Jeremías 30:3 - La'aqtaqa Ñim Lo'onatac 'Enauacna 2013

³ cha'aye anacta ca na'a'q da ñaralaxat da na'achecỹaxac nam ỹalamaxat nhuo' le'ecpi na Israel qataq na Judá. Qaq 'era da ỹa'aqtac Aỹem Nataxala'. Aỹem so'ot qome da ñe'eguelaxa nam 'alhua maye sanem co'ollaxa so lta'alpi da yaqto' lalamaxat ñaqa'en.»

Jeremías 30:3 Referans Kwoze

Jeremías 29:14

Aja', Aỹem qami' sa'aqta'alo qome da Aỹem qauanachiỹa qataq so'ot da dalaxaic ca qana'achecỹaxaqui: qami' ñeqateeguesopa qome 'enauac na ỹotta'a't shiỹaxauapi qataq 'enauac nam 'alhuapi maye qami' selagaxaaleguete co'ollaxa, qataq qami' llaỹona't nache so'ot da qañe'eguelaqỹa ne'ena 'alhua maye qami' sachegoxotteleguete co'ollaq qami' saue'c. Qaq 'era da ỹa'aqtac Aỹem Nataxala'.›»

Jeremías 16:15

nacherata qome da qoỹeeta': ‹Ñim Nataxala' nca'altauec, ñim nqateeguesop co'ollaxa na Israel le'ecpi ye 'alhua maye pa'aigue da sheu' qataq 'enauac na laỹepi 'alhuapi maye ilagaxaalec co'ollaxa namayepi.› Cha'aye Aỹem qami' she'eguelaxatalo qome ye qana'alhuai yem 'alhua maye sanem co'ollaxa so hua'au qarta'ailpi. Qaq 'era da ỹa'aqtac Aỹem Nataxala'.

Ezequiel 20:42

Qataq qom qami' senoxonaqcheteua'alo ye Israel, yem 'alhua maye sachaxanapeguem co'ollaxa so hua'au qarta'ailpi, qaq huaña qome nache qauaỹacheñi da Aỹem nachaỹem Nataxala'.

Jeremías 30:18

Ñim Nataxala', 'enapec: Ñaralaxat qome da na'achecỹaxac na chegoxoguet so Jacob, nache sasaxalec qome da ichoxonnataxanaxa na na'alhua, na huaqta'a't nỹecpi qalaq qaỹo'oxootelec nam nlaguiñi co'ollaxa, qataq na lta'araic nỹecpi qalaq qoỹaatelec na maiche lma' co'ollaxa.

Sofonías 3:20

Qaq que'eca na'a'q, qami' ñaueguereuo qome, nache qami' sataxana't; nache ñaralaxat cam qami' taleguete qana'achecỹaxaqui, qataq qami' sanema da qayo'oxoyiqui, qataq da qara'amaqchiqui, da qaualliquiitaigui nam shiỹaxauapi ana 'alhua. Qaq 'era da ỹa'aqtac Aỹem Nataxala'.»

Jeremías 33:26

saishet da sasaỹamaxaren qome nam chegoxoguetpi so Jacob qataq so David maye ỹamaxashec, qataq saishet da saxaañi da sachegoxotaigui namayepi cam ilo'ogue nam chegoxoguetpi so Abraham, Isaac qataq so Jacob. Cha'aye Aỹem huo'o da ichoxonnataxanaxa namayepi, nache so'ot qome da dalaxaic ca na'achecỹaxac.»

Jeremías 32:44

Qaisheenaxana qome qataq qaỹo'ot aca lmalate qataq qaỹauo'o aca la'anaqte qataq nanereleguete qanqa'en caua ỹauaatraua'a da qaimen. Qaq 'era dam hualec qome na na'alhua so Benjamín, qataq naua laỹel ye Jerusalén qataq na huaqta'a't nỹecpi maye ỹotta'a't naua nañalo na Judá, ivira'a yem 'alhua maye huo'o ana qasoxonaxapi qataq ye ca'ameguepi, qataq ye huaqta'a't nỹecpi maye ỹotta'a't naua nañalo ye Néguev, cha'aye Aỹem dalaxaic qome ñaqa'en da na'achecỹaxac namayepi. Qaq 'era da ỹa'aqtac, Aỹem Nataxala'.»

