Jeremías 32:17 - La'aqtaqa Ñim Lo'onatac 'Enauacna 2013

¹⁷ «'Am nataxala' 'auota'a co'ollaxa da lta'araic 'ara'añaxac, da 'auo'ot na piguem qataq ana 'alhua. 'Am qaica ca 'auqalanapec.

Jeremías 32:17 Referans Kwoze

Lucas 1:37

De'era ỹachaxan da Ñim Lo'onatac 'Enauacna ỹataqta qaica ca ỹaqalanapec.

Jeremías 32:27

«Nachaỹem maye Aỹem Nataxala', maye Natamnaxala' 'enauac nam huo'o da lca'alaxa, Aỹem qaica ca seqalanapec.

Génesis 18:14

¿Huo'o peta'a ca alaqaic da saishet da ỹo'ot Ñim Nataxala'? Na lỹa vi'i, nache qaltaq 'am ñamaqtega, qaq mashe huo'o qome ca llalec ara Sara.»

Da na'aqtaguec so Job 42:2

«Aỹem saỹateeta da 'aushet da 'auo'ot 'enauacna, qataq qaica da huo'o ca nqanaxat da huo'o ca 'auo'ot.

Mateo 19:26

Nache So Jesús ỹamataiguilo soomaye, nache 'enapeco': –Na shiỹaxauapi ỹataqta lta'araic naqa'en da lqalaic de'era. Qalaxaye Ñim Lo'onatac 'Enauacna saishet da huo'o ca ỹaqalanapec.

Éxodo 20:11

Cha'aye Ñim Nataxala' ivi' soua seis na'axa'te co'ollaq ỹo'ot na piguem, 'alhua, auaxai, qataq 'enauac nam huetalec ana 'alhua. Qaq co'ollaq ivita se'eso na'a'q siete nache nmatec. Qaq ỹoqo'oye se'eso na'a'q maye nmataxaqui iỹotauga da ỹataqta lalamaxat.

Jeremías 27:5

«Aỹem sauota'a co'ollaxa da lta'araic ỹa'añaxac da so'ot ana 'alhua, qataq na shiỹaxauapi qataq na shiguiỹacpi maye huetalec anamaye, qaq anamaye ishet da sanem cam taalec da sanem.

Lucas 18:27

Nache So Jesús 'enapeco': –Cam saishet da ỹañoxot na shiỹaxauapi, qalaxaye Ñim Lo'onatac 'Enauacna ishet da ỹo'ot.

2 Reyes 19:15

Nache so Ezequías nqouagaxaunot Ñim Nataxala', 'eeta': «'Am Nataxala', maye Natamnaxala' na Israel le'ecpi, maye aca 'anso'onaxaqui netanguilo soua querubines, qataq nache 'amta da 'Am Atamnaxala' maye 'aulotalec 'enauac nam ỹotta'a't maye huetalec ana 'alhua, 'am 'aro'onatac co'ollaxa na piguem, qataq ana 'alhua.

Isaías 45:12

Aỹem so'ot co'ollaxa ana 'alhua qataq nam shiỹaxauapi maye netalec anamaye, qataq sauota'a na ihuaq da selagaxaañi na piguem, qataq yo'oq ñaqa'en ana huaqaañipi.

Apocalipsis 4:11

«'Am Qarataxala' maye 'Aro'onatac 'Enauacna; 'am maye 'aiguet da 'am qaỹo'oxoren, qataq da 'am qaiỹaxana qalaq huo'o da 'ayo'oxoyec, qataq ỹo'ot da na'aalaxa da 'ara'añaxac. Cha'aye 'am 'aro'onatac 'enauac nam huo'o; qaq qana'achec cha'aye maiche 'am chegoqchigui namayepi.»

Salmos 102:25

Cha'aye 'aua'ayiñi ana 'alhua co'ollaq cheta'ague da 'auo'ot 'enauacna, qataq nache 'am co'ollaxa da 'auo'ot na piguem.

Jeremías 51:15

Ñim nataxala', do'ogoxona da la'añaxac co'ollaq ỹo'ot ana 'alhua, qataq do'ogoxona da laỹaanec co'ollaq ỹa'ayiñi ana 'alhua, qataq do'ogoxona da laỹaanataxanaxac co'ollaq ilagaxaañi na piguem.

