Jeremías 30:16 - La'aqtaqa Ñim Lo'onatac 'Enauacna 2013

¹⁶ Qaq 'enauac qome nam 'am chec, namayepi nataqa'en qanallec qome, qataq 'enauac qome nam 'ampa'aguenaxauapi qaỹauega ca ỹaqa'a 'alhua da ncoñeteguishecpi, qataq so'otec da qanhuotta qome nam 'am nhuotta, qataq qaicachiỹot qome nam 'am decachiỹot.

Jeremías 30:16 Referans Kwoze

Jeremías 10:25

Nacherata da 'aucorelec da 'arayeloxo nam ỹotta'a't shiỹaxauapi maye 'am saỹauatton nam nhuo' le'ecpi maye saishet da iỹaxaatega da 'are'enaxat, cha'aye namayepi ilaxachigui na lauo' le'ecpi so Jacob, nache qaica naqa'en ca no'onañi qataq nlachiguiñi naqa'en ne'ena 'alhua.

Isaías 33:1

¡Choxoraxaso' 'am maye 'anhuottac na shiỹaxauapi, qalaq ỹauana da 'am qanhuo', qataq 'auque'elaqtaxan naxa qalaq ỹauana da 'am qaique'elaxat! Cha'aye qom 'aumat da 'anlaxaañi namayepi, nache 'am qanlaxaañi qome, qataq qom ime da 'arque'elaqtaxanaxac, nache nataqa'en 'am qaique'elaxat qome.

Éxodo 23:22

Qaq qom ỹataqta qaualaqaiguet, qataq qauo'oche 'enauac nam qami' samaxaleguete, nache aỹem ỹataqta ñepa'aguene' qome cam qami' ipa'agueeta'ape, qataq ñeqanaxat cam qami' nqanaxatta'ape.

Zacarías 2:8

Cha'aye Ñim Nataxala' maye Qaica ca Ỹaqalanapec, aỹem namaq da sa'axatem da na'aqtac maye dataỹa'aguet na ỹotta'a't shiỹaxauapi, maye qami' nhuotte' co'ollaxa, qaq damaye, 'eeta': «Camachaqca ca dataỹa'aguet na ỹalamaxat nhuo' le'ecpi, nache camaye 'eeta'am da ỹacootegueua'a aca ỹauotaqte ỹale.

Apocalipsis 13:10

«Cam taalec da taua'a qanqa'en añi ncoñetaxanaxaqui, qalaq nachañi qaỹauegueua'a; qaq cam taalec da qaira'a ca ỹeelonec da qaỹalauat, qaq camaye qaỹauota'a ỹeelonec da qaỹalauat.» Qaq de'era naigui da na lalamaxatpi Ñim Lo'onatac 'Enauacna, iuen da ỹaỹaten da na'añaxateguet da nque'eenaxac, qataq queto'ot da lpi'iỹaxac Ñimaye.

Zacarías 12:2

«Na Jerusalén so'otec qome da 'eeta'am aca ỹomaxaqui na lataxa, nache itaqchet qome 'enauac nam lauoreuapi ỹotta'a't shiỹaxauapi. Qaq namayepi qom coleesop na Jerusalén, nache nataqa'en na laỹepi huaqta'a't nỹecpi ye Judá qailoquiaxan qome.

Joel 3:8

Nache na qaỹa'alquipi qataq ana qaỹa'allipi, semenot qome na Judá le'ecpi yaqto' namayepi imenot qome namayepi na sabeopi, maye chegaqa'a cam ỹataqta qaỹoqta 'alhua. Qaq 'era da ỹa'aqtac, Aỹem Nataxala'.

Isaías 14:2

Nache qalota qome cam ỹotta'a't shiỹaxauapi cam ỹaconeguet qome na Israel le'ecpi, nache nnaicapegue' camayepi nache iviraxatta'a ye maiche na'alhua, nache na Israel le'ecpi ỹauo'o l-latacpi camayepi qom huaña ye na'alhua Ñim Nataxala'. Qataq na Israel le'ecpi icoñi' qome nam hua'auñi da icoñettai' co'ollaxa namayepi, qataq maiche ỹoiqueetac nam saiyacnapec co'ollaxa namayepi.

Salmos 129:5

Ñaq ỹe'eguelaq qome, lỹatec da la'aloxo 'enauac nam saiuoten ye Sión.

