Jeremías 30:12 - La'aqtaqa Ñim Lo'onatac 'Enauacna 2013

¹² Ñim Nataxala' 'enapec: da 'arque'emaxa saishet da qanataren, dam qauem maye 'am huetalec qaica ca lata'.

Jeremías 30:12 Referans Kwoze

Jeremías 15:18

¿Ta'ainco' da saishet da vi'iiguet da ñequi'ic? ¿Ta'ainco' da ique'emaxa da qaica ca lata', qataq saisheteguet ca lata'? Nache 'Am 'avi'eguelaxa da qoneta'am ca lqashelgaxa na 'alhua maye 'eeta'am ca lqashelgaxa ca 'etaxat.

Jeremías 30:15

¿Ta'ainco' da 'aua'alaqtac souaxat nam 'arque'emaxapi? Da 'anqui'ic saishet da qanataren. Souaxat na qalota qauem maye 'auo'ot qataq na qalota 'arasouaxashetpi nachena na huo'omshe 'am so'otec de'era.

Jeremías 14:17

'Aua'aqtaxanem qome na nhuo' le'ecpi de'era, 'eeta': ‹Naayiñi qome naua ỹache' chegaqaiguilo naua ỹa'ai'te, nache saishet da vi'iigueta ye na'a'q qataq ye pe, souaxat dam chaqaic qataq qauem maye huaigui na ihuo' le'ecpi, qataq dam lta'araic lque'emaxa.

2 Crónicas 36:16

Qalaxaye somayepi ỹataqta ỹe'eetac co'ollaxa som la'aqtaxanaxanecpi Ñim Lo'onatac 'Enauacna, qataq saỹaconegueta naua la'aqtaqa, qataq isheueetac som la'aqtaxanaxanecpi, choche ivitta'a da Ñim Nataxala' talec naqa'en da layeloxo som lalamaxat nhuo' le'ecpi, qaq 'era da 'eetec da qaica ca lata' damaye.

Ezequiel 37:11

Qaq huaña nache Ñim Nataxala' aỹem 'enapega, 'eeta': «Na nhuo' Israel le'ecpi, namayepi 'eeta'am ne'ena npi'inecpi. Namayepi 'enapec naxa: Naua qarpi'inaqa ỹataqta deqaqte', mashe qaica ca qanaquitaxac, qataq mashe seqataq.

Jeremías 6:7

Ye Jerusalén qalaq mpa'axaatasheguem na qauem, 'eeta'am aca nshere da mpa'axaatasheguem na 'etaxat. Qaica ca lỹa qaỹa'axaỹa, nacherata da loquiaxac qataq da qaica ca qairen, qaica ca lỹa sela'a da huetalec yemaye nacherata da nque'emaxa qataq da qui'ic.

Lamentaciones 2:13

'Am, Jerusalén maye ỹataqta 'am 'onaxaic ¿Negue'tom ca ishet da 'am ñaloqnaxaneguet? ¿Negue'tom ca ishet da saloqnaxana da yaqto' 'am sa'añaqchet, 'am Sión maye ỹataqta 'am qui'itta qataq huo'o da 'aryac? Da 'anque'eenaxac ỹataqta lta'araic, ¿qaq negue'tom cam ishet da 'am nataren qome?

Oseas 5:13

Nache ye Efraín qom ila'a da lalolaxa, qataq ye Judá qom ila'a da lque'emaxa, huaña qome nache ye Efraín, nqo'ona so 'amaqtaqaic nta'a ye Asiria, da iỹaxanaique ca ntaunaguec, qalaxaye somaye saishet qome da no'oita naqa'en, qataq saishet da nataren na lque'emaxa.

Miqueas 1:9

Cha'aye da lque'emaxa ye Samaria ỹataqta qaica ca lata' nache ivira'a ye Judá, qataq ivitta'a ye Jerusalén, yem hueta'a nam ỹalamaxat ihuo' le'ecpi.

Nahúm 3:19

¡Qataq qaica ca lata' da 'aracagaxa, qataq saishet da qanataren da 'arque'emaxa! Qaq 'enauac nam ỹaỹaten de'era qauem maye qouaigui, namayepi ỹataqta iuaxana't naua lhua'q da ntonaxac, cha'aye, ¿negue't cam sa nque'etaxangui nam chochaq tatec qauem maye 'auo'ottacpi co'ollaxa?

Jeremías 8:22

¿Peta'a qaica ca natannaxanaxat ye Galaad? ¿Peta'a qaica ca natannaxanaq da hueta'a yemaye? ¿Ta'ainco' da saishet da no'oita na ihuo' le'ecpi?

Jeremías 14:19

'Am Nataxala', ¿ỹoqta imauec peta'a da sa 'auaconeguet nam hueta'a Judá? ¿Peta'a mashe 'anasamiisop na huaqta'a't nỹecpi na Sión? ¿Ta'ainco' ye qomi' 'auque'emaqchet, nache qaica ca qarata' 'anqa'en? Qomi' seuataqtaique ca qarlagaxayec, qalaxaye saishet da saconaxaguet ca no'on. Qataq seuataqtaique da qomi' no'oite', qalaxaye nacherata da qomi' hueto'oto da qarcolanaxa.