Jeremías 3:8 - La'aqtaqa Ñim Lo'onatac 'Enauacna 2013

⁸ qataq nataqa'en ỹauaachigui da Aỹem sheca'ai añim saỹalaq Israel qataq salat añimaye souaxat dam lquisheguetaxac maye ỹo'ottac. Qalaxaye añim saỹalaq Judá maye lqaỹa añi Israel, qaica co'ollaxa ca lcolanaxa, nacherata da nataqa'en añimaye jec, da ỹo'ot da nquisheguetaxac.

Jeremías 3:8 Referans Kwoze

Deuteronómio 24:1

Qaq da huo'o ca ỹale da huaroneguet aca 'alo, qaq da qaỹata'ague da lhua acamaye, nache da huo'o ca sa ỹaỹamaxaren camaye. Nache camaye ishet da ỹauo'o aca lereguishe, lmalate da nalate' acamaye. Qaq da ime, nache ỹanem acamaye qataq ca'ai naqa'en ca lma'.

Oseas 3:4

Cha'aye qaỹoqtrec qome caua na'axa'te da na Israel le'ecpi, qaica ca lta'a, lataxala', qataq qaica ca lachetaqtaxanaxat, qataq aca lca'atoxonaxalatepi qataq qaica ca ltogue lapoxot, qataq ca natamnaxala' na maiche llalaqpi.

Isaías 50:1

Ñim Nataxala', 'eeta': «¡Saishet qome da qaupicheetega da salat na Israel maye 'eeta'am aca qarachi'i, da sheeta'am ca ỹale da ỹalat aca lhua, huo'otaq da qami' seme'n co'ollaxa da yaqto' qami' nlataqa souaxat da huo'o ca hueto'ot aca ỹavigaxaiste! Maye qami' qaime'n co'ollaxa cha'aye huo'o da qarasouaxashichi, na Israel maye 'eeta'am aca qarachi'i qaỹalat co'ollaxa, cha'aye qami' sa qaualaqai.

Ezequiel 23:9

Qaq ỹoqo'oye saneguet so nauonaxauapi Asiria le'ecpi, souaxat da asomaye ỹataqta nqopita,

Ezequiel 16:47

Qaq 'am, nache qoquegue co'ollaxa dam lataxac yeemaye, qataq 'auo'ot nam qauem maye ỹo'ottacpi qataq qaiqaiga. Qaq saishet da 'auamachiguiñi naqa'en de'era, da 'arataxac qalaq ỹataqta napacalec da lataxac yeemaye.

Jeremías 3:1

Ñim Nataxala', 'enapec: «Ca 'oonolec ỹale da nalate' aca lhua, qaq acamaye da mashe nalate' camaye, qaq huaroneguet ca lỹa ỹale, nache ca hua'auchiguiñi lhua, saishet da ỹe'eguelaxa acamaye. ¡Cha'aye damaye ỹo'ot da lta'araic nayeloxo cam hueta'a 'alhua! Qalaxaye 'am Israel, qalota na 'ancachetague' shiỹaxauapi, ¡qaq nagui qalaq 'auauotaique da aỹem 'añe'eguelaxa! Qaq 'era da ỹa'aqtac, Aỹem Nataxala'.

Deuteronómio 24:3

qalaxaye que'eca dalaxaic lhua, da qaltaq ỹo'otan acamaye, nache qaltaq ỹanem aca lereguishe lmalate da nalate' acamaye, ime nache ca'ai naqa'en ca lma'. Qaq da huo'otaq ileu que'eca dalaxaic lhua,

Jeremías 2:19

Dam qauem maye 'auo'ottac nachera qome da 'am iuaxan, qataq da sa 'aualaq nachera da ỹo'ot qome ca 'anhuaxanaguec. Ñaq 'auennataxan qome yaqto' 'aula'a da ỹataqta qauem qataq chem da Aỹem 'aualat, qataq da saishet da huo'o 'anqa'en ca ỹa'amaqchec, Aỹem Nataxala' maye Aỹem 'Anatamnaxala'. Qaq 'era da ỹa'aqtac, Aỹem Nataxala' maye Qaica ca Seqalanapec.

Jeremías 33:24

«¿Saishet peta'a da 'ananoma, da na shiỹaxauapi 'eetega sasaỹamaxare'n ne'enaua dos na nhuo' le'ecpi, Israel qataq Judá, maye Aỹem maiche lleca'agui'she co'ollaxa? ¡Qaq ỹoqo'oye da qailota'a ne'ena ỹalamaxat nhuo' le'ecpi, nache ỹataqta qaiqaiga, qataq saishet da qaỹamata'ac nhuo' le'ecpi!

Ezequiel 16:46

Da sheu' qalaq neta'ague añi 'arqaỹa ỹe, maye nacheye yem huaqta'a't nỹecpi ye Samaria, qataq 'enauac nam salamai' nỹecpiolec maye coleesop yemaye, qaq da taguiñi qalaq neta'ague añi 'arqaỹa na'asa, maye nacheye yem huaqta'a't nỹecpi ye Sodoma, qataq 'enauac nam salamai' nỹecpiolec maye coleesop yemaye.

Ezequiel 16:51

Qalaxaye ye Samaria saishet co'ollaxa da ivi' na 'arasouaxashetpi, cha'aye 'am 'auo'ot co'ollaxa nam ỹactec da qaiqaiga, qaq sa qona'am yemaye. 'Am ỹataqta ỹaguec na 'arasouaxashet, qaq ye Samaria da huetaua'a na 'araỹe nache 'eeta'am da qaica ca lasouaxashet.

2 Crónicas 21:11

Qaq nataqa'en somaye no'oxoosheguem so atamnaqa'pi da qanatamnot so ỹaqa'a atamnaxala'pi, maye huaña aye qasoxonaxapi ye Judá, qaq somaye nacheso som ỹauega da so lma' ye Jerusalén nquisheshigui da la'amqaanataxanaxac, qataq huaỹoxouec naqa'en so lma' ye Judá.

Jeremías 5:7

Qaq Ñim Nataxala', 'enapec: «¿Cam 'eeteco' da ishet da 'am sechoxoren souaxat de'era? Ye nam 'aỹa'alaqpi aỹem ca'ai, nache ỹaatacot da la'aqtac nam saishet da atamnaxala'pi. Aỹem sanem co'ollaxa da saqoue da lquia'axac, qalaxaye namayepi Aỹem saỹalaxaguet, nache imauec da nañaneguet da natameetacot na ỹaqa'a atamnaxala'pi.

Ezequiel 23:44

Qaq nache lauañeto soomaye, 'eeta'am ca lauañi' aca quisheguetaxai. Qaq 'era da 'eetec somayepi da lauañeto soua 'alo maye maicheye ca ỹo'o't, qaq soomaye le'enaxat da Aholá qataq Oholibá.