Jeremías 30:2 - La'aqtaqa Ñim Lo'onatac 'Enauacna 2013

² «Ñim Nataxala' maye Natamnaxala' na Israel le'ecpi 'eeta': 'erelec qome aca nere 'enauac nam 'am sa'axatem,

Jeremías 30:2 Referans Kwoze

Jeremías 36:32

Qaq huaña nache so Jeremías, ỹacona aso lỹa nere, nache ỹanem so Baruc maye leraxanaxanec, nache somaye ỹiyiñi co'ollaxa 'enauac nam la'aqtaxanaxacpi so Jeremías, qaq damaye, 'eeta': 'Enauac nam huetalec aso nere maye ỹavigaxat co'ollaxa so nta'a Joaquim, qaq so Jeremías qaltaq nquigaxattec na qalota laỹepi maye 'eeta'am na huetalec aso hua'auchiguiñi nere.

Isaías 30:8

Qaq nagui qojec, nache 'erelec qome ca dapaqaic de'era 'arauanaqchec, ỹauaachigui 'anqa'en namayepi, qataq 'erelec qome de'era aca nere da yaqto' nache huetalec acamaye choche ivitta'alo caua pa'atrec na'axa'te, qataq yaqto' chochaq tatec da saishet da qaicoua'ai.

Apocalipsis 1:19

'Iyiñi 'enauac nam 'auauaachigui: nam mashe yo'oq qataq cam ñaq taỹa'a da yo'oq.

Apocalipsis 1:11

Qaq se'eso nvilỹaxac aỹem 'enapega, 'eeta': «'Auauo'o aca 'ere da 'iyiñi nam 'aulota'api, ime, qaq 'auamaxalo naua siete 'aleu' maye hueta'alo nam ỹa'amaqten So Jesús maye huetaigui ye 'alhua Asia, yem nỹecpi ye Éfeso, Esmirna, Pérgamo, Tiatira, Sardis, Filadelfia, qataq ye Laodicea.»

2 Pedro 1:21

cha'aye 'enauac som hua'au la'aqtaxanaxanecpi Ñim Lo'onatac 'Enauacna saishet da huo'o ca 'oonolec da maiche nallegoxottela't ca la'aqtaxanaxac. Nachaqrata da 'enauac somayepi ỹa'axattac dam chegoqo'ot Ñim Lo'onatac 'Enauacna, qataq So Saqcha'a Na'añaxac Qui'itta ỹauecta'aguet da lhuennataxac.

1 Corintios 10:11

Qaq 'enauac de'era huaigui som hua'au qarta'alpi, damaye qoỹiyiñi da naloqnaxanaxat da qaỹauotaique qomi' qaiqatalo nagui da souaqtaiguilo naua pa'atre'c na'axa'te.

Romanos 15:4

Cha'aye 'enauac nam nanettalec ana nere maye huetalec na la'aqtacpi Ñim Lo'onatac 'Enauacna qoỹiyiñi co'ollaxa da yaqto' qomi' ỹapaxague'n. Da la'aqtaxanaxac anamaye qomi' itaua'n da yaqto' huo'o da qara'añaxac qataq qanhualaxaunaxac, qataq ỹataqta 'itchiguiñi da 'eesa dam qara'amqaanataxanaxac.

Daniel 12:4

Qalaxaye 'am Daniel, saishet qome da 'aua'axattac de'era, qataq 'aunana't ana'ana nere, nache 'autoqoolec aca 'ara'anaxanaqte da 'auapogui, choche ivitta'a qome da ivita cam loga't. Qalota qome ca shiỹaxauapi maye coleetega't, nmittaique da nquigaxatec da lauattonaxanaxac.

Isaías 8:1

Ñim Nataxala' aỹem 'enapega 'eeta': «'Auacona qome ca dapaqaic qalotelec, nache ỹataqtegue 'anqa'en da 'erelec camaye da ne'enaxat maye 'eeta': ‹Maher Salal Jasbaz.›

Deuteronómio 31:19

Qaq ỹoqo'oye nagui iuen da 'iyiñi de'era no'onec, nache 'auapaxaguenec na Israel le'ecpi yaqto' ỹo'on, qaq damaye nachera qome da maiche dataỹa'aguet namayepi.

Éxodo 17:14

Nache Ñim Nataxala' 'enapega so Moisés, 'eeta': «'Erelec qome aca nere de'era, yaqto' saishet da qaicoua'ai. Ime, nache hua'aqchigui 'anqa'en ñi Josué, da aỹem imauec qome da sapalaxat da na'aqtaguec na amaleciitapi.»

Jeremías 25:13

Aỹem so'ot qome da talec yi'iye na'alhua 'enauac nam sa'axatta'a co'ollaxa, qataq nanettalec ana'ana nere: 'Enauac nam ỹa'axattac co'ollaxa so Jeremías maye ỹachegoxotchigui da ỹe'enaxat da dataỹa'aguet 'enauac na ỹotta'a't shiỹaxauapi.

Jeremías 30:1

'Era da la'aqtac Ñim Nataxala' maye ỹami' so Jeremías, 'eeta':

Jeremías 36:28

«'Auauo'o qome aca lỹa nere, nache qaltaq 'avi'eguelaxalec qome da 'erelec acamaye 'enauac nam huetalec aso hua'auchiguiñi nere maye ỹavigaxat ñi Joaquim maye nta'a na Judá.