Jeremías 3:9 - La'aqtaqa Ñim Lo'onatac 'Enauacna 2013

⁹ Qaq nache qaica ca lqalaic naqa'en da ỹo'ot damaye, huaña nache nshepaxanaqchet ne'ena 'alhua. Aỹem saỹalaxaguet, nache natameetacot na atamnaxala' coma'pi qataq na 'epaq.

Jeremías 3:9 Referans Kwoze

Jeremías 2:27

Cha'aye naxa da detaxaỹot na 'epaq laỹe nache, 'eeta': ‹'Am maye 'am ita'a›, qataq naxa da detaxaỹot na coma' nache, 'eeta': ‹'Am maye 'am ỹate'e.› Qaq Aỹem qalaq aỹem iro'oguet naxa na l-laq, nache saishet da aỹem ỹamato'ot. Qalaxaye naxa da chochaq cara'acolec da huaigui da lchec, nache aỹem detaxaỹot, 'eeta': ‹¡Ña 'auanac da qomi' 'anca'alaxatrec!›

Jeremías 3:2

Ñaq 'aumeten ana lcomaraxalatepi maye qaica ca ñaxaalec, ¿qaq hua'ague co'ollaxa ca huaña da 'am sanauañe'? 'anso'ootañi qoneto'ot na loigue ca nqa'aic, qoneta'am ca árabe maye netalec ca toolec 'alhua da 'auattaique 'ancachaxauapi. Nache ỹataqta 'anshepaxanaqchet ne'ena 'alhua souaxat da 'arquisheguetaxac qataq na qauem maye 'auo'ottacpi.

Isaías 57:6

'Am Israel, 'am 'anqopita da 'aỹa'anot da 'ayo'oxonnataxanaxac na salleeta coma' maye chegaqangui so la'auaxac, qaq nacheye yemaye da 'aỹa'a da 'arma' qome. Qaq nachena namayepi da 'aucorelec na 'arachetaqtaxanaxat lataxa qataq 'aỹa'anem ana ala na 'añiguishec. Qaq ¿peta'a 'aupi'itaxaatega da samachiguiñi da ime 'enauac de'era?

Jeremías 10:8

'Enauac namayepi qaica ca ỹaỹaten qataq qaica ca laỹaanataxanaxac. ¡Qaica ca napaxaguenataxanaxac da ỹachegoxotaigui nam 'epaqpi!

Jeremías 2:7

Aỹem ñauega co'ollaxa somayepi ne'ena no'on 'alhua, da yaqto' chectac na ala qataq nam ỹataqta no'on maye chegaqaigui namaye. Qalaxaye qami' qauanaqui nache saqauyacñiỹapec ne'ena ña'alhua, qataq qauo'oche da seqaiga ne'ena 'alhua maye ỹalamaxat.

Habacuc 2:19

¡Qaq choxoraxaso' 'am Babilonia maye qonetega naxa ca ne'enaqtac 'epaq da nlouec, qataq ca coma' maye qaicaua caua la'aqtaqa da nachaañi! ¿Peta'a isheto' da dapaxaguenataxa'n caamaye? Cha'aye na'aictaxa da qalapaxalec ca oro qataq ca plata, qalaxaye caamaye qaica cam lca'alaqa'.»

Oseas 4:12

Na ỹalamaxat nhuo' le'ecpi, inattac nam natamnaxala'pi 'epaq, qaq ne'ena 'epaqpi ỹasateguet namayepi nache ỹaueeguet da lquisheguetaxac, qataq ca'ai Ñim Nataxala' souaxat de'era lquisheguetaxac.

Ezequiel 23:10

nache somayepi ỹataqta saiyacnapec asomaye, nache deuotaxanec so llalaqpi, ỹalleppi qataq 'alpi, qataq ỹalauat asomaye irota'a so ỹeelonec. Qaq de'era nhuaxanaguec asomaye, damaye qaivitaqna'aguet na 'alpi.

Ezequiel 16:17

Qataq 'auo'onataxana ana 'ano'otaqtepi maye chegaqaigui na oro qataq na plata maye chochaq 'am saatem co'ollaxa, nache 'auo'ot na 'are'enaqtac lqui'ipi nam ỹalleppi, ime nache 'avio'oxoreetac,

Mateo 5:32

Qalaxaye nagui Aỹem shenapec da ca ỹale ishet da ỹalat aca lhua da huo'otaq huasoilec da lauatapiguiñi' ca lỹa ỹale. Qaq da huo'otaq ỹalat aca lhua da souaxat ca lỹa lataxac, nache camaye nataqa'en huetaigui da lchec da ishet da ỹo'ot que'eca nasouaxashet. Qaq aca'aca 'alo da ỹe'eguelaxalec da huaron, nache acamaye qataq cam dalaxaic lhua qaỹamata'ac da quisheguetaxaiqa.

Jeremías 16:18

Qaq hua'auñi qome da dos ñaqa'en da ỹe'eguelaxalec da isheeten na qauem maye ỹo'otpi, cha'aye nshepaxanaqchet na ña'alhua, souaxat nam nqaigaxat leuaxaicpi natamnaxala'pi, qataq 'enauac nam 'alhua maye sanem co'ollaxa da lalamaxat, huaña naqa'en da ỹo'ot nam ỹataqta seqaiga.»

Ezequiel 23:3

Qaq chegoqchiguiña co'ollaq ña qa'añolel se'esoua dos 'alo, nache nañaareguet da nquisheguetaxac, co'ollaq huaña ye Egipto nache nasheete' da qaipotta'ape naua ltete, qaq huaña nache deqat so nnogotshe'c.

Ezequiel 23:21

nache iuennate da lyacỹaxac co'ollaq ñaq qa'añole, co'ollaq so Egipto le'ecpi, ipotta'ape naua ltete.»

Oseas 2:2

Qaq Ñim Nataxala' 'eeta': ¡Ña qaviraxachiỹo'ot qome aso qarachi'i, cha'aye asomaye saishet da ihua, qataq asomaye saishet da aỹem lhua! ¡Qoñiỹapega da ỹaxaañi da ỹachaxaatac da lquisheguetaxac! ¡Qataq ỹaxaañi da nachaxaatega nam nquisheshaxauapi!

Isaías 57:3

Ña qanquiquiiuo qami' maye qami' llalaqpi da ñi'iyaqnataxanaxac, maye qauachegoqoiguet nam ncachetague' ana sa lhua qataq aca quisheguetaxai:

Joel 1:19

Qaq aỹem 'am seỹaxanot 'Am Nataxala', cha'aye na norec mashe ỹavigaxatta na 'auaqpi maye hualec na toolec 'alhua, qataq nam le'eraxa namaye ỹataqta ỹavigaxatta ana qo'oipaqpi maye hualec na no'onaxa.