Sofonías 2:8

«Aỹem sa'aqchigui da lsheunaxanaxac na Moab le'ecpi, qataq da le'enaxanaxac na llalaqpi so Amón da deqat naqa'en da la'amaqchec, na ỹalamaxat nhuo' le'ecpi, qataq da na'amaqteetalec nam na'alhuapi namayepi.

Habacuc 2:16

Qaq damaye saishet qome da ỹo'ot ca 'ayo'oxoyec, nacherata da 'am talec naqa'en da 'ara'agaxa, cha'aye Ñim Nataxala', 'am ỹanem qome da 'anỹomgui aca ỹomaxaqui, maye ỹo'ot da 'aula'a dam sa nateneuo 'arataxac, huaña nache da 'ayo'oxoyec nmeneguet da qaica ca 'ara'amaqchec.

Nahúm 1:8

qalaxaye nmichiguiñi naqa'en qome na npa'aguenaxauapi, 'eeta'am ca qapa'atteguet ndep da ỹache 'enauac na huetangui na llec, qataq Ñimaye 'eeta'am ca napalaxa da iviralec na npa'aguenaxauapi.

Miqueas 7:10

Qaq na aỹem ipa'agueetac qom ila'a damaye, nache ỹataqta lta'araic da la'agaxa nam aỹem detaqtega co'ollaxa, 'eeta': ¿Hua'ague ca neta'ague cam Nataxala' maye 'Anatamnaxala'? Qaq aỹem sa'amaqchiguiñi qom sauaachigui da huetaiya', qaỹapetapigui 'eeta'am ca nshaxa maye huetangui ca nqa'aic.

Miqueas 4:11

Qaq nagui huaxaỹa't na qalota ỹotta'a't shiỹaxauapi da 'am dataỹa'aguet, nache 'eeta': «¡No'ono' da ỹataqta sauanaqchigui da qanauec ye Jerusalén!»

Ezequiel 35:5

'Am chochaq tatec co'ollaxa da 'ampa'aguenaxaua na Israel le'ecpi, qataq 'auloquiaxaatac co'ollaxa namayepi, co'ollaq talec so pa'atec nhuaxanaguec souaxat na lasouaxashet.

Ezequiel 29:6

Qaq huaña qome, nache 'enauac na Egipto le'ecpi, ỹaỹaten da Aỹem nachaỹem Nataxala'. Na nhuo' Israel le'ecpi nmittaique co'ollaxa ca 'artaunaxanaxac, qalaxaye 'am qoneta'am aca coqta:

Lamentaciones 1:21

Na shiỹaxauapi hua'aqtega da ỹa'alaxac souaxat da ñequi'ic, qalaxaye qaica ca anac da aỹem ỹa'añaqchet. 'Enauac na ñepa'aguenaxauapi, ỹaỹaten dam qauem maye souaigui, qaq namayepi ỹataqta machiguiñi souaxat da aỹem 'auo'otec de'era. ¡Qalaxaye, 'auanacot qome cam na'a'q maye 'aua'axatta'aguet co'ollaxa, da yaqto' namayepi talec ca nque'eenaxac, maye 'eeta'am dam ñeque'eenaxac nagui!

Jeremías 2:3

Qaq na Israel ỹataqta aỹem nañanot co'ollaxa, nachena na ỹataqta la'auaxanec ala na ỹañiguishec. Qaq naxa da huo'o na ỹo'otec da qauem namayepi, nache aỹem sauo'o da nhuaxanaguec, ñamaxa na qauem. Qaq 'era da ỹa'aqtac, Aỹem Nataxala'.

Isaías 54:17

qalaxaye qaica co'ollaxa ca ỹo'ot ca no'ogoxonaxat maye ishet da 'am ilaxachigui. Qaq 'am 'auo'otec qome da chochaq ñe'emaxat nam 'eetega huo'o ca 'arasouaxashet. Qaq 'era da sanem, nam Aỹem ỹo'oxoreetac, dam lca'alaxa namayepi aỹem chegoqo'ot qome.» Qaq 'era da la'aqtac Ñim Nataxala'.

Isaías 54:15

Da huo'o ca 'am iloquiaxan, qalaq saishet da nachaỹem da huo'omshe 'am iloquiaxan, qaq cam 'am iloquiaxan qalaq 'oxonec qome.

Zacarías 14:2

Qaq que'eca na'a'q Ñim Nataxala', laỹona't qome 'enauac na ỹotta'a't shiỹaxauapi da yaqto' iloquiaxan na Jerusalén. Nache loxonec qome na huaqta'a't nỹecpi, qataq nqatec na huetaigui na nma'pi, qataq ncat nam 'alpi, nache tachiguingui na laiñi qome ca ỹauec namayepi, qalaxaye cam no'onañipi, qalaq nache netalec qome ne'ena 'alhua.

