Jeremías 3:24 - La'aqtaqa Ñim Lo'onatac 'Enauacna 2013

²⁴ Chegoqta'a co'ollaq ñaq qomi' nsoxoppi, nache nam ỹo'ot da na'agaxa atamnaxala'pi, nachena nam iqataqchet som la'añaqtegueshec co'ollaxa som qarta'alpi: Aso lalopi qaguetapi qataq so laỹepi na'atetpi qataq so llalaqpi ỹalleppi qataq aso llalepi 'alpi.

Jeremías 3:24 Referans Kwoze

Oseas 9:10

Qaq da la'aqtac Ñim Nataxala', 'eeta': «Co'ollaq selalec na Israel le'ecpi, nache ỹataqta samachiguiñi, sheeta'am ca shiỹaxaua da ilalec aca uva da huaña ca toolec 'alhua. Qataq co'ollaq sela'a so hua'au qarta'ailpi, nache 'eeta'am da sela'a aca la'auaxana ala ana hiigo. Qalaxaye co'ollaq ivita so netaña so Baal Pegor, nache ỹataqta nañaneguet da natameetacot na saq 'en atamnaxala'pi, nache ivira'a da ỹataqta qaiqaiga, 'eeta'am da nqaigaxa nam lauotaxat natamnaxala'pi.

Oseas 10:6

Cha'aye ñim huaca llalec qaỹache qome, qaira'a ye Asiria da yaqto' qoỹanem so ỹataqta 'amaqtaqaic nta'a. Huaña qome, nache nam netaña ye Efraín huo'o da la'aloxo, qataq na Israel le'ecpi huo'o qome da la'aloxo souaxat ñi natamnaxala'.

Oseas 2:8

Qalaxaye acamaye saishet da ỹauattooteguet da nachaỹem da saata'am na trigo, lataxa qataq na aceite, qataq da nachaỹem da nquicapeguec ñaqa'en na plata qataq na oro, maye do'onataxana da ỹo'ot na saq 'en natamnaxala'pi.

Ezequiel 16:63

Qaq qom sapalaxat 'enauac nam 'auo'otpi, nache 'am 'auennate qome nam qauempi maye 'auo'otpi co'ollaxa, nache ỹataqta huo'o da 'ara'agaxa, qataq souaxat da qaica ca qonec, nache saishet qome da qaltaq 'avi'eguelaxa da 'autaqtac. Qaq 'era da ỹa'aqtac, Aỹem Nataxala'.»

Ezequiel 16:61

Qaq qom 'am sanem da 'eeta'am aca 'aỹa'ale aso 'arqaỹa ỹe, qataq aso 'arqaỹa na'asa, qaq na'aictaxa da som qanaỹamaxataxac saishet da Aỹem ỹamaqtalec da so'oteque de'era soomaye, qaq huaña qome nache tachigui 'arhuel som hua'au 'arataxac, nache huo'o da 'ara'agaxa.

Jeremías 11:13

Ye Judá, ỹataqta qalota na natamnaxala'pi, 'eeta'am nam huaqta'a't nỹecpi maye ỹotta'a't naua nañalo, qataq na netaña ye Jerusalén qalota ana nauaxaỹaxaasheguem lca'atoxonaxalatepi maye 'eeta'am ye lcata na nqa'aicpi, da yaqto' ỹanot na lchenaxanaxat so Baal.

Jeremías 8:16