Nehemías 9:6

Qaq huaña, nache 'enauac somayepi natamen, 'eeta': 'Am, maye nache 'amta Nataxala'. 'Am, maye 'aro'onatac na piguem qataq nam ỹataqta pa'asheguem na piguem, qataq 'enauac ana huaqaañipi. Nataqa'en 'aro'onata ana 'alhua, qataq 'enauac na huetalecpi anamaye, qataq aso auaxai qataq 'enauac na huetangui asomaye. 'Am maye 'aỹa'anem da lca'alaxa na 'aro'onatacpi, qaq ỹoqo'oye ana huaqaañipi maye neto'ot na piguem 'am ỹo'oxoreetac.

Isaías 42:5

Ñim Lo'onatac 'Enauacna maye Nataxala' ñim lo'onatac na piguem qataq ilagaxaañi, qataq lo'onata ana 'alhua qataq nam ñaxattalec anamaye, qataq ỹami' da nachaalataxac qataq da lca'alaxa nam shiỹaxauapi maye netalec ana 'alhua, 'enapega so lamaxashec, 'eeta':

Daniel 2:22

Ñimaye ỹachaxan cam huo'o da lqalaic qataq cam saqcha'a, qataq ỹauatton cam huetaigui na napalaxa, cha'aye Ñimaye huetaigui na yo'oqchiguiñi.

Jeremías 51:19

Qaq ỹataqta huaỹoqtec da lataxac Ñim Natamnaxala' so Jacob maye lo'onatac 'enauac nam huo'o! Ñimaye lca'aguishec co'ollaxa so Israel da yaqto' lalamaxat. Ñimaye da le'enaxat, 'eeta': Nataxala' maye Qaica ca Ỹaqalanapec.

Jeremías 1:6

Nache aỹem sasat, sheeta': «¡'Am Nataxala'! ¡Choxoraicolec aỹem ye ñaq aỹem nsoqolec, qataq sasaỹaten da itaxaỹaxac!»

Jeremías 14:13

Qaq aỹem sasateguet, sheeta': «'Am Nataxala', nam na'aqtaxanaxanecpi da'aqtaxaateguem na nhuo' le'ecpi da qaica qome ca alaataxac qataq ca nqouaxa, qataq da 'am 'aỹa'anem qome namayepi ca chochaq tatec nlagaxayec da hueta'a ne'ena 'alhua.»

Hechos 17:24

Ñim Lo'onatac 'Enauacna maye lo'onata ana 'alhua qataq 'enauac nam huetalecna. Ñimaye nacheñi Ñim lalamaxat na piguem qataq ana 'alhua. Ñimaye saishet da netaigui ca atamnaxaqui maye choche lo'onatac cam choche shiỹaxaua.

Hechos 15:18

'Era da la'aqtac Ñim Nataxala' maye ỹa'axatta'a co'ollaxa de'era soua hua'au' vi'iye.

Hechos 14:15

–¡Qami' ỹalleppi! ¿Ta'ainco' ye nache qoñiitec de'era? Qomi' nache qami' shenaqta'ama, choche qomi' shiỹaxau'. Qalaxaye nachera da huo'omshe ñanaguenaq da qami' shenaqapegalo da qaỹa'axañiiuec na chochena qaica ca naigui, nache qoquiigue Ñim Lo'onatac 'Enauacna maye nca'altauec, qataq lo'onatac na piguem, 'alhua, auaxai qataq 'enauac na huetalecna.

Zacarías 12:1

Qaq 'era da la'aqtac Ñim Nataxala', da ỹa'axata'a da 'eetec qome nam Israel. Ñim Nataxala' maye ỹo'ot co'ollaxa na piguem, qataq ỹo'ot ana 'alhua, qataq ỹanem da lca'alaxa ca shiỹaxaua, da la'aqtac 'eeta':

Isaías 44:24

Qaq 'era da la'aqtac Ñim Nataxala' maye 'arca'alaxaqui, Ñim 'am ỹo'ot co'ollaq saxanaxa da 'auañiguiñi: «Aỹem nachaỹem Nataxala' maye so'ot co'ollaxa 'enauac nam huo'o. Aỹem selagaxaañi co'ollaxa na piguem qataq so'ot ana 'alhua, qalaq saishet co'ollaxa da seuen da huo'o ca aỹem itauan.

