Jeremías 30:13 - La'aqtaqa Ñim Lo'onatac 'Enauacna 2013

¹³ Qataq qaica ca huapegue' da qoneta, qaica ca nataren na 'arque'emaxa, qataq qaica ca 'am nataren.

Jeremías 30:13 Referans Kwoze

Jeremías 46:11

¡Qami' nhuo' Egipto le'ecpi, qanqo'oñiỹa qome ye Galaad da qauloỹaique ca qaratannaxanaxache! ¡Qalaxaye na'aictaxa da qalota ca natannaxanaxat da qaviñi, qalaxaye qaica qome ca naigui, cha'aye qaica ca natannaxanaxat ca ishet da qami' no'onaxa't!

Jeremías 8:22

¿Peta'a qaica ca natannaxanaxat ye Galaad? ¿Peta'a qaica ca natannaxanaq da hueta'a yemaye? ¿Ta'ainco' da saishet da no'oita na ihuo' le'ecpi?

Jeremías 33:6

Qalaxaye ñataren qome qataq sanem da no'oita, nache so'otec da huetaigui da nlagaxayec qataq da qaica ca ndaqtaique.

Jeremías 30:17

'Am she'eguelaxatem qome da 'arca'alaxa, qataq ñataren na 'arque'emaxapi, qaq na'aictaxa na 'ampa'aguenaxauapi da 'enapec: ‹Na Sión ỹataqta qaỹalat qaica ca qochetega namaye.› Qaq 'era da ỹa'aqtac Aỹem Nataxala'.

1 Juan 2:1

Aỹem ỹataqta qami' sauoteque, 'eeta'am ñaqa'en da maiche qami' ỹalqa. Ỹoqo'oye qami' samaxalo ana ỹere da yaqto' saishet da huo'o ca qauo'oche qarasouaxashechi. Qalaxaye da huo'otaq huo'o ca huo'o ca lasouaxashet, nache So Jesucristo maye no'on da lataxac, Somaye qomi' detaqleguete da datato'ot Ñim Lo'onatac 'Enauacna maye Nta'a.

1 Pedro 2:24

So Cristo ỹache 'enauac na qarasouaxashetpi, cha'aye ileualec so npe'enaxaqui. Qaq ỹo'ot damaye yaqto' qomi' saxanaxañi 'enauac nam so'otaqtac qauem, nache ndotec da so'otaqtac cam 'onaxaic. So Cristo co'ollaxa ỹataqta qaique'emaqchet, yaqto' ishet da qami' no'oite'.

Nahúm 3:19

¡Qataq qaica ca lata' da 'aracagaxa, qataq saishet da qanataren da 'arque'emaxa! Qaq 'enauac nam ỹaỹaten de'era qauem maye qouaigui, namayepi ỹataqta iuaxana't naua lhua'q da ntonaxac, cha'aye, ¿negue't cam sa nque'etaxangui nam chochaq tatec qauem maye 'auo'ottacpi co'ollaxa?

Oseas 14:4

Da la'aqtac Ñim Nataxala', 'eeta': «Aỹem saỹamaxaañi qome da qauem lataxac namayepi, nache choche sechoxoren, souaxat da sauotec namayepi, cha'aye da ỹayeloxo mashe ca'ai ñaqa'en namayepi.

Oseas 6:1

Ña qauanaqui, nache she'eguelaxasaxa Ñim Nataxala', cha'aye Ñimaye qomi' nlaxatchiyiñi co'ollaxa, qalaxaye ishet da qaltaq qomi' no'oite' naqa'en, qataq qomi' ique'emaqche't, qalaxaye ishet da qaltaq qomi' natare'n.

Ezequiel 22:30

Aỹem ñimittapigui ne'ena shiỹaxauapi, da huo'otaq huo'o ca iueelec ne'ena 'alhua, huo'otaq da Aỹem iỹaxanot da yaqto' saishet da selaxachigui, qalaxaye Aỹem saishet da sanata.

Isaías 59:16

Ñim Nataxala' ỹataqta huo'o da la'aalaxa co'ollaq ila'a da qaica ca ỹauo'o ca lata' de'era, nache do'ogoxona da maiche la'añaxac, qaq huaña nache Ñimaye dauegaxan.

Isaías 1:6

Qaq ỹataqta 'enauac da qaro'ocỹaxaqui da qaica ca no'oita, 'enauac da que'emaq, nalauat qataq huo'o na lli'i na qarque'emaqai, nache qaica ca anac da qami' natare'n qataq da ỹaxachigui nam qarque'emaqai, huo'otaq da qami' ỹa'ame'n ca aceite da yaqto' ỹa'axaneguet da qanqui'iqui.

