Jeremías 32:41 - La'aqtaqa Ñim Lo'onatac 'Enauacna 2013

⁴¹ Qaq Aỹem samachiguiñi qome da so'otec da no'on namayepi, qataq ỹataqta imauec da iquiyaqteỹaxac qataq da huesota iuennataxac da so'ot da nache netalec ne'ena 'alhua.»

Jeremías 32:41 Referans Kwoze

Jeremías 24:6

qataq ñepaxattalec, qataq ñe'eguelaxata qome ne'ena 'alhua. Qaq nache huaña qome ne'ena da qaica ca iueetaique, qataq saishet qome da qaltaq she'eguelaxa da selaxachigui namayepi, saañi qome namayepi, nache saishet da qaltaq ñapogosheguem.

Sofonías 3:17

Cha'aye Ñim Nataxala' maye 'Anatamnaxala' qami' netanguilo; ¡Ñimaye ỹataqta 'añaxaic, nache 'am nca'alaxatec qome! Ñim Nataxala' ỹataqta machiguiñi qome souaxat da qoneta. Qaq do'ogoxona qome da lsoxoyec da naralaxat da 'anachaalataxac; Qaq souaxat da ntonaxac, nache do'onaxaatac

Amós 9:15

Cha'aye aỹem sanalec qome namayepi na maiche na'alhua co'ollaxa, huaña nache qaica ca ishet da qaltaq anac da ỹauec namayepi. Qaq 'era da la'aqtac Ñim Nataxala' maye Lo'onatac 'Enauacna.

Isaías 62:5

Cha'aye da 'eetec cam nsoqolec da huaroneguet aca nauonaxaua, qaq nache 'eetec qome Ñim Lo'onatac 'Enauacna da 'am ỹaconeua'a da ỹauo'o 'am lhua, qaltaq 'am no'oxoosheguem qome nache Ñimaye ỹataqta machiguiñi qom 'am hueta'aguet, 'eeta'am ca nhua da ỹataqta machiguiñi da hueta'aguet aca lhua.

Isaías 65:19

Qaq Aỹem samachiguiñi qome souaxat ye Jerusalén, qataq huo'o qome da ñetonaxac souaxat nam ỹalamaxat nhuo' le'ecpi. Cha'aye saishet qome da qaltaq qaỹa'aqtega ca noinaxac qataq ca na'alaxac souaxat da nachetataic.

Jeremías 31:28

Qaq dam 'eetec co'ollaxa da Aỹem lhuotta da ñapogosheguem, sa'axasoxooñi qataq huetaiya' ñaqa'en, selaxachigui qataq so'otec da qauem, qaq nache 'eetec nagui da Aỹem lhuotta da yaqto' ño'oxoosheguem qataq saañi. Qaq 'era da ỹa'aqtac Aỹem Nataxala'.

Jeremías 18:9

Qataq huo'o ñaqa'en ca laloqo' da ño'oxoosheguem qataq nquictauec ñaqa'en ca ỹotta'a't shiỹaxauapi, huo'otaq ca no'onataxanaxac.

Deuteronómio 30:9

Qaq huaña qome nache Ñim Nataxala' maye Qanatamnaxala'ai, ỹataqta no'on naqa'en 'enauac cam qauo'oche, qataq no'on naqa'en da qarco'oxoqui qataq da lco'oxoc ca qareloipi, qataq no'on naqa'en na ala ca qorañiguishiqui. Nache Ñim Nataxala' machiguiñi qome da qaltaq qami' ỹo'oteque ca no'on qanaỹamaxataxaqui, 'eeta'am co'ollaq ỹo'otec da no'on naỹamaxataxac so hua'au qarta'ailpi,

Deuteronómio 28:63

Qaq dam 'eetec co'ollaxa Ñim Nataxala' co'ollaq ỹaỹamaxareeta da 'am talec da no'on qataq 'anquictauec, qaq nache 'eetec Ñimaye da ỹaỹamaxareeta qome da 'am ilaxachigui, nache ỹo'ot da 'am sa qaiyacnapec qom 'am qanqateeguesop yem 'alhua maye qonetalec qome.

Salmos 80:8

Qaq 'auachegoxotchiguiña co'ollaxa ye Egipto da 'andoi' aso uva lcheyec, nache 'auo'orauec na ỹotta'a't shiỹaxauapi, nache 'aỹa'aañi asomaye.

Isaías 62:4

Nache saishet qome da qaltaq 'am qaỹamata'ac da «Nỹecpi qaỹalat», qataq na 'ana'alhua saishet qome da qaỹamata'ac «'Alhua nlachiguiñi», maye nacherata da 'are'enaxat qome da «Ỹauotaqte», qaq nam 'ana'alhua qalaq «Ỹalamaqte ihua» Cha'aye 'am lauotaqte Ñim Nataxala', qaq Ñimaye 'eeta'am qome da lhua na 'ana'alhua.

Miqueas 7:18

Qaq ¿negue't ca Atamnaxala' da 'eeta'am 'am, da 'auapalaxat na lasouaxashetpi qataq sa 'aulogui da saỹalaq nam saq 'amaqtaq maye no'onañi co'ollaxa 'aralamaxat nhuo' le'ecpi? Qataq saishet da nache 'eetai' da 'arayeloxo, cha'aye nache 'eetai' da lta'araic 'arauotaxanaqtaic da shenaqta.

Isaías 60:21

Qaq huaña qome nache 'enauac nam 'arhuo' le'ecpi no'on da lataxac, qataq nache 'eetai' qome da lalamaxat ne'ena 'alhua, nache namayepi 'eeta'am qome da llaxataxa aca nañiguishe maye maiche saañi, maye sauota'aisalo naua ihua'q da so'ot, da yaqto' ỹachaxan da ỹo'oxoyec.

Ezequiel 36:36

Qaq huaña qome, nache nam qarhuoreuai nhuo' le'ecpi maye ñaq nca'altauec, ỹaỹaten qome da Aỹem Nataxala', maye qaltaq ño'oxoosheguem nam qailaxachigui co'ollaxa, qataq she'eguelaxa da saalec nam toolec co'ollaxa. Qaq 'era da ỹa'aqtac Aỹem Nataxala', qaq damaye ipacchigui qome ñaqa'en.

Oseas 14:5

Nache sheeta'am qome ca 'aỹa da talec na Israel le'ecpi, nache namayepi 'eeta'am qome ana lache late'e da huo'o ana lauoxo, qataq ỹataqta ỹa'areñi na lpa'a'pi, 'eeta'am ana cedropi ye Líbano.