Jeremías 3:6 - La'aqtaqa Ñim Lo'onatac 'Enauacna 2013

⁶ Qaq huetoiguilo soua na'axa'te co'ollaq nta'a so Josías, da Ñim Nataxala' aỹem 'enapega, 'eeta': «¿'Auauaachigui peta'a dam ỹo'ot yem Israel maye saỹalaq? Jec, da tasheguema ayem qaỹoqotcheguemec lcomaraxalatepi, nache huaña da ỹo'ot da lquisheguetaxac hueto'ot ana qo'oipaqpi maye qalochiguiñi ana lcouepi.

Jeremías 3:6 Referans Kwoze

Ezequiel 23:11

Qaq aso lqaỹa Oholibá ỹauaachigui co'ollaxa de'era, qalaxaye asomaye nache 'ena'am nañaneguet co'ollaxa da lqopiche da quisheguetaxac, nache napactelec aso lqaỹa Aholá.

Ezequiel 20:28

Co'ollaq inoxoneua'a ñaqa'en yem 'alhua maye sachaxanapeguem co'ollaxa da sanem, nache naxa da choche ila'a ana lcomaraxalatepi, ana qo'oipaq maye qalochiguiñi ana lcouepi, nache huaña naxa da ỹauo'o ana lachetaqtaxanaqtepi maye qaỹavigaxatta, qataq ana laỹepi lachetaqtaxanaqtepi maye ỹataqta Aỹem inogoqchet, qataq ỹauo'o na lchenaxanaxat maye ama na laita, qataq icorec na lachetaqtaxanaxat lataxa.

Ezequiel 16:31

Qataq 'enauaque naua loga'te naua nqa'aico qataq na ndaqa'pi da 'ano'oxoosheguem ana nca'atoxonaxalatepi da yaqto' 'avio'oxoren na nqolacpi, qataq da 'anañaneguet da 'anquishestague' namayepi. Qalaxaye 'am, saishet da qoneta'am da lataxac aca quisheguetaxai, cha'aye 'am saishet da 'ansheetela't.

Jeremías 17:2

Na 'aỹa'alaqpi qalaq tachigui lauel naxa ana nca'atoxonaxalatepi qataq ana sa qaishetapec qo'oipaq lamopi, maye hueto'ot na la'a' ana qalochiguiñi ana lcouepi qo'oipaqpi, qataq ana qaỹoqotcheguemec lcomaraxalatepi,

Jeremías 7:24

Qalaxaye saishet da Aỹem ỹalaxaguet qataq saishet da Aỹem qocha'a, nacherata da saỹalaq nache queueegue da qauem lquiyaqteỹaxac. Qaq saishet da aỹem ñe'eguelaxa, nacherata da aỹem ca'ai.

Jeremías 3:8

qataq nataqa'en ỹauaachigui da Aỹem sheca'ai añim saỹalaq Israel qataq salat añimaye souaxat dam lquisheguetaxac maye ỹo'ottac. Qalaxaye añim saỹalaq Judá maye lqaỹa añi Israel, qaica co'ollaxa ca lcolanaxa, nacherata da nataqa'en añimaye jec, da ỹo'ot da nquisheguetaxac.

Isaías 57:7

Qaq añi qasoxonaxa maye qaỹoqotcheguemec, qataq nashecañi nache 'anaña so 'armala', qataq nacheye nataqa'en ye 'asheguema naxa da yaqto' 'aỹa'anema ana 'arachetaqtaxanaqtepi.

1 Reyes 14:23

Cha'aye somayepi nataqa'en nauaxaỹaxaasheguem so natamnaqa'pi, nalec naqa'en aso lcomaraxalatepi, qataq ỹo'ot so le'enaqtacpi maye lqui'ipi aso Aserá, qataq no'oxoosheguem aso natamnaxalate coma' qataq aso 'epaq lamo, no'ot naqa'en aso qo'oipaq late'erai maye qalochiguiñi ana lcouepi.

