Jeremías 30:8 - La'aqtaqa Ñim Lo'onatac 'Enauacna 2013

⁸ Aỹem Nataxala' maye Qaica ca Seqalanapec, 'era da ỹa'aqtac: sesoueeguesop qome na ỹalamaxat nhuo' le'ecpi da ncoñetaguec, nache saishet qome da ỹe'eguelaxa da l-latacpi nam shiỹaxauapi maye ỹaqa'a ca chegaqa'ague.

Jeremías 30:8 Referans Kwoze

Ezequiel 34:27

Nache ana qo'oipaqpi maye netalec na no'onaxa, huo'o qome aca alapi, qataq na 'alhua qanqat qome na ala na nañiguishecpi, nache anamayepi ỹe'emaqtac qom hueta'a ye maiche na'alhua. Qaq nam ỹalamaxat nhuo' le'ecpi qom ivita da sesoueeguesop nam icoñettai' namayepi, nache huaña da ỹaỹaten da Aỹem nachaỹem Nataxala'.

Nahúm 1:13

Nache 'am ñeqateeguesop dam qapa'atta 'anque'eenaxac maye 'am huetalec, qataq sechiigui nam 'ancoñetaxat lcatpi».

Jeremías 27:2

nache 'eeta': 'Auo'ot ca 'arañec qataq ca nauegaxanaxaqui 'epaq, nache 'aỹa'ano'ot na 'arana'q.

Isaías 9:4

Cha'aye 'Am 'anqateeguesop da nlataguec maye ipataqtañi co'ollaxa na nhuo' le'ecpi, qataq da ncogaxanataguec maye ỹo'ot da laquicoxo, qataq da namaxasaguec maye sa ndaxaasheguem, 'eeta'am da 'eetec co'ollaq 'aulaxachigui ye Madián.

Jeremías 28:10

Qaq huaña nache so Jananías, nqat so 'epaq nauegaxanaxaqui maye hueto'ot na lqosot so Jeremías, nache ỹacagaxachigui,

Jeremías 28:13

«Qojec qome, nache qonapega ñi Jananías, da Aỹem Nataxala' 'eeta', da ỹa'aqtac: 'Auacagaxachigui so nauegaxanaxaqui 'epaq, qalaxaye Aỹem mashe saỹamaxattapiguiñi ca nauegaxanaxaqui lcat.

Jeremías 27:7

Qaq 'enauac qome na ỹotta'a't shiỹaxauapi da do'onataxanot ñimaye, qataq ca llalec qataq ca laual, choche ivitta'a qome da ivita ca laloqo' da na 'amaqtaqaic ỹotta'a't shiỹaxauapi qataq na 'añaxaicpi nta'alpi da ilo'ogue na na'alhua ñimaye.

Jeremías 25:14

Qataq nam 'amaqtaqaicpi shiỹaxauapi qataq nta'alpi maye 'añaxaicpi qalaq ỹamaqtac qome namayepi. Qaq 'era da sheetec da sanem qome da nsheetenaguec maye lasheue nam ỹo'otpi.›»

Jeremías 2:20

Mashe qaỹoqteguelo soua vi'iye da aỹem 'auataỹa'aguet co'ollaxa, nache saishet da aỹem 'aualaxaguet. Nache qonapec: Saishet da 'am so'onataxanot. Qaq huaña naxa 'enauac ana qaỹoqotcheguemec 'alhua, qataq na pa'aguiñi ana qo'oipaq maye qalochiguiñi ana lcouepi da qoueta'a naxa da 'anatameetacot na ỹaqa'a atamnaxala'pi.

Isaías 14:25

Qaq sauo'o qome ca nque'eenaxac na asiiriopi maye netalec na ña'alhua, qataq hualec ana ñeqasoxonaxapi da dapaxañi ñaqa'en, huaña nache ñeqat dam qapa'atta maye ỹachelec nam ỹalamaxat nhuo' le'ecpi, nache namayepi saishet qome da qaltaq ỹe'eguelaxa da npeetague' damaye.

Isaías 10:27

Qaq que'eca na'a'q nache 'am ñeqateeguesop qome, nam qapa'atta 'aya'ac maye huetalec na 'arallac, qataq sacagaxachigui qome na nauegaxanaxaqui 'epaq maye huetalec na 'arana'q.

Jeremías 28:4

Qataq nataqa'en so'ot qome da ñe'eguelaxa ne'ena nma', so Jeconías som llalec so Joaquim maye nta'a ye Judá, qataq 'enauac som laỹepi shiỹaxauapi maye qaỹachegoxotchiguiña co'ollaxa na Judá da qaỹaueegue da Babilonia. Aja', Aỹem selaxachigui qome da lo'onataxanaxac ñi nta'a ye Babilonia. Qaq 'era da ỹa'aqtac Aỹem Nataxala'.»

Salmos 107:14

nache nqateeguesop so lta'araic napalaxa, qataq nqateeguesop da ncoñetaguec.

Ezequiel 30:18

Qaq qom selaxachigui da la'añaxac ye Egipto qataq qom sha'axaneguet da la'añaxac maye ỹo'ottac da ño'oxonnaxac, nache añi nala' qome 'om ye Tafnes, qaq ye Egipto qalaq ỹapolec qome ca lo'oc na piguem, qaq na netaigui na lalamaxat huaqta'a't nỹecpi, qalaq qaỹauec qome da qaicoñe'.

Isaías 14:1

Qaq ỹoqta 'eesa da Ñim Nataxala' qaltaq ichoxoren qome so Jacob, qataq ỹe'eguelaxa qome da lca'aguishec so Israel, qaq huaña nache ỹo'ot da na Israel le'ecpi qaltaq ỹe'eguelaxa da nalec ye maiche na'alhua. Nache cam chegaqauec shiỹaxauapi anac qome da naỹa namayepi, nache huaxaiguet na llalaqpi so Jacob.

Isaías 14:3

Qami' Israel le'ecpi, qom ivita ca na'a'q da Ñim Nataxala' qami' nmataxaneguesopa da qanque'eenaxaqui, dam qaraquicoqoi qataq da ỹataqta qauem qanlataguiiqui maye qami' qoỹanegueta co'ollaxa,