Jeremías 32:23 - La'aqtaqa Ñim Lo'onatac 'Enauacna 2013

²³ Qalaxaye namayepi co'ollaq nnoxoneua'a ne'ena 'alhua, qataq nalec namaye, nache saishet da 'am ỹalaxaguet, qataq saishet da quegue dam 'arapaxaguenataxanaxac maye 'aỹa'anem co'ollaxa, qataq saishet da ỹo'ot nam 'auamaxalecpi. Qaq ỹoqo'oye 'Am 'anamaxa namayepi 'enauac ne'ena qauempi.

Jeremías 32:23 Referans Kwoze

Esdras 9:7

Qataq mashe qaỹoqteguelo soua vi'iye, choche ivitta'a nagui, da ỹataqta lta'araic de'era qarasouaxashet. Qaq souaxat ne'ena qauemsat, nache qomi', qataq na qarta'alpi, qataq na ntaxaỹaxanaxanecpi, qomi' qoỹanegueta da la'añaxac na lta'alpi na ỹotta'a't shiỹaxauapi maye qarhuoreuapi. Nache qomi' qaique'emaqcheteque so ỹeelonec, qataq qomi' nlataqa, qataq qomi' qanhuo't, qataq qomi' qane'eetapiguilo, choche ivitta'a nagui.

Lamentaciones 1:18

Qaq Ñim Nataxala', ỹaỹamaqchiguiñi dam ỹo'ot, cha'aye aỹem sataỹa'agueta naua lamaxasoxonaxaco. ¡Ñaq qana'axaỹaxañi nagui 'enauac qami' nhuo' le'ecpi, qataq qaumichiñi da ñequi'ic! ¡Som ỹalamaxat nsoxoppi, qataq som qa'ampi qaỹauega yem ỹaqa'a 'alhua!

Santiago 2:10

Qami' da qaualaqaiguet 'enauac na namaxasoxonaxacpi, qalaxaye da huo'otaq 'oonolec ca saishet da qaupaquiilec namayepi, nache 'eeta'am da 'enauac na laỹepi namaxasoxonaxacpi da saishet da qaualaqaiguet.

Gálatas 3:10

Qaq ỹoqo'oye huetalec da lta'araic lchec nam huotaique da ỹachegoxotchigui da ỹalaxalec na namaxasoxonaxacpi da huotaique da ỹaỹamaxareeta Ñim Lo'onatac 'Enauacna, cha'aye naua ñiyigui'she maye nanettaleguete ana nere maye huetalec na la'aqtacpi Ñim Lo'onatac 'Enauacna, 'eeta': «Ỹataqta qauem qome ca talec nam saishet da ỹalaxalec na namaxasoxonaxacpi.»

Juan 15:14

Qaq qami' nacheqami' ñauochaxau', da qauo'oche dam qami' samaxaleguete.

Lucas 17:10

Qaq nache 'eetec qami' da qaumache 'enauac nam qami' ỹamaxaleguete Ñim Lo'onatac 'Enauacna, nache saishet da qauacheetaique da qami' ỹanema ca na'achec. Nachaqrata da qoñiita': «Qomi' choche qomi' namaxa'she, nachaqrata da so'otaq qataq sepagaqtelec dam qanamaxasaguec.»

Ezequiel 20:21

Qalaxaye nataqa'en som llalaqpi somayepi Aỹem saỹalaxaguet co'ollaxa. Saishet da ỹalaxaguet na iqataxacpi, qataq saishet da ipaguelec, qataq saishet da ỹo'ot na ỹamaxasoxonaxacpi, maye ỹo'ot da lca'alaxa cam ỹo'ot namayepi, qataq ishepaxanaqchet ye na'a'q mataxaqui maye ỹalamaxat. Qaq huaña nache huo'o da iuennataxac da sematalec da ỹayeloxo somayepi, qataq da ñematchiguiñi da huaña ye toolec 'alhua, da yaqto' vi'iiguet da ỹayeloxo,

Ezequiel 20:18

Qaq nacherata co'ollaxa da shenapega som llalaqpi da saishet da ỹo'ot nam ỹamaxalecpi so lta'alpi, qataq nam lapaxaguenataxanaxacpi somayepi, qataq saishet da nshepaxanaqchet da lataxac somayepi souaxat na nqolacpi.

