Jeremías 32:36 - La'aqtaqa Ñim Lo'onatac 'Enauacna 2013

³⁶ Qaq Aỹem Nataxala', maye Natamnaxala' na Israel le'ecpi, sa'axat da 'eetec qome ne'ena huaqta'a't nỹecpi maye 'am qonetega loxonec ñi nta'a ye Babilonia huaigui ca alaataxac qataq nqouaxa qataq napiina:

Jeremías 32:36 Referans Kwoze

Jeremías 32:24

Qaq nagui na caldeopi nauaxaỹaxaasheguem na lliguisheguempi da yaqto' iloquiaxan na huaqta'a't nỹecpi, qaq dam alaataxac, qataq na nqouaxa qataq na napiina, nachena qome na ỹo'ot da noxonec na huaqta'a't nỹecpi. 'Am Nataxala' 'aumeteetac da mashe ipacchigui 'enauac nam 'aua'axattac co'ollaxa.

Jeremías 32:3

Cha'aye so nta'a Sedequías damaxasoxoolec co'ollaxa da qaicoñe', cha'aye so Jeremías 'enapec co'ollaxa: «Ñi Nataxala', 'eeta': ‹Aỹem so'ot qome da ne'ena huaqta'a't nỹecpi loxonec ñi nta'a ye Babilonia,

Jeremías 32:28

Qaq ỹoqo'oye Aỹem, 'am shenapega, sheeta': Aỹem so'ot qome da ne'ena huaqta'a't nỹecpi, loxonec ñi Nabucodonosor maye nta'a ye Babilonia, qataq nam caldeopi.

Romanos 5:20

Na namaxasoxonaxacpi co'ollaq huo'o, nache ỹo'ot da la'añaxac da ñe'etaxaloxo. Qaq na'aictaxa da ñe'etaxaloxo da huo'o da la'añaxac, qalaxaye da lsoxoyec Ñim Lo'onatac 'Enauacna napacalec damaye.

Oseas 2:14

Qaq ỹoqo'oye aỹem ñemanaqchet qome, nache sauega ye toolec 'alhua, nache sechettac da setaxaỹot, yaqto' ỹoxonec da lquiyaqteỹaxac.

Jeremías 32:37

«Aỹem llaỹona't qome na nhuo' le'ecpi maye hueta'a na 'alhuapi maye selagaxaalec co'ollaxa, co'ollaq Aỹem nlaxagui da ỹalemataic, inogoxonaxac qataq da chaqaic ỹayeloxo, nache ñe'eguelaxata qome ne'ena 'alhua da yaqto' ỹe'emaqtac qom netalec namaye.