Jeremías 32:2 - La'aqtaqa Ñim Lo'onatac 'Enauacna 2013

² Qaq se'eso na'a'q nache so nalleppi so nta'a ye Babilonia iloquiaxaatac ye Jerusalén, qaq so na'aqtaxanaxanec Jeremías qaỹapotaua'a hueta'a so nqasoxoc so nta'a.

Jeremías 32:2 Referans Kwoze

Jeremías 37:21

Qaq huaña nache so nta'a Sedequías damaxasoxoolec so Jeremías da qoỹaataña ye qasoxoc maye nauanaxanaqa' da ncoñetaqa' qanqa'en, qataq 'enauaque naua na'axa'te da qairotegueua'a ana nauole 'ayiiña maye chegoqtegueuga so nqa'aic maye hueta'a na imeetac naxa ana nauole. Qaq damaye nache qoỹeeta'ac co'ollaq ñaqauo'o ana nauole 'ayiiña se'eso huaqta'a't nỹecpi. Qaq 'era da 'eetec da so Jeremías hueta'a so qasoxoc maye nauanaxanaqa'.

Nehemías 3:25

Qaq so Palal, som llalec so Uzay, somaye no'oxoosheguem so npaqtaxanaxat maye datateguet aso lamaqai, qataq aso nalloxolate maye qaỹoqotcheguemec maye netaña so qasoxoc maye lauanec so huataxanaqpi. Qaq so taỹa'ague so npaqtaxanaxat qalaq no'oxoosheguem so Pedaías, som llalec so Paros.

Jeremías 38:6

Qaq huaña nache somayepi ỹaconeua'a so Jeremías, nache ỹasaxangui aso nshere 'etaxat laỹe' maye lalamaqte so Malquías maye naña so qasoxoc maye nauanaxanaqa'. Qaq somaye qaỹauota'a so lquet da qaỹasaxañi, qaq cha'aye aso nshere ye qaica ca 'etaxat, nda'a't na nshaxa, nache so Jeremías lhuotañi da tangui so nshaxa.

Jeremías 33:1

Qaq co'ollaq ñaq qaicoñettai' so Jeremías hueta'a ye nqasoxoc aso ncoñetaxanaxaqui, nache Ñim Nataxala' qaltaq detaxaỹot somaye, nache 'enapega, 'eeta':

Jeremías 32:8

Qaq nache ipacchigui som la'aqtac Ñim Nataxala', da so ihuo' le'ec Jananel aỹem naỹa co'ollaq soota'a ye nqasoxoc ñi lma' lta'araic ñi nta'a, nache aỹem iỹaxanot da sesheenaxana ye lalamaxat no'onaxa, maye huaña ye Anatot maye huaigui ye na'alhua nam chegoxoguet so Benjamín, cha'aye aỹemta da aỹem hueto'ot da shenec da ishet da sesheenaxana yemaye da yaqto' ỹalamaxat, cha'aye somaye maiche ỹalamaxat ihuo' le'ec. Qaq souaxat da aỹem saỹaten damaye da lamaxasoxonaxac Ñim Nataxala',

Jeremías 36:5

Ime, nache so Jeremías 'enapega so Baruc, 'eeta': «Ña 'aumeten da souaigui, damaye ỹo'ot da saishet da saua'a añi atamnaxaqui maye lalamaqte Ñim Nataxala'.

Jeremías 32:3

Cha'aye so nta'a Sedequías damaxasoxoolec co'ollaxa da qaicoñe', cha'aye so Jeremías 'enapec co'ollaxa: «Ñi Nataxala', 'eeta': ‹Aỹem so'ot qome da ne'ena huaqta'a't nỹecpi loxonec ñi nta'a ye Babilonia,

Salmos 88:8

Qataq 'auo'otec da aỹem ỹalat na ñauochaxauapi, qataq da aỹem deqaiga namayepi. Nache sheeta'am ca ncoñeteguishec maye saishet da datauec.

Jeremías 34:1

Qaq so Nabucodonosor maye nta'a ye Babilonia, lỹatac 'enauac so nalleppi qataq nam ỹotta'a't shiỹaxauapi maye chegaqaña nam 'alhuapi maye ilotague' somaye, co'ollaq iloquiaxaatac ye Jerusalén, qataq 'enauac na huaqta'a't nỹecpi maye lauoreuapi yemaye, nache Ñim Nataxala' 'enapega so Jeremías, 'eeta':

Jeremías 37:4

Qaq so Jeremías ye saxanaxa co'ollaxa da qaicoñe', nache somaye huesochiguiñi da coleetapogoigui so shiỹaxauapi.

Jeremías 38:13

Qaq huaña nache so ỹalleppi naviguisheguem se'eso nañec, nache nqatsheguem so Jeremías. Qaq co'ollaq, ime de'era, nache so Jeremías hua'a so qasoxoc maye nauanaxanaqa'.

2 Reyes 25:1

Qaq huetoiguilo co'ollaxa soua diez na'axa'te so ca'agoxoic diez, so vi'i nueve da nta'a so Sedequías, nache so nta'a Nabucodonosor, lỹa 'enauac so nalleppi da nqo'ona da yaqto' iloquiaxan ye Jerusalén, qataq coleesop, nache naña so naloteuga yemaye, qataq nauaxaỹaxaasheguem som lliguisheguempi.

Jeremías 37:15

Nache somayepi ỹataqta dalemataỹa co'ollaxa so Jeremías, nache damaxasoxoolec da qaiuaxan, qataq qaicoñe', qoỹanaigui so lma' so neraxanaxanec Jonatán, som qaỹo'otchigui co'ollaxa da ncoñetaxanaxaqui.