Ezequiel 20:8

Qalaxaye somayepi Aỹem dataỹa'aguet co'ollaxa, nache saishet da Aỹem na'axaỹaxana, saishet da ỹaxanec na nqaigaxat natamnaxala'pi, qataq saishet da ca'ai na nqolacpi maye lalamaxat ye Egipto. Qaq Aỹem iuennataxac co'ollaxa da sematalec da ỹayeloxo somayepi, qataq da sauo'o ca nhuaxanaguec da huaña ye Egipto, choche ivitta'a da samachiguiñi da nmisheguem da ỹayeloxo.

Lamentaciones 1:8

Ye Jerusalén ỹataqta qalota na lasouaxashetpi, qaq nachera da huo'omshe ivira'a da qane'eetapigui. Nam ỹo'oxoreetac co'ollaxa yemaye qaq nagui qalaq ne'eetapigui, souaxat da ỹauaachigui yemaye da qailaxachigui. Qaq ỹoqo'oye nagui nỹeetac, qataq souaxat da la'agaxa nache saỹachaxan na lashec.

Nehemías 9:15

Qataq 'anamaxa so nallec maye chegoqo'ot na piguem da yaqto' vi'iguet na lqouaxa, qataq 'aỹa'anem so 'etaxat 'auachegoxotaigui aso coma', da yaqto' vi'iguet so laquip lamaic. Qataq 'aỹa'anem ye 'alhua, maye 'auachaxanapeguem co'ollaxa da 'aỹa'anem.

Josué 23:16

qom saishet da qaualaqailec da aỹamaxataxac maye qami' ỹo'oteque Ñim Nataxala' maye Qanatamnaxala'. Qataq da qavio'oxoyiñi ca ỹaqa'a atamnaxala', qataq da qaua'ayiỹoto naua qarllicchilli' camaye, nache Ñim Nataxala' qami' dalemataỹalo qome, nache qami' nqateeguesopa ne'ena no'on 'alhua maye qami' ỹanema Ñimaye.»

Salmos 78:10

Saishet da ipaguelec da la'aqtac co'ollaq naỹamaxate' Ñim Lo'onatac 'Enauacna qataq saishet da ỹalaxalec da lapaxaguenataxanaxac Ñimaye.

Jeremías 2:7

Aỹem ñauega co'ollaxa somayepi ne'ena no'on 'alhua, da yaqto' chectac na ala qataq nam ỹataqta no'on maye chegaqaigui namaye. Qalaxaye qami' qauanaqui nache saqauyacñiỹapec ne'ena ña'alhua, qataq qauo'oche da seqaiga ne'ena 'alhua maye ỹalamaxat.

Jeremías 26:4

Qataq 'aua'aqtaxanem da Aỹem Nataxala' shenapec: ‹Da saishet da Aỹem qaualaqaiguet qataq sa qaupaquiileguete naua ỹapaxaguenataxanaxaco maye qami' sanema,

Jeremías 44:10

Qaq ivitta'a nagui da qami' saishet da qanaralaxache da qarataxaqui, qataq qaica ca qarcolanqai, qataq saishet da qaupaquiilec na ỹapaxaguenataxanaxacpi qataq na iqataxacpi maye qami', qataq som hua'au qarta'ailpi sanem co'ollaxa.

Josué 21:43

Qaq 'era da 'eetec Ñim Nataxala' da ỹanem co'ollaxa so Israel le'ecpi 'enauac se'eso 'alhuapi, maye ỹachaxanapecot co'ollaxa so hua'au lta'alpi, huaña nache so Israel le'ecpi nalec co'ollaxa se'eso 'alhuapi.

Jeremías 7:26

Qalaxaye qami' saishet da Aỹem qaualaqaiguet qataq saishet da aỹem qauqocheetega, nacherata da ỹapac saqaualaqai, qanapacỹalec som hua'au qarta'ailpi.