Jeremías 32:24 - La'aqtaqa Ñim Lo'onatac 'Enauacna 2013

²⁴ Qaq nagui na caldeopi nauaxaỹaxaasheguem na lliguisheguempi da yaqto' iloquiaxan na huaqta'a't nỹecpi, qaq dam alaataxac, qataq na nqouaxa qataq na napiina, nachena qome na ỹo'ot da noxonec na huaqta'a't nỹecpi. 'Am Nataxala' 'aumeteetac da mashe ipacchigui 'enauac nam 'aua'axattac co'ollaxa.

Jeremías 32:24 Referans Kwoze

Jeremías 33:4

Cha'aye Aỹem Nataxala' qataq Natamnaxala' na Israel le'ecpi, huo'o da ỹa'aqtaxanaxac da sa'axat na nỹecpi na Jerusalén qataq na lma'pi na nta'alpi ye Judá da taỹa'a qome da qaỹamaxañi qaỹauota'a na qo'oipaq lta'araic qataq ana qachepe.

Jeremías 32:36

Qaq Aỹem Nataxala', maye Natamnaxala' na Israel le'ecpi, sa'axat da 'eetec qome ne'ena huaqta'a't nỹecpi maye 'am qonetega loxonec ñi nta'a ye Babilonia huaigui ca alaataxac qataq nqouaxa qataq napiina:

Deuteronómio 4:26

Ỹoqo'oye nagui ana 'alhua qataq na piguem hua'aqchigui ñaqa'en da ỹa'aqtac da sa qaỹaloq qome da qami' imereuo, qom mashe qoñiitalec yi'iye 'alhua maye pa'aitague da le'ego ye tala Jordán. Qataq saishet qome qaỹoqtegue da qoñiitalec yemaye.

Zacarías 1:6

Qalaxaye naua ỹa'aqtaqa, qataq naua ỹamaxasoxonaxaco, maye sanema som ỹamaxashecpi maye ỹa'aqtaxanaxanecpi, iviro'ot co'ollaxa so hua'au qarta'ailpi. Qaq somayepi aỹem ỹe'eguelaxa co'ollaxa, cha'aye ỹaỹateeteguet da Aỹem Nataxala' maye Qaica ca Saqalanapec, sero'oguet co'ollaxa dam naigui da maiche lataxac, qataq nam ỹo'otpi somayepi.»

Ezequiel 21:22

Qaq aca 'oonole checna maye huetaigui na lhuaq aloiguishec, ỹachaxan qome so nqa'aic maye taỹa'a ye Jerusalén, qaq huaña nache ỹaỹaten da iuen da iloquiaxan yemaye, ỹauota'a na lo'ogoxonaxatpi da deloqui, qataq damaxasoxon da qaỹo'ot ca nalaataxanaxac, qataq ỹa'alaqtagui da nalat, qataq qailaxachigui na lasompi, qataq ỹo'ot na lliguisheguempi, qaq nache imauec da coleesop yemaye.

Ezequiel 14:21

Qaq Aỹem Nataxala', shenapec: «Ỹataqta ỹactec taxa da qauem da ñamaxa ye Jerusalén naua cuatro iuaxanaxanaxaco maye chaqaiqa: Alaataxac, nqouaxa, qataq na shiguiỹacpi maye huauec, qataq na nhuetaxanaxasat, nache ỹalauat na shiỹaxauapi qataq na shiguiỹacpi.

Jeremías 32:3

Cha'aye so nta'a Sedequías damaxasoxoolec co'ollaxa da qaicoñe', cha'aye so Jeremías 'enapec co'ollaxa: «Ñi Nataxala', 'eeta': ‹Aỹem so'ot qome da ne'ena huaqta'a't nỹecpi loxonec ñi nta'a ye Babilonia,

Mateo 24:35

Na piguem qataq ana 'alhua imeuo qome, qalaxaye da ỹa'aqtac saishet da imeuo.

Jeremías 52:6

Qaq so na'a'q nueve so ca'agoxoic cuatro se'eso vi'i, nache nquiguec na nqouaxa se'eso huaqta'a't nỹecpi, nache so shiỹaxauapi mashe qaica ca aloq.

Jeremías 32:25

Qaq 'Am Nataxala', ¿ta'ainco' da aỹem qonapega da sesheenaxana qataq da sisheeten yi'iye 'alhua, qataq sauo'oi soua ỹauaachiguilo ñaqa'en, ye ne'ena huaqta'a't nỹecpi taỹa'a da loxonec na caldeopi?»

Jeremías 24:10

Qataq ñamaxa qome namayepi ca alaataxac, qataq ca nqouaxa, qataq ca napiina, nache choche ivitta'a qome da qaica da 'oonolec ca no'onalec ne'ena 'alhua, maye sanem co'ollaxa namayepi, qataq som hua'au lta'alpi.»

Jeremías 16:4

Camayepi ilem qome ca nalolaxa maye ỹataqta qauem, nache qaica qome ca nỹeelec camayepi qataq qaica ca ilayiñi qome: camayepi laguelec qome na'alhua, 'eeta'am na shiguiỹac la'atec. Ca alaataxac qataq ca nqouaxa, nmichiguiñi qome naqa'en camayepi, qaq da lo'ocỹaxac camayepi qalaq chec qome na teguesanpi qataq na huauec shiguiỹacpi.»

2 Samuel 20:15

Qaq so laỹepi so Joab co'ollaq ivita ye Abel Betmacá, nache coleesop qataq ỹapoua'a, nache nauaxaỹaxaasheguem so ñeguisheguempi ye npaqtaxanaxat, da yaqto' iloquiaxan so lma' se'eso huaqta'a't nỹecpi, nache 'enauac so nalleppi so Joab ntauna't da huotaique da nlaxaañi se'eso npaqtaxanaxat.

