá, nvita som Saqcha'a La'añaxac Ñim Lo'onatac 'Enauacna, nache nachaañi tasheguema aso qaỹoqotcheguemec coma', nache 'enapega so nhuo' le'ecpi, 'eeta': «Ñim Lo'onatac 'Enauacna da la'aqtac, 'eeta': ¿Ta'ainco' da saqaualaqaiguet na ỹamaxasoxonaxacpi? Qaq souaxat de'era qauo'oche nache saishet qome da no'on da qoyecỹaxaqui. Qaq cha'aye qami', aỹem qoquiỹa'ai, nache aỹem nataqa'en qami' sheca'aisalo qome.»

2 Crónicas 13:12

Qaq Ñim Lo'onatac 'Enauacna, nacheñi Ñim Qarataxala', qaq nam ltaxaỹaxanaxanecpi Ñimaye mashe lhuotta da ỹashiiyigui ana nasheerepi, da yaqto' qami' sataỹaqa'agueta da qami' seloquiaxato. Qaq qami' Israel le'ecpi, saishet qome da qauloqui' Ñim Nataxala' maye Natamnaxala' so hua'au qarta'ailpi, cha'aye saishet qome da qanaviqui Ñimaye.»

Números 14:41

Qalaxaye so Moisés 'enapego' somayepi, 'eeta': ¿Ta'ainco' da sa qaualaqaiguet da lamaxasoxonaxac Ñim Nataxala'? ¡De'era qoñiitapeguec damaye saishet qome da ipacchigui!

Jeremías 32:6

Nache so Jeremías, 'eeta': «Ñim Nataxala' aỹem 'enapega, 'eeta':

Jeremías 32:24

Qaq nagui na caldeopi nauaxaỹaxaasheguem na lliguisheguempi da yaqto' iloquiaxan na huaqta'a't nỹecpi, qaq dam alaataxac, qataq na nqouaxa qataq na napiina, nachena qome na ỹo'ot da noxonec na huaqta'a't nỹecpi. 'Am Nataxala' 'aumeteetac da mashe ipacchigui 'enauac nam 'aua'axattac co'ollaxa.

Jeremías 39:5

Qalaxaye so alleppi caldeopi icaalec co'ollaxa somayepi, nache iviralec so Sedequías huaña som nalochiguiñi 'alhua ye Jericó, nache qaỹaconeua'a somaye, nache qaỹauega so nta'a Nabucodonosor maye hueta'a co'ollaxa ye Ribla, maye huaigui ye 'alhua Hamat, nache huaña yemaye da so nta'a Nabucodonosor ỹauo'o da nhuaxanaguec somaye:

Lamentaciones 1:14

Ñim Nataxala', ỹauaachigui na ỹasouaxashetpi, nache Ñimaye aỹem icoñera'aguet namayepi, 'eeta'am naqa'en ca huaca lauegaxanaxaqui 'epaq, ¡qaq mashe qaica ca ỹa'añaxac naqa'en! Ñim Nataxala' aỹem ỹaneguet da lhuaqỹaxac nam shiỹaxauapi maye saseshet da sataỹa'aguet.

Ezequiel 12:12

Qaq ñim lataxala' namayepi qalaq ỹasaxalec qome na lallac ca logoxoshetpi, qaq qom napalchiguiñi nache jec tachiviigui cam lauac ca mpaqtaxanaxat maye itagoxotec qome. Qaq qom jec nache ỹapotagui na lashec da yaqto' saishet da ilolec ne'ena 'alhua.

Jeremías 39:4

Qaq so nta'a Sedequías qataq so nalleppi co'ollaq ila'a de'era qanayeuaigui, nache datauec ca'ai ye huaqta'a't nỹecpi. Pe co'ollaxa da jec somayepi, tateuga so nqa'aic maye taalec so lanaxanaqa' so nta'a, nache tachiviigui so lasom maye quichiguinguilo soua dos npaqtaxanaqa'ate, nache quetregue so nqa'aic maye taalec so ca'amegue ye Jordán.