Ezequiel 11:13

Nache co'ollaq ñaq sa'axattac da la'aqtac Ñim Nataxala', nache huañi so Pelatías som llalec so Benaías nache ileu. Qaq huaña nache aỹem sa'alyiñi naua illecte, nache ñanaqñi seviraxata'aguet na ỹatap na 'alhua, nache ña'axannec so ỹa'alaxac, sheeta': «¡Aicoue 'Am Nataxala'! ¿Peta'a 'anmatchiguiñi qome nam saq 'amaqtaq maye no'onañi na Israel?»

Ezequiel 9:8

Qaq so ñaq ỹo'ottrac de'era soomaye, nache aỹem 'oonolec da ño'onañi. Qaq huaña nache sa'alyiñi naua illecte ñeqollemñi nache seviraxata'aguet na ỹatap na 'alhua, qaq souaxat da aỹem nlaxagui da ñiqui'ic nache sa'alaq, sheeta': «¿'Am Nataxala', peta'a 'aumatalec da 'arayeloxo na Jerusalén, qataq ivira'a da 'aulaxachigui nam saq 'amaqtaq no'onañi na Israel le'ecpi?»

Jeremías 4:10

Qaq aỹem shenapec: «¡'Agai, 'Am Nataxala', ta'ainco' da 'auatenachet na shiỹaxauapi na Jerusalén! 'Am 'auachaxanapecot co'ollaxa namayepi da nlagaxayec, qaq nagui qalaq qaỹareeto'ot na lqosot na ỹeelonec.»

Marcos 10:27

Nache So Jesús ỹamataiguilo soomaye, nache 'enapegalo, 'eeta': –Nam shiỹaxauapi saishet da ỹañoxot de'era, qalaxaye Ñim Lo'onatac 'Enauacna ishet cha'aye Ñimaye qaica ca ỹaqalanapec.

2 Reyes 3:18

Qaq damaye, ye saq 'amaqtaq naqa'en Ñim Nataxala', nache Ñimaye qami' ỹanema nataqa'en qome ye moabiitapi da yaqto' qoroxoñiqui.

Salmos 136:12

irolec da lta'araic la'añaxac na lhuaq, cha'aye da lauotaxanaqtaic chochaq tatec.

Isaías 59:1

Da la'añaxac Ñim Nataxala' saishet da vi'iiguet da 'eco' saishet da deca'alaqtaxan, qataq Ñimaye saishet da sa hua'aqa da 'eco' saishet da huo'o ca hua'axaỹa.

Jeremías 21:2

«Ña qomi' 'anqouagueque da 'aunat Ñim Nataxala' da qomi' 'aunataxaaleguete, cha'aye ñi Nabucodonosor maye nta'a ye Babilonia, mashe huotaique da qomi' iloquiaxa'n. Shapegueto' da Ñim Nataxala' ỹo'ot ca saqaỹauanapega da yaqto' ỹo'ot da ñi Nabucodonosor qomi' ca'aisalo.» Qaq huaña nache Ñim Nataxala' 'enapega so Jeremías,

Jeremías 33:3

Aỹem 'aỹaxana qome, nache Aỹem 'am sasateguet, nache 'am sa'axatem cam lataxac maye ỹataqta lta'araic, qataq saqcha'a maye 'am sa 'auaỹaten.

Daniel 6:20

Qaq so nta'a co'ollaq mashe saqaỹapeque aso nshere, nache iỹaxanaique so Daniel, qalaxaye da lỹaxanaxac ỹataqta daquico, nache 'eeta': 'Am Daniel, maye 'am lamaxashec Ñim Lo'onatac 'Enauacna maye nca'altauec, Ñim ỹataqta 'aualaxaguet naxa ¿ishet peta'a da 'am nca'alaxateeguesop na llonpi Ñim 'Anatamnaxala'?

Zacarías 8:6

Qaq que'eca na'a'q, nache 'enauac de'era, da 'eco' huo'o naqa'en da lqalaic ca no'onañipi ne'ena nhuo' le'ecpi, qalaxaye Aỹem qaica ñaqa'en ca lqalaic damaye. Qaq 'era da ỹa'aqtac Aỹem Nataxala' maye Qaica ca Saqalanapec:

Números 11:23

Qalaxaye Ñim Nataxala' 'enapeco': ¿Peta'a 'aupi'itaxaatega da saq 'amaqtaq da ỹa'añaxac? Qaq nagui nache 'auauaachigui qome da 'eesa, huo'otaq saishet da 'en de'era shenapec.