Isaías 37:33

Qaq Ñim Nataxala' ỹa'axat da 'eetec qome ñi nta'a ye Asiria, 'eeta': ‹Saishet qome da inoxoneua'a na Jerusalén qataq saishet da chochaq 'oonole lchecna aca ỹaỹenec, qataq da ỹauota'a aca lpaqtaxanaqte da iloquiaxan namaye, qataq saishet da no'oxoosheguem ca llec da inoxotaua'a namaye.

Jeremías 6:6

Ñim Nataxala' maye Qaica ca Ỹaqalanapec ỹan de'era lamaxasoxonaxac, 'eeta': «¡Qauchiqui aca qo'oipaqpi, nache qauo'oche ca ñeguisheguempi da yaqto' qauloquiaxañi ye Jerusalén! Yi'iye huaqta'a't nỹecpi qaỹauo'o qome da nhuaxanaguec, cha'aye nlaqchigui da qaica ca qairen.

Jeremías 20:5

Qataq nataqa'en sanem nam mpa'aguenaxauapi, 'enauac da nsallaxa maye hueta'a ne'ena huaqta'a't nỹecpi, qataq 'enauac nam lalamaxatpi qataq na nogoxoshetpi maye lta'araic da lashiichiỹaxac, qataq 'enauac nam laỹamaqtacpi na nta'alpi na Judá, da yaqto' iro'ogue da Babilonia.

Jeremías 29:17

«Aỹem Nataxala' maye Qaica ca Seqalanapec, 'eeta' da ỹa'aqtac: Aỹem qami' ñamaxalo qome ca alaataxac, nqouaxa qataq ca napiina. Nache qami' so'oteque da qoñeeta'am aca higo nchegueraxai, qaq souaxat da ỹataqta qauem nache saishet da qanallec.

Jeremías 29:18

Aỹem qami' secana'ape qome qami' seroleguete ca alaataxac, nqouaxa qataq ca napiina. Nache qami' so'oteque da 'enauac na ỹotta'a't shiỹaxauapi da qami' deqaigalo da qami' ilota'alo, qataq qami' so'oteque da qami' naloqnaxanaqa'ate da qauem qataq da na'agaxa qataq cam qaiqaiga qataq ca ỹo'ot da ne'elaxa maye huetalec 'enauac nam ỹotta'a't shiỹaxauapi maye qami' selagaxaaleguete co'ollaxa.

Jeremías 32:5

Nache ñi Nabucodonosor ỹauec qome ñi Sedequías ỹauega ye Babilonia, nache hueta'a qome yemaye choche ivitta'a ca na'a'q qom qaltaq seqocha'a. Qaq na'aictaxa qome da qauloqui' na caldeopi, qalaxaye qaica qome ca qarviye. Qaq 'era da ỹa'aqtac, Aỹem Nataxala'.›»

Jeremías 32:28

Qaq ỹoqo'oye Aỹem, 'am shenapega, sheeta': Aỹem so'ot qome da ne'ena huaqta'a't nỹecpi, loxonec ñi Nabucodonosor maye nta'a ye Babilonia, qataq nam caldeopi.

Jeremías 34:17

Qaq ỹoqo'oye Aỹem Nataxala', shenapec: Qami' saishet da Aỹem qaualaqaiguet, cha'aye saishet da qa'axañeeuec nam qal-lataquipi maye maiche qarhuo'oi le'ecpi: Qaq ỹoqo'oye nagui Aỹem, qami' taleguete qome ñaqa'en ca alaataxac, napiina qataq ca nqouaxa, da yaqto' qami' ỹo'oteque da qami' deqaigalo 'enauac na nta'alpi ana 'alhua. Qaq 'era da ỹa'aqtac Aỹem Nataxala'.

Jeremías 52:4

Qaq so na'a'q diez so ca'agoxoic diez so vi'i nueve da lo'onataxanaxac so Sedequías, nache so nta'a Nabucodonosor, jec nnaicapegue' 'enauac so nalleppi da nqo'ona ye Jerusalén, nache coleesop. Nache ỹauo'o so lanataqa' ỹanaña ye datatta ye Jerusalén qataq ỹaachiguiñalo na lliguisheguempi da yaqto' iloquiaxan yemaye.

Ezequiel 26:8

Nache ỹalauat qome cam huetauga na 'ano'onaxa maye nalochiguiñi irolec ca ỹeelonec, qataq no'oxoosheguem ca npaqtaxanaxat 'am coleesop naqa'en, qataq nauaxaỹaxaasheguem ca lliguisheguempi da yaqto' 'am iloquiaxan, qaq 'am iloquiaxan qome ca alleppi maye nasoqta'a ana lpaqtaxanaqtepi.

Habacuc 1:10

Nache ỹataqta ỹa'ashaxanai' na nta'alpi qataq na 'amaqtaqaicpi, qataq ỹe'enai' na npaqtaxanaxatpi nache ỹo'ot na lliguisheguempi, da yaqto' huenoxotaua'a da deuotaxanec.

Ezequiel 4:2

Ime nache coleesop 'anqa'en na alleppi qataq na lo'ogoxonaxatpi da alaataxac, qataq 'avi'inaxat ca mpaqtaxanaxat da coleesop, qataq ca ñiguisheguem, yaqto' ỹaatec da 'eeta'am ca huaqta'a't nỹecpi da qaicoleesop.

Ezequiel 21:27

Qaq 'enauac qome da nlachiguiñi ne'ena huaqta'a't nỹecpi, nache 'enauac imeuo qome. Qaq de'era yo'oq qom ivita ca laloqo' da anac cam sepataxalec da ỹo'ot cam nalochiguiñi lataxac.