Jeremías 32:10 - La'aqtaqa Ñim Lo'onatac 'Enauacna 2013

¹⁰ Nache so'ot aso lmalate da nmenaguec qataq setoqoolec aso ỹa'anaxanaqte qataq sauo'oi soua ỹauaacheguelo ñaqa'en, ime nache ñaloqten aso plata maye nachaso aso ñasataxagui da lasheue.

Jeremías 32:10 Referans Kwoze

Jeremías 32:44

Qaisheenaxana qome qataq qaỹo'ot aca lmalate qataq qaỹauo'o aca la'anaqte qataq nanereleguete qanqa'en caua ỹauaatraua'a da qaimen. Qaq 'era dam hualec qome na na'alhua so Benjamín, qataq naua laỹel ye Jerusalén qataq na huaqta'a't nỹecpi maye ỹotta'a't naua nañalo na Judá, ivira'a yem 'alhua maye huo'o ana qasoxonaxapi qataq ye ca'ameguepi, qataq ye huaqta'a't nỹecpi maye ỹotta'a't naua nañalo ye Néguev, cha'aye Aỹem dalaxaic qome ñaqa'en da na'achecỹaxac namayepi. Qaq 'era da ỹa'aqtac, Aỹem Nataxala'.»

Jeremías 32:12

nache sanem so Baruc, som llalec so Nerías maye laual so Maseías, ỹauaachigui ñaqa'en so ihuo' le'ec Janamel, qataq soua lỹa't ỹauaatrauo maye nataqa'en nanettralec aso nere, qataq 'enauac som Judiopi maye hueta'a so nqasoxoc aso ncoñetaxanaxaqui.

Jeremías 32:25

Qaq 'Am Nataxala', ¿ta'ainco' da aỹem qonapega da sesheenaxana qataq da sisheeten yi'iye 'alhua, qataq sauo'oi soua ỹauaachiguilo ñaqa'en, ye ne'ena huaqta'a't nỹecpi taỹa'a da loxonec na caldeopi?»

Isaías 44:5

Qaq huo'o qome ca 'enapec: «Aỹem lalamaxat Ñim Nataxala'», qaq ca lỹa ỹache qome da le'enaxat so Jacob, qaq ca lỹa ỹerelec qome na lhuaq da 'eeta': «Lalamaxat Ñim Nataxala'» qataq ỹauo'o le'enaxat da Israel.

Da na'aqtaguec so Job 14:17

nache ỹataqta 'auapogoña da 'oxot na ñepe'enaxacpi, qataq 'auapalaxat 'enauac na ỹasouaxashetpi.

Deuteronómio 32:34

«Qaq 'enauac ne'ena choche saỹamaxattac, 'eeta'am da saỹamaxattac ca isallaxa,

Apocalipsis 9:4

Ime, nache Ñim Lo'onatac 'Enauacna ỹamaxalec asomayepi da nachaqnata nam qaica ca la'anaxat na latap aso la'anaxanaqte Ñimaye da ique'emaqchet, qalaxaye saishet da huo'o ca 'ena'ac ana 'alhua qataq ana 'epaqpi qataq ana nañiguishepi.

Efesios 4:30

Qataq saishet qome da qauaquicoqchichi So Saqcha'a Na'añaxac Qui'itta maye chegoqo'ot Ñim Lo'onatac 'Enauacna. Cha'aye somaye nacheso so chegoqchigui da qami' qaỹa'a'n, da yaqto' qami' lalamaqa'ate Ñim Lo'onatac 'Enauacna, yaqto' qami' ỹataqtegueta naqa'en Ñimaye, qom ivita que'eca na'a'q qom ỹoqta ima da qami' isoueeguesopa da ñe'etaxaloxo.

Efesios 1:13

Qataq nataqa'en da qoñiita co'ollaq choche qana'axaỹaxañiỹa da no'on na'axaỹaxac maye chegaqaigui da qarca'alaqai, huaña, nache qaua'amaqchiñi So Cristo, qataq chegoqchigui Somaye da qana'ayeeua'a nam lalamaxatpi Ñim Lo'onatac 'Enauacna, qataq qauacoñiiguet So Saqcha'a Na'añaxac Qui'itta maye qomi' ỹachaxanapeguema Ñimaye.

