Jeremías 31:3 - La'aqtaqa Ñim Lo'onatac 'Enauacna 2013

³ nache Aỹem ñachaxana co'ollaq qaỹoqta. Aỹem chochaq tatec da ỹauotaxanaqtaic 'am, ỹoqo'oye nache shecto'ot da 'am sechoxoreetac.

Jeremías 31:3 Referans Kwoze

Salmos 103:17

Qalaxaye da lauotaxanaqtaic Ñim Nataxala' chochaq tatec da huetalec nam huo'o naq 'enec naqa'en Ñimaye. Qataq da nalochiguiñi lo'onataxanaxac, nache huetalec qome cam llalaqpi namayepi,

Oseas 11:4

Qaq Aỹem serolec co'ollaxa da huesotta ỹauotaxanaqtaic da ñaueguela't namayepi, qataq ñesoxouo, 'eeta'am ca nogotolec maye ñaq lleptac, nache ñeqateeguesop na qapa'atta maye npeetague' namayepi, nache sanem na aloq da sequia'axaatac.

Deuteronómio 33:3

Ñim Nataxala' ỹauotec na lalamaxat nhuo' le'ecpi, qataq ntela'a na nañanotpi Ñimaye, qataq na ỹalaxaguet, qataq na ỹo'ot na lamaxasoxonaxacpi.

1 Juan 4:19

Qomi' ỹataqta sauotaxac na qarqaỹañicpi, cha'aye Ñim Lo'onatac 'Enauacna hua'auñi da qomi' ỹauoteque.

2 Timoteo 1:9

Ñim Lo'onatac 'Enauacna qomi' nca'alaxatre'c, qataq qomi' iỹaxanalo da yaqto' sanaqot da qanachaalataxac. Qaq de'era qomi' ỹo'oteque, damaye nache 'eetai' da lhuennataxa. Saishet da huo'otaq choche nqopita'a ca qarataxac no'on, maye souaxat da qomi' ỹauoteque, cha'aye mashe ña'araqtaua'a So Cristo Jesús. Qataq nache 'eetai' da qomi' ỹauoteque co'ollaq saxanaqaca ana 'alhua.

Romanos 8:30

Qaq Ñimaye nam mashe lca'aguishecpi, nache nataqa'en iỹaxana; qaq nam iỹaxanapi, nache nataqa'en ỹapalaxat na lasouaxashetpi; qaq nam ỹaconeguet, nache nhuanaua'a naqa'en da maiche llo'oxoyec.

Isaías 45:17

Qalaxaye Ñim Nataxala' nca'alaxatec qome na Israel le'ecpi, irolec da chochaq tatec lca'alaqtaxanaxac, qaq nache saishet qome da ỹe'eguelaxa da huetaigui da la'aloxo, qataq da qaica ca la'amaqchec.

Malaquías 1:2

Ñim Nataxala' 'eeta' da la'aqtac: «Aỹem qami' sauoteque.» Qalaxaye qami' qoñiỹapec naxa: «¿Ca 'eeteco' da saỹatenaq da qomi' 'auauoteque?» Nache Ñim Nataxala' ỹasat naxa 'eeta': «Aỹem qami' sauoteque, 'eeta'am da 'eetec soua nqaỹa't Esaú qataq so Jacob, qalaxaye Aỹem ỹactec da sauotec so Jacob

Deuteronómio 10:15

Qalaxaye Ñimaye lca'ateua'a co'ollaxa so hua'au qarta'ailpi cha'aye ỹataqta ỹauotec. Ime, qaltaq lca'aua'alo qami' maye qauachegoqoiguet somayepi, cha'aye co'ollaq lca'agui na nhuo' le'ecpi maye netalec ana 'alhua, nache qami' lca'ateua'alo, qaq nachera da 'eeteque nagui qami'.