Salmos 142:4

Ñaq 'auamata'ague qome na aỹoic, yaqto' 'aula'a da qaica ca aỹem itauan, qaica ca ỹe'eguenaqa', qataq qaica ca aỹem huapegue'.

Salmos 106:23

Nache Ñim Lo'onatac 'Enauacna detaxaỹa co'ollaxa da ilaxachigui somayepi, qalaxaye souaxat so Moisés maye lca'aguishec Ñimaye, dataỹa'aguet co'ollaxa da yaqto' nqanaxat da lalemataic, nache Ñimaye saishet da ipaca'a da ilaxachigui.

Da na'aqtaguec so Job 34:29

Qaq Ñimaye da nañaxaañi, qaq ¿negue't ca ishet da ỹo'ot ca nhuaxanaguec? Qataq da ỹoxooñi da lashiguiỹaxac, nache ¿negue't ca ishet da ila'a? Qalaxaye Ñimaye nauaatalec na ỹotta'a't shiỹaxauapi qataq ñi 'oonolec namayepi.

Da na'aqtaguec so Job 5:18

Cha'aye Ñimaye da ỹo'ot ca nque'emaxa, qalaq nataqa'en nataren, qataq da huo'o ca iuaxan qalaxaye nataqa'en nataren.

Deuteronómio 32:39

Ña qauloỹa nagui da nachaỹemta Atamnaxala', qaica ca lỹa atamnaxala' da aỹem 'eeta'am. Cha'aye Aỹem san da nca'alaxa qataq so'ot da nleuaxa, qataq so'ot ca nque'emaxa qataq ishet da ñataren. Qataq qaica ca ỹet da la'añaxa'c naua ihuaxaye.

Éxodo 15:26

Nache 'enapeco' da la'aqtac: «Aỹem Nachaỹem Nataxala' maye Qanatamnaxala'ai, qami' qom ỹataqta qauloitelec da ỹa'aqtac, qataq qom qauo'oche cam saỹamaxareeta, qataq qaualaqailec da ỹamaxasoxonaxac, qataq da qaupaquiiteleguete naua iqataxaco, nache aỹem saishet qome da ñamaq na nalolaxapi maye ñamaxa co'ollaxa ye Egipto le'ecpi, cha'aye aỹem Nachaỹem Nataxala' maye ishet da qami' ñatare'n».

Jeremías 17:14

Aỹem 'anataren, 'Am Nataxala', nache aỹem no'oita qome, aỹem 'anca'alaxatec, nache aỹem ñeca'alec qome, cha'aye nache 'amta da 'am sho'oxoreetac.

Jeremías 14:19

'Am Nataxala', ¿ỹoqta imauec peta'a da sa 'auaconeguet nam hueta'a Judá? ¿Peta'a mashe 'anasamiisop na huaqta'a't nỹecpi na Sión? ¿Ta'ainco' ye qomi' 'auque'emaqchet, nache qaica ca qarata' 'anqa'en? Qomi' seuataqtaique ca qarlagaxayec, qalaxaye saishet da saconaxaguet ca no'on. Qataq seuataqtaique da qomi' no'oite', qalaxaye nacherata da qomi' hueto'oto da qarcolanaxa.

Jeremías 6:7

Ye Jerusalén qalaq mpa'axaatasheguem na qauem, 'eeta'am aca nshere da mpa'axaatasheguem na 'etaxat. Qaica ca lỹa qaỹa'axaỹa, nacherata da loquiaxac qataq da qaica ca qairen, qaica ca lỹa sela'a da huetalec yemaye nacherata da nque'emaxa qataq da qui'ic.

Ezequiel 30:21

«Aỹem sacagaxat na lhuaq ñi faraón ñim nta'a ye Egipto, nache qaica ca ishet da nataren, huo'otaq da ỹaxachigui na lhuaq da yaqto' ỹe'eguelaxa da huo'o da la'añaxac, qataq da yaqto' ishet da qaltaq nasaqa'a ca lainec.

Lamentaciones 2:13

'Am, Jerusalén maye ỹataqta 'am 'onaxaic ¿Negue'tom ca ishet da 'am ñaloqnaxaneguet? ¿Negue'tom ca ishet da saloqnaxana da yaqto' 'am sa'añaqchet, 'am Sión maye ỹataqta 'am qui'itta qataq huo'o da 'aryac? Da 'anque'eenaxac ỹataqta lta'araic, ¿qaq negue'tom cam ishet da 'am nataren qome?