Hebreos 8:8

Qalaxaye Ñim Lo'onatac 'Enauacna ila'a da se'eso shiỹaxauapi saishet da ỹalaxalec dam 'eetapeguec, nache Ñimaye 'eeta': «Anata ca na'a'q, qom Aỹem ñaralaxat ca ñaỹamaxataxac da ñaỹamaxate' na Israel le'ecpi qataq na Judá le'ecpi.

Joel 3:1

Qaq que'ecaua na'axa'te qom ivita ca laloqo' da ñe'eguelaxat nam noxonecpi Judá le'ecpi qataq nam Jerusalén le'ecpi,

Ezequiel 36:24

Aỹem qami' ñeqateeguesopa qome 'enauac ne'ena ỹotta'a't shiỹaxauapi, qataq nam 'alhuapi, nache qami' llaỹona't qome, nache qami' she'eguelaxatalo yem maiche qana'alhuai.

Salmos 53:6

Qaq 'onaxaictaxa da chegoqchiguiña añi qasoxonaxa Sión ca lca'alaxa na Israel le'ecpi qom ivita da Ñim Lo'onatac 'Enauacna ỹe'eguelaxa da ỹaỹamaxaañi na lalamaxat nhuo' le'ecpi. Nache machiguiñi qome na chegoxoguet so Jacob, qataq 'enauac na Israel le'ecpi.

Lucas 21:6

–Huo'o qome ca na'a'q, qaq qanlaxaañi 'enauac ne'ena qaumiiñitac nagui, saishet qome da huo'o ca 'oonolec coma' da no'onasheguem da huetalec ca lỹa coma'. 'Enauac nlachiguiñi.

Lucas 19:43

Qalaxaye huo'o qome ca na'a'q, qaq qami' qaviyiỹalo caua na'axa'te maye ỹataqta qauema, qom ca qanpa'aguenaxauai nauaxaỹaxaasheguem ca lpaqtaxanaxat da qami' iconnaxaasopa. Ime, qaq qami' coleesopa, ỹataqta sa ỹauo'o ca qardaqa'ai da qami' iloquiaxa'n.

Lucas 17:22

Nache 'enapegalo soua lapaxaguenataqa, 'eeta': «Huo'o qome ca na'a'q, qaq qami' huo'o da qaryaqai da qauloỹa'a ca laloxoqui maye huetoigui da Aỹem, maye Aỹem Shiỹaxaua Llalec ñachaxan, qalaxaye saishet qome da qauloỹa'a.

Ezequiel 47:14

Aỹem maiche ñañan co'ollaxa da san so ỹa'aqtac da sanem da yaqto' lalamaxat ne'ena 'alhua so hua'au qarta'ailpi. Qaq qancolaxachiigui qome namaye, qalaxaye nache 'eeta'a't qanqa'eñi ca talec ca 'oonolec. Cha'aye ne'ena 'alhua, namaye maiche qaralamaxache qome.

Jeremías 32:37

«Aỹem llaỹona't qome na nhuo' le'ecpi maye hueta'a na 'alhuapi maye selagaxaalec co'ollaxa, co'ollaq Aỹem nlaxagui da ỹalemataic, inogoxonaxac qataq da chaqaic ỹayeloxo, nache ñe'eguelaxata qome ne'ena 'alhua da yaqto' ỹe'emaqtac qom netalec namaye.

Jeremías 31:38

Ñim Nataxala', 'enapec: «Anacta ca na'a'q da na ỹalamaxat huaqta'a't nỹecpi qaltaq qano'oxooshegueem qome, chegoqchiguiña ara nalloxolate maye naña ye Jananel, nache ivira'a ñi Lasom maye le'enaxat da Lallemaqhuo.

Jeremías 31:31

Ñim Nataxala', 'enapec: «Anacta ca na'a'q maye huaigui da so'ot ca dalaxaic ñaỹamaxataxac da ñaỹamaxate' na Israel qataq na Judá.

Jeremías 31:27

Ñim Nataxala' 'eeta': «Anacta ca na'a'q da so'ot da na ỹalleppi, qataq na shiguiỹacpi, da ỹataqta nlaxalec na Israel qataq na Judá.

Jeremías 30:10

Aỹem Nataxala', 'era da ỹa'aqtac: saishet qome da qayi'i qami' maye qauachegoqoiguet so Jacob som ỹamaxashec, saishet da 'añi'i qome 'am Israel, cha'aye 'am qataq ca 'aỹa'alaqpi qami' sesoueeguesopa qome na hueta'a na qaỹoqta 'alhua maye qoviita'a da qami' ncoñetegui'she. Qaq 'am 'avi'eguelaxa qome da 'aulactapiguiñi, qataq 'avi'imaqtac nache qaica ca 'am iquichoqchet.

Jeremías 27:22

«'Enauac ne'enapi qairo'ogue qome da Babilonia, qaq nache hueta'a qome yemaye, choche ivitta'a cam na'a'q qom she'eguena'a nache ñe'eguelaxata ne'ena nma'. Qaq 'era da ỹa'aqtac Aỹem Nataxala'.»

Jeremías 27:11

Qalaxaye cam shiỹaxauapi maye nañaneguet da la'añaxac ñi nta'a ye Babilonia, camayepi sa'aqta'a qome da no'onalec nam na'alhua da yaqto' nache netalec, qataq danaxaateguelec. Qaq 'era da ỹa'aqtac Aỹem Nataxala'.»

Jeremías 23:5

Ñim Nataxala', 'enapec: «Anacte' caua na'axa'te maye huaiguilo qome da sauo'o ca nta'a maye chegoxoguet so David, cam nta'a maye no'on da lataxac, qataq camaye do'onataxana qome da nalochiguiñi qataq da no'on lataxac, da hueta'a ne'ena 'alhua.

Esdras 3:12

Qaq ỹataqta qalota so ntaxaỹaxanaxanecpi, qataq so ltauapi maye chegoxoguetpi so Leví, qataq so lataxala'pi so nalamaxat nhuo' le'ecpi maye mashe ỹataqta ỹa'axaiquipi, qaq somayepi ỹauaachigui co'ollaxa aso hua'auchiguiñi atamnaxaqui, nache somayepi ỹataqta na'alaqtapiguiñi da nnoinaxac, cha'aye ỹauaachigui da qaltaq qano'oxoosheguem aso dalaxai atamnaxaqui. Nataqa'en huo'o so qalota ỹa'alaqtagui souaxat da ntonaxac.

Esdras 3:8

Qaq so Zorobabel, maye llalec so Salatiel, qataq so Josué, maye llalec so Josadac, soomaye huaxaigueta so maiche lalamaxa't lauo' le'ecpi maye ntaxaỹaxanaxanecpi, qataq so leviitapi, qataq 'enauac so ñe'eguelaqpi maye noxonecpi co'ollaxa, somayepi ỹoltaq no'oxoosheguem aso atamnaxaqui, co'ollaq inoxonec so 'oonolec vi'i, qataq soua dos ca'agoxoiqa co'ollaq nvita ye Jerusalén. Nache so nalamaxat nhuo' le'ecpi maye chegoxoguetpi so Leví, maye mashe ivi' naua veinte vi'iye da nachaalataxac nacheso so qaipataxalec da ilo'ogue da no'onataxanaxac da qano'oxoosheguem aso atamnaxaqui maye lalamaqte Ñim Nataxala'.

Esdras 3:1

Qaq co'ollaq ivireuga so ca'agoxoic siete, nache so Israel le'ecpi mashe sogote da netaiguilo soua lma'ate qataq so huaqta'a't nỹecpi maye ỹotta'a't naua nañalo, nache 'enauac se'eso nhuo' le'ecpi, ỹo'ot so laponaxac huaña ye Jerusalén.

Deuteronómio 30:3

nache Ñim Nataxala' maye Qanatamnaxala'ai qaltaq ỹe'eguelaxa qome da qami' ichoxore'n, qataq qami' laỹona't, nache qami' ñe'eguelaxa't qami' ỹachegoxotchiguiñalo ca na'alhua ca ỹotta'a't shiỹaxauapi maye qami' ỹo'ora'alo co'ollaxa Ñimaye.

Jeremías 31:23

Ñim Nataxala' maye Qaica ca Ỹaqalanapec Ñim Natamnaxala' na Israel le'ecpi, 'eeta': «Qom Aỹem ñaralaxat ca na'achecỹaxac na lma' na Judá, qataq namayepi qom mashe qaltaq hueta'a ye maiche na'alhua, qataq ye maiche lma' huaqta'a't nỹecpi, nache qaltaq 'enapec qome: ‹¡Ñim Nataxala' ỹaalec da no'on añi qasoxonaxa maye qui'itta, maye hueta'a da nalochiguiñi lataxac!›

Deuteronómio 30:5

Nache Ñim Nataxala' qami' ñe'eguelaxatalo qome ca 'alhua maye lalamaxat co'ollaxa so hua'au qarta'ailpi, da yaqto' qaltaq qaralamaxache. Nache qami' ỹanema da lchoxonnataxanaxa, qataq qalota naqa'en ca qaỹa'alquipi, napacalec na llalaqpi so hua'au qarta'ailpi.

Jeremías 3:18

Qaq qom ivita que'eca na'a'q, nache ye Judá huaxaiguet qome ye Israel, qaq nache nnaictega't qome da ñe'eguela'q chegoqchiyiña ye 'alhua maye pa'aigue da sheu', da naỹalo nam 'alhua maye sanem co'ollaxa da yaqto' lalamaxat som hua'au qarta'ailpi.

Jeremías 29:10

Ñim Nataxala', 'eeta': ‹Qom ivi' caua setenta vi'iye da qoviita'a ye babilonia, nache Aỹem qami' setaua'n qome, nache sepaqueelec dam sachaxanapec co'ollaxa da qami' ñe'eguelaxatalo nam maiche qarmaye.

Jeremías 30:4

'Era da la'aqtac Ñim Nataxala' maye taalec na Israel qataq na Judá.

Jeremías 31:16

Qalaxaye Ñim Nataxala', 'enapega 'eeta': «Raquel nache tachiguiña qome da 'annoinaxac, 'auỹorec naua 'arache', cha'aye da 'anque'eenaxac huo'o qome ca nsheetenaguec: na 'aỹa'alaqpi chegoqchiguiña qome ye na'alhua na npa'aguenaxauapi da ñe'eguelaq. Qaq 'era da ỹa'aqtac Aỹem nataxala'.

Jeremías 51:60

Qaq so Jeremías ỹerelec co'ollaxa aso nere so la'aqtaxanaxac da ỹa'axata'a 'enauac nam qauem maye taỹa'a da talec ye Babilonia, qaq damaye, 'eeta': 'enauac nam nanettañi maye ỹa'axata'a dam 'eetec qome yemaye.

Salmos 126:4

'Am Nataxala' ñaq qomi' 'anqateeguesopa da qananoxonaguec, nache qomi' 'avi'eguelaxa't, 'eeta'am da 'avi'eguelaxat na la'auaxacpi ca toolec 'alhua.

Ezequiel 34:13

Aỹem ñeqateeguesop qome nam ỹaqa'a 'alhuapi, qataq llaỹona't, nache sauega ye maiche lalamaxat na'alhua. Qataq sauega qome aye qasoxonaxapi ye Israel da yaqto' sequia'axan, qataq ye la'auaxacpi, qataq 'enauac yem nma'pi maye qanayeetaña yi'iye 'alhua.

Sofonías 2:7

Qaq cam lca'alaxaicpi qome na nhuo' le'ecpi maye lma' ye Judá, nalec qome yi'iye 'alhua qom anac Ñim Nataxala' maye Natamnaxala' namayepi, da itauan qataq naralaxat da na'achecỹaxac namayepi. Qaq nache hueta'a qome yemaye da ilotague' ana lalo qaguetapi, qaq ye pe qalaq hueta'a qome ye lma' so Ascalón da nmatec.