1 Pedro 1:3

Ỹataqta sho'oxorenaq Ñim Lo'onatac 'Enauacna maye Lta'a So Qarataxala' Jesucristo, cha'aye chegoqchigui co'ollaq nca'aleeguesop da nleuaxa Somaye da Ñimaye naralaxat imauec da qanachaalataxac. Na'aictaxa da saishet da saxaguet da Ñim Lo'onatac 'Enauacna qomi' ỹauoteque, qalaxaye chegoqchigui da lta'araic lsoxoyec Ñimaye, nache naralaxat da qarataxac qataq qomi' ỹanema da 'itchiguiñi qarca'alaxa,

Cantares 1:4

¡Aỹem 'auauec! ¡Sa ñaỹaloxonaq qome! ¡'Am nta'a, ñaq aỹem 'auauegueua'a ca 'aro'ochaqa'! So'otaq ca qantonaxac da salegaqta'a't. She'eguelaxasoxolec da seuennaqte da 'arauotaxanaqtaic, de'era 'arauotaxanaqtaic maye napacalec da lamaic na lataxa. ¡Mañaxasaco' da ỹataqta 'am nqopita na qa'ampiolec!

Oseas 11:1

Co'ollaq ñaq saxanaxa da ỹe na Israel le'ecpi, nache Aỹem ỹataqta ỹauotaxat, qataq sachegoxotchiguiña co'ollaxa ye Egipto da seỹaxana na ỹalaqpi.

Deuteronómio 33:26

Ỹataqta qaica ca 'ena'am Ñim Natamnaxala' na Israel le'ecpi, cha'aye netalec na piguem da 'am itauan, qataq netalec na lo'oc da la'amaqchec.

Deuteronómio 4:37

Ñimaye ỹataqta ỹauotec co'ollaxa so hua'au qarta'ailpi, ỹoqo'oye lca'aua'a nam chegoxoguetpi somayepi da yaqto' qami' nqateeguesopa ye Egipto, irolec da ỹataqta lta'araic la'añaxac.

Santiago 1:18

Ñim Lo'onatac 'Enauacna maiche lhuennataxac da ỹauo'oi qomi' llalqa. Qaq ỹoqo'oye qomi' ỹanema da dalaxaic achaalataxac, chegoqchigui de'era no'on na'axaỹaxac maye chegaqaigui da nca'alaxa.

Romanos 9:13

Qaq 'era da la'aqtaxanaxac ana nere maye huetalec na la'aqtacpi Ñim Lo'onatac 'Enauacna maye 'eeta': «Aỹem ica'aguishec so Jacob qaq so Esaú qalaq saishet.»

Salmos 25:6

'Am Nataxala', 'auennata'a qome da 'arsoxoyec qataq da 'arauotaxanaqtaic maye nache 'eetai' naxa da aỹem 'auachaxaatega.

1 Reyes 10:9

¡Qaq ỹataqta qaỹo'oxoren qome Ñim Nataxala' maye 'Anatamnaxala', cha'aye Ñimaye 'am ỹaỹamaxareeta, nache 'am ỹanem da no'onataxanaxac da 'am nta'a na Israel! Cha'aye Ñim Nataxala', nache 'eetai' de'era lauotaxanaqtaic na Israel le'ecpi, nache 'am ỹanagui da 'am nta'a, yaqto' da 'aulo'ogue namayepi nache nalochiguiñi, qataq ỹaỹamaqchiguiñi da 'aro'onataxanaxac.»

Isaías 43:4

cha'aye 'am samaateguet qataq lta'araic ñaqa'en da naigui 'am, qataq aỹem 'am sauotec. Nache sanec qome na ỹalleppi da nmeneguet ñaqa'en 'am, qataq nam ỹotta'a't shiỹaxauapi da nmeneguet ñaqa'en da 'anachaalataxac.

Isaías 49:14

Qalaxaye ye Sión, 'eeta': «Ñim Nataxala' aỹem ca'ai, Ñim Ñatamnaxala' aỹem icoua'ai.»