Jeremías 30:21 - La'aqtaqa Ñim Lo'onatac 'Enauacna 201321 Nache namayepi chegoqtoigui qome cam lataxala' ca 'oonolec namayepi ilo'ogue qome namayepi, Camaye Aỹem nquigueua'a qome qaq camaye nache huetaua'a qome na ỹaỹe, cha'aye ¿negue't ca sairen da nachaalataxac da nquigueua'a Aỹem? Qaq 'era da ỹa'aqtac Aỹem Nataxala'. Gade chapit la |
Qom ñanac qalaq ñeque'elaxatta sheeta'am ca llon, da chegoqtoigui ye aviaq ye Jordán, nache tauga nam no'onaxa maye daralata na 'auaqpi, qaq huaña yemaye nache datauec ñaqa'en na lma' ye Babilonia, nache so'otec qome da ilo'ogue ca shiỹaxaua maye maiche lleca'aguishec. Qaq ỹoqo'oye, ¿negue't ca ishet da sheeta'am? ¿Qataq negue't ca ishet da Aỹem ñe'eguene'? ¿Qataq negue't ca qagueta lo'o ca ishet da Aỹem dataỹa'aguet?
Qom ñanac qalaq ñeque'elaxatta sheeta'am ca llon, da chegoqtoigui ye aviaq ye Jordán, nache tauga nam no'onaxa maye daralata na 'auaqpi, qaq huaña yemaye nache datauec ñaqa'en na Edóm le'ecpi, qataq so'ot qome da ilo'ogue ñaqa'en cam shiỹaxaua maye lleca'aguishec. Qaq ỹoqo'oye, ¿negue't ca ishet da sheeta'am? ¿Qataq negue't ca ishet da Aỹem ñe'eguene'? ¿Qataq negue't ca qagueta lo'o ca ishet da Aỹem dataỹa'aguet?
So Llalec qomi' ỹachaxanalo da la'añaxac qataq da la'amaqchec Ñim Lo'onatac 'Enauacna, cha'aye imatta't da lataxac Ñimaye, qataq do'ogoxona da lta'araic la'añaxac da nlletañi 'enauacna. Qataq chegoqchigui Somaye da Ñim Lo'onatac 'Enauacna ỹapalaxa't naua qarasouaxashe'ete, ime, nache taỹa cam neta'ague Ñimaye da yaqto' nso'ooñi, na'ague da aloic.
Qaq so Abraham, qaltaq ỹe'eguelaxalec co'ollaxa da denataxan, 'eeta': «Ñaq aỹem 'anqouaguec 'Am Ỹataxala', saishet da aỹem 'aualemataỹa, qalaxaye nache pa'atec nagui da 'am senat, ¿ca qonetec da huo'otaq 'aulaleguete caua diez?» Nache Ñim Nataxala', 'enapeco': «Qomye da huo'oi caua diez, nache saishet qome da selaxachigui yi'iye huaqta'a't nỹecpi.»
Qalaxaye so Abraham qaltaq ỹe'eguelaxalec da, 'enapec: «'Am ñachoxonnot da saishet da aỹem 'aualemataỹa, souaxat dam she'eguelaxattalec inataxanaxac, ¿qaq da huo'otaq 'aulaleguete caua treinta?» Nache Ñim Nataxala', qaltaq ỹasateguet somaye, 'eeta': «Qomye da huo'oi caua treinta, nache sechoxoren qome yi'iye huaqta'a't nỹecpi.»
yaqto' so Israel le'ecpi saishet da icoua'ai de'era, da ca chegaqauec shiỹaxaua da saishet da chegoxoguet so ntaxaỹaxanaxanec Aarón, nache saishet da ỹo'ot ca nchenaxanaxat da ỹanot Ñim Nataxala', cha'aye ishet da 'eeta'am da huaigui so Coré qataq so laỹepi. Cha'aye nache la'aqtac Ñim Nataxala' co'ollaq hueqattega so Moisés.