2 Corintios 1:22

Qataq da ỹachaxan da qomi' lalamaqa'ate, nache ỹauo'o da qana'anaxat: qomi' ỹanema So Saqcha'a Na'añaxac Qui'itta.

Juan 6:27

Saishet da qauo'onataxañiitapeguelec cam nallec maye taỹa'a da imeuo, nachaqcata cam nallec maye saishet da imeuo qataq chegaqaigui da nca'alaxa maye chochaq tatec. Qaq 'eca cam nallec maye qami' ỹanema na Shiỹaxaua Llalec. Cha'aye Ñim Ita'a maye Lo'onatac 'Enauacna, ỹachaxan da Aỹem huo'o da shenec.

Juan 3:33

Qaq da huo'o ca ỹa'amaqten camaye, nache que'eca da'amqaanataxan, ỹataqta 'eesa naqa'en cam 'enapec Ñim Lo'onatac 'Enauacna.

Daniel 8:26

Qaq som 'arauanaqchec co'ollaq 'am qaỹachaxana so avit qataq nte'eta, somaye ỹataqta 'eesa, qalaxaye 'am saishet qome da 'aua'axattac, cha'aye somaye ipacchigui qome da yo'oq qom qaỹoqteguelo naua vi'iye.

Isaías 30:8

Qaq nagui qojec, nache 'erelec qome ca dapaqaic de'era 'arauanaqchec, ỹauaachigui 'anqa'en namayepi, qataq 'erelec qome de'era aca nere da yaqto' nache huetalec acamaye choche ivitta'alo caua pa'atrec na'axa'te, qataq yaqto' chochaq tatec da saishet da qaicoua'ai.

Cantares 8:6

Ỹataqta huetaigui qome 'anqa'en da 'arquiyaqteỹaxac da 'arhuennataxac da sheeta, qataq ỹataqta 'eeta'am da 'erelec na 'arhuaq. Da qarauotaxanaqtaic qaica ca npaxateguet, 'eeta'am da nleuaxa, da nqopitaxanaqtaic saishet da 'am ỹaxanec, 'eeta'am ca nleuqa'. ¡Da la'añaxac da nauotaxanaqtaic 'eeta'am ca chegaqasheguem saqcha'a norec!

Josué 18:9

Nache soomaye je'c, coleetrapeguelec 'enauac se'eso 'alhuapi, nache icolaxachigui so huaqta'a't nỹecpi, nache ỹauota'a siete soua iỹoracache, qataq ỹataqta ỹiyiñi 'enauac ye lcachiguiñi se'eso 'alhuapi. Qaq co'ollaq ime', nache ñe'eguelaxalo so nanataqa' ye Silo, maye netaña so Josué.

Mateo 27:66

Nache somayepi jec da nqo'oneuga aso huachiqui, nache icoñerañi so coma' maye lapoxot so ñegueuo asomaye da yaqto' saishet da deraỹapigui'. Nataqa'en qano'onaxatrañi soua huataxanaq lashe', da yaqto' nauaatralec asomaye.

Génesis 23:16

Nache so Abraham ỹasateguet ye lcata aso iỹaxanaique so Efrón, nache ỹauaachigui naqa'en 'enauac so hitiitapi, da quetelec da maiche lataxac somayepi, da isheeten aso lasheue se'eso 'alhua.

Génesis 23:20

Qaq 'era da 'eetec, da som 'alhua, qataq so auac maye naña yemaye, da saishet da nache queta da lalamaxat som hitiitapi, nacherata da taỹot so Abraham da lalamaxat, da yaqto' lma' na lqatacpi.

Rut 4:1

Qaq co'ollaq ime de'era, nache so Booz taua'a so ñegueuo so huaqta'a't nỹecpi, nache nso'ooñi, qaq co'ollaq mashe nso'ootañi, nache nateugueye som lauo' le'ec maye ỹectega co'ollaxa somaye, nache iỹaxanapegue', 'eeta': Iỹa, ña 'auanaicna'a, 'anso'ooñi. Nache somaye anac, nache nso'ooñi.