Zacarías 1:14

qaq ime, nache som namaxashec piguem le'ec aỹem 'enapega, 'eeta': «'Era da la'aqtac Ñim Nataxala' maye Qaica ca Ỹaqalanapec: ‹Aỹem ỹataqta sauotec na Jerusalén, qataq añi qaỹoqotcheguemec qasoxonaxa ye Sión.

Jeremías 50:28

Na shiỹaxauapi 'eltaxaicpi maye chegaqa'a ye Babilonia ivita ye Sión, nache ỹa'axattac da 'eetec Ñim Nataxala' Ñim Qanatamnaxala' dam Ñimaye ỹanem dam naigui da ỹo'ot na lma' ye Babilonia, souaxat dam ỹo'ot co'ollaxa da ilaxachigui aso atamnaxaqui.

Jeremías 25:12

Qaq qom inoxoore'c caua setenta vi'iye, nache Aỹem sauo'o ca nhuaxanaguec ñi nta'a ye Babilonia, souaxat na lasouaxashetpi qataq nataqa'en nam shiỹaxauapi maye hueta'a nam na'alhua nam caldeopi, nache she'eguelaxata qome da chochaq tatec da toolec. Qaq 'era da ỹa'aqtac Aỹem Nataxala'.

Jeremías 12:14

Ñim Nataxala' 'eeta' da la'aqtac: «'Enauac na qauemaicpi lauoreuapi na Israel le'ecpi maye ilaxachigui nam 'alhua maye Ñim Nataxala' ỹanem da lalamaxat na nhuo' Israel le'ecpi, Aỹem ñeqateeguesop qome namayepi na netalec 'alhuapi, qataq ñeqateeguesop namayepi nam chegoxoguet so Judá.

Jeremías 8:16

¡Mashe anacta na qampa'aguenaxauapi! ¡Mashe dachemnaxaata'aguet na lalopi caipi, chegoqchiguiña ye Dan! Naxa da nỹen, nache cholaxan na 'alhua. Anac da nlaxaañi ne'ena 'alhua qataq 'enauac nam huetalec namaye, nam huaqta'a't nỹecpi maye ỹotta'a't na nañalo qataq nam hueta'a namayepi.

Jeremías 30:15

¿Ta'ainco' da 'aua'alaqtac souaxat nam 'arque'emaxapi? Da 'anqui'ic saishet da qanataren. Souaxat na qalota qauem maye 'auo'ot qataq na qalota 'arasouaxashetpi nachena na huo'omshe 'am so'otec de'era.

Deuteronómio 30:7

Qataq Ñim Nataxala' maye Qanatamnaxala'ai, namaxa qome 'enauac da qauem na qampa'aguenaxauaipi, qataq nam qami' icaata'ape souaxat da qami' nquiỹategalo.

1 Samuel 17:53

Qaq so Israel le'ecpi co'ollaq ime, da icaatac so filisteopi, nache ñe'eguelaq da ỹacona so nogoxoshetpi maye hueta'a so nanataqa'.

Proverbios 22:23

cha'aye Ñim Nataxala' ishet da iueelec camaye, nache Ñimaye deuotaxanec nam hueto'ot ca nhuo' camaye.

Lamentaciones 1:22

Qaq no'on da iviro'ot 'Am, 'enauac nam qauem maye ỹo'ot namayepi, qaq souaxat nam lasouaxashetpi namayepi, nache 'aue'enaxatteguet qome dam aỹem 'auo'otec nagui, souaxat nam ỹasouaxashetpi. Cha'aye mashe ỹaguec da ñenoinaxac, nache ỹataqta seuet añi iquiyaqte.

Zacarías 1:15

Qaq ỹoqo'oye da ỹalemataic, 'eroigui da talec nam ỹotta'a't shiỹaxauapi maye qaica ca lhuogoxo, cha'aye co'ollaq ñaq saq 'amaqtaq da ỹayeloxo, nache namayepi nquigaxatec dam lle'etaxaloxo.

Zacarías 2:12

Qaq Ñim Nataxala' qaltaq ỹe'eguelaxa qome da lalamaxat na Judá, maye huetaigui nam qui'itta 'alhua, qataq ỹe'eguelaxalec nataqa'en da ỹa'axatec da ye Jerusalén nacheye ye lca'aguishec.