2 Crónicas 34:1

Qaq so Josías, mashe ivi' soua ocho vi'iye da nachaalataxac co'ollaq ỹacoolec da lo'onataxanaxac, nache ivi' treinta y un vi'iye da lo'onataxanaxac da nta'a, da ilotague' ye Jerusalén.

Jeremías 1:2

Ñim Nataxala' detaxaỹot co'ollaxa so Jeremías, co'ollaq so Josías maye llalec so Amón, mashe ivi' trece vi'iye da lo'onataxanaxac da nta'a ye Judá.

Jeremías 5:11

¡Na Israel qataq na Judá ỹataqta saỹalaq! Qaq 'era da la'aqtac, Ñim Nataxala'.»

Jeremías 11:10

Nache ỹe'eguelaxa da ỹo'ot nam nasouaxashetpi maye ỹo'ot co'ollaxa som hua'au lta'alpi, som saishet co'ollaxa da aỹem ỹalaxaguet, nacherata da quegue nam ỹaqa'a atamnaxala'pi nache ỹo'oxoreetac. Qaq yem Israel qataq ye Judá saipaguelec dam ñaỹamaxataxac maye so'ot co'ollaq ñaỹamaxate' som hua'au lta'alpi.

Jeremías 31:22

¿Chaq laỹo' da 'aỹa'axaañi da 'ateguelo da qoneta'am aca ñale maye isomtapigui'? Aỹem Nataxala' huo'o da dalaxaic so'ot ana'ana 'alhua, aca 'alo maiche nmitaique qome ca ỹale.

Ezequiel 23:4

Qaq aso ỹe le'enaxat Aholá, maye nacheye ye Samaria, qaq aso lqaỹa le'enaxat Oholibá, maye nacheye ye Jerusalén. Qaq Aỹem saronegueta co'ollaxa soomaye, nache huo'o so ỹalaqpi ỹalleppi qataq 'alpi.

Oseas 4:13

Qataq tasheguema na pa'asheguem ana qasoxonaxapi, qataq ana lcomaraxalatepi, da ỹo'ot nam lachetaqtaxanaxatpi, qataq da ỹavigaxat na lchenaxanaxatpi, qataq huo'ot naqa'en na lpaqal ana qo'oipaqpi rooblepi, 'aalamopi qataq ana enciinapi. Qaq ỹoqo'oye ana llalepi ncogagui qome da lquisheguetaxac, qataq ana latelpi lauatapiguiñi' qome nam sa lhuapi.

Oseas 11:7

Ne'ena ỹalamaxat nhuo' le'ecpi ỹataqta lhuennataxa da Aỹem dataỹa'aguet, ỹoqo'oye na'aictaxa da iỹaxaatega da ỹe'enaxat, qalaxaye saishet da ỹoqta 'eesa da Aỹem ỹo'oxoreetac.

Jueces 2:17

Qalaxaye so Israel le'ecpi ñaqaiyeta saishet da ỹoqocha'a se'eso nataxala'pi, nacherata da nañaneguet da natameetacot so ỹaqa'a atamnaxala'pi, nache ca'ai da llecỹaxac som hua'au lta'alpi, maye ỹataqta ỹalaxaleguete co'ollaxa naua lamaxasoxonaxaco Ñim Nataxala', qaq somayepi nache saishet da ilolec da lataxac somayepi.

Salmos 106:39

Nache somayepi maiche na'aqchet ne'ena ỹo'otpi, qataq nquisheshigui nam ỹo'otpi.

Isaías 57:3

Ña qanquiquiiuo qami' maye qami' llalaqpi da ñi'iyaqnataxanaxac, maye qauachegoqoiguet nam ncachetague' ana sa lhua qataq aca quisheguetaxai:

Ezequiel 16:35

Qaq ỹoqo'oye 'ana'axaỹaxaachigui da ỹa'aqtac, 'am quisheguetaxai: