Jeremías 30:10 - La'aqtaqa Ñim Lo'onatac 'Enauacna 2013

¹⁰ Aỹem Nataxala', 'era da ỹa'aqtac: saishet qome da qayi'i qami' maye qauachegoqoiguet so Jacob som ỹamaxashec, saishet da 'añi'i qome 'am Israel, cha'aye 'am qataq ca 'aỹa'alaqpi qami' sesoueeguesopa qome na hueta'a na qaỹoqta 'alhua maye qoviita'a da qami' ncoñetegui'she. Qaq 'am 'avi'eguelaxa qome da 'aulactapiguiñi, qataq 'avi'imaqtac nache qaica ca 'am iquichoqchet.

Jeremías 30:10 Referans Kwoze

Oseas 2:18

Qaq que'eca na'a'q, ñeqouaguec qome na Israel le'ecpi, da naỹamaxate' ñaqa'en na shiguiỹacpi maye huauec, qataq na maỹopi, qataq na na'araxanaqpi. Huaña qome nache ñeqateeguesop ne'ena 'alhua, na nchecnecpi, ỹeelonecpi, qataq ca alaataxac, yaqto' ne'ena ỹalamaxatpi nhuo' le'ecpi ỹataqta amata da nmataxac.

Jeremías 29:14

Aja', Aỹem qami' sa'aqta'alo qome da Aỹem qauanachiỹa qataq so'ot da dalaxaic ca qana'achecỹaxaqui: qami' ñeqateeguesopa qome 'enauac na ỹotta'a't shiỹaxauapi qataq 'enauac nam 'alhuapi maye qami' selagaxaaleguete co'ollaxa, qataq qami' llaỹona't nache so'ot da qañe'eguelaqỹa ne'ena 'alhua maye qami' sachegoxotteleguete co'ollaq qami' saue'c. Qaq 'era da ỹa'aqtac Aỹem Nataxala'.›»

Isaías 43:5

Saishet qome da 'añe'etac cha'aye Aỹem 'am soota'aguet. Qaq sachegoxotegue qome da nala' lliguisheguem qataq da nala' lliguiñi da ñe'eguelaxat qataq llaỹona't nam 'am chegoxoguetpi.

Isaías 44:2

Aỹem nachaỹem Nataxala' maye 'am so'ot co'ollaxa, 'am so'ot co'ollaq saxanaxa da 'auañiguiñi, qataq 'am setauaatac. Saishet qome da 'añe'etac 'am Jesurún, maye 'auachegoxoguet so Jacob som ỹamaxashec qataq lleca'aguishec,

Isaías 35:9

Qataq yemaye qaica qome na llonpi, qataq saishet da nhuogoua'a nam laỹepi shiguiỹacpi maye chaqaicpi. Qaq nachenata nam qanca'alaxatecpi maye quetague' qome se'eso nqa'aic.

Juan 12:15

Saishet da qayi'i, qami' maye qoñiitaigui na nỹecpi na Jerusalén; ña 'aulo'oguet na 'Arta'a, 'ena cha'aguet, netalec na 'ashena.

Jeremías 33:16

Qaq que'eca na'a'q, na Judá nca'alec qome, qaq na Jerusalén qalaq qaica qome ca iraxaatapigui'. Qaq 'era qome da le'enaxat da qaiỹaxana: ‹Ñim Nataxala' nacheñi Ñim qarauegaxanaxac.›

Jeremías 23:8

nacherata da ỹan ca la'aqtac, 'eeta': ‹Nca'altauec Ñim Nataxala' maye nqateeguesop co'ollaxa nam chegoxoguetpi so Israel, yem 'alhua maye pa'aigue da sheu', qataq 'enauac nam laỹepi 'alhuapi maye taỹa naqa'en co'ollaxa, da yaqto' ỹe'eguelaxa da hueta'a na maiche lalamaxat na'alhua.›»

Jeremías 23:3

Qaq maiche Aỹem qome da ñe'eguelaxat ana no'onañipi ana ilopi, sachegoxota'a nam 'alhuapi maye taỹa ñaqa'en co'ollaxa, nache llaỹona't qome da ñe'eguelaxata na maiche lquia'aqa' co'ollaxa, yaqto' qalota qome ca llalaqpi.

Jeremías 3:18

Qaq qom ivita que'eca na'a'q, nache ye Judá huaxaiguet qome ye Israel, qaq nache nnaictega't qome da ñe'eguela'q chegoqchiyiña ye 'alhua maye pa'aigue da sheu', da naỹalo nam 'alhua maye sanem co'ollaxa da yaqto' lalamaxat som hua'au qarta'ailpi.

Zacarías 3:10

Qaq qom ivita que'eca na'a'q, nache ñi 'oonolec da qoñeeta ncoyeguene' qome ca lỹa, nache ntootapigui'salo souaxat da l-lagaxaye'c huetro'ot na lpaqal aca lañiguishe uva qataq hiigo. Qaq 'era da la'aqtac Ñim Nataxala' maye Qaica ca Ỹaqalanapec.›»

Ezequiel 38:11

Qataq qonapec qome: Aỹem senoxotaua'a ye 'alhua maye qaica ca lpaqtaxanaxat, yem shiỹaxauapi maye ỹe'emaqtac, qataq qaica ca ñe'etaique qataq 'enauac yem huaqta'a't nỹecpi maye ỹotta'a't naua nañalo, maye qaica ca lpaqtaxat, qataq qaica ca lasom, qataq ca la'araxat.

Ezequiel 16:52

Qaq 'am qalaq iuen da 'anque'etaxangui qome da 'ane'enaguec, cha'aye souaxat da 'auo'ot nam ỹataqta qaiqaiga, saishet da qona'ama soua 'arqaỹa't, qataq 'auo'ot da soomaye 'eeta'am da qaica ca lasouaxashe't. Qaq 'am qalaq 'anque'etaxangui qome da 'ara'agaxa, qataq da 'ane'enaguec, cha'aye 'auo'ot co'ollaxa da 'eco' qaica ca lasouaxashet soua 'arqaỹa't.

Jeremías 30:3

cha'aye anacta ca na'a'q da ñaralaxat da na'achecỹaxac nam ỹalamaxat nhuo' le'ecpi na Israel qataq na Judá. Qaq 'era da ỹa'aqtac Aỹem Nataxala'. Aỹem so'ot qome da ñe'eguelaxa nam 'alhua maye sanem co'ollaxa so lta'alpi da yaqto' lalamaxat ñaqa'en.»

Jeremías 23:6

Qaq qom ñaq do'onataxaatac camaye, nache nca'alec qome na Judá, nataqa'en na Israel qaica qome ca ndaqtaique. Qaq 'era da le'enaxat da qaiỹaxana qome camaye: ‹Ñim Nataxala' nacheñi ñim qarca'alaxaqui.›

Isaías 54:4

Qaq saishet da 'añi'i cha'aye saishet qome da 'am qaỹe'eetac saishet qome da 'am qaisheueetac qataq saishet da huo'o ca 'ancoqtaique. Nacherata da 'acoua'ai da 'arcoxo maye huaigui so 'annogotshec qataq saishet da 'auennatega da 'ane'enaguec co'ollaq 'am pa'ai.

Isaías 46:13

Aỹem so'ot qome da saqaỹaloq da qami' qaisorec da ica'alaqtaxanaxac saishet da qaỹaloqteguet, da ica'alaqtaxanaxac saishet da qaỹoqta. Aỹem sanem qome da lca'alaxa ye Sión, qataq sanem da ỹo'oxoyec na israel le'ecpi

Isaías 46:11

Aỹem, seỹaxana co'ollaxa so ỹale maye chegaqa'ague da nala' lliguisheguem, maye qaỹoqtegue da chegaqa'ague 'eeta'am ca maỹo maye qoỹo lo'o', nache camaye ỹacoolec qome nam llapaxañepi. Qaq 'era da ỹa'aqtac qaq damaye ipacchigui qome ñaqa'en, nam llapaxañepi co'ollaxa qalaq so'ot qome.

Génesis 15:1

Qaq co'ollaq ime de'era, nache Ñim Nataxala' detaxaỹot so Abram, huaigui naqa'en so lauanaqchec, 'eeta': «Abram, saishet da 'añi'i, cha'aye aỹem 'arpaqtaxanaxat. Ca 'ansheetenaguec ỹataqta lta'araic qome.»

Isaías 49:25

Qalaxaye Ñim Nataxala' 'eeta' da la'aqtac: «Ca shiỹaxaua 'añaxaic, ishet da qaiuotaxanec cam loxonec qataq cam qaica ca iren ishet da qaiuotaxanec cam laueguec. Qaq Aỹem sataỹa'aguet qome nam 'am icogaxaatacpi, Aỹem ñeca'alaxatec qome na 'aỹa'alaqpi.

Isaías 14:3

Qami' Israel le'ecpi, qom ivita ca na'a'q da Ñim Nataxala' qami' nmataxaneguesopa da qanque'eenaxaqui, dam qaraquicoqoi qataq da ỹataqta qauem qanlataguiiqui maye qami' qoỹanegueta co'ollaxa,

Isaías 44:1

Ñaq aỹem 'ana'axaỹaxana nagui 'am Israel maye 'auachegoxoguet so Jacob maye ỹamaxashec, qataq lleca'aguishec.

Jeremías 23:4

Qataq sauo'o qome cam ilotague'pi anamayepi da yaqto' ntela'a, qataq yaqto' saishet da huo'o ca ñe'etaique, qataq saishet da huo'o aca deqat anamayepi. Qaq 'era da ỹa'aqtac Aỹem Nataxala'.»

Jeremías 29:11

Cha'aye Aỹem saỹateeta nam llapaqtañepi maye huotaique da qami' so'oteque, nam llapaqtañepi maye no'on qaq saishet da qauem da yaqto' qami' sanema cam ñaq natauo maye nlaqchigui da aquitaxac. Qaq 'era da ỹa'aqtac Aỹem Nataxala'.

Jeremías 30:7

¡Mashe nayeetai' ca na'a'q maye chaqaic, na'a'q maye qaica ca lỹa na'a'q da 'eeta'am! Que'eca na'a'q nache huaigui qome ca lta'araic laquicoxo nam chegoxoguetpi so Jacob, qalaxaye Aỹem ñeca'alaxatec qome namayepi.

Joel 2:21

Qaq 'am 'alhua, 'auamachiguiñi qome, cha'aye ỹataqta lta'araic qome nam ỹo'otpi Ñim Nataxala'.

Isaías 49:12

¡Ñaq qauloỹa! Namayepi chegaqa'a cam ỹataqta qaỹoqta, huo'o na chegaqa'ague da sheu' qataq huo'o na chegaqa'ague da nala' lliguiñi qataq huo'o na chegaqa'a ye 'alhua Asuán.»

Daniel 12:1

Qaq qom ivita ca laloqo' nache nachaxan so Miguel, som 'amaqtaqaic namaxashec piguem le'ec maye mpaxattalec nam 'arhuo' le'ecpi. Qaq que'eca na'a'q huo'o qome ca lta'araic naquicoxo, qaq camaye saỹauanego' da huo'o ca 'eeta'am, chegoqta'a co'ollaq cheta'ague da huo'o 'enauac na ỹotta'a't shiỹaxauapi. Qom ivita que'eca laloqo', nache nca'alec qome 'enauac cam 'arhuo' le'ecpi maye nanettalec ca le'enaxat aca nere.

Oseas 2:20

Huaña nache 'am saroneguet, nache ỹataqta 'am ñalemaqte', huaña qome nache aỹem 'auauatton da Aỹem Nataxala'.

Oseas 6:11

Qaq nataqa'en 'am Judá, mashe sauo'o ye laloxoqui ca 'anhuaxanaguec, qom ivita da ñe'eguelaxaala't nam ỹalamaxat nhuo' Israel le'ecpi.

Miqueas 4:9

Qaq nagui, ¿ta'ainco' da ỹataqta 'ana'alaqtapiguiñi, qoneta'am aca 'alo da deco'otapigui'? ¿Peta'a qaico' ca 'am ilotague' nta'a, qalqo' mashe ileu cam 'auachegoxottacot nam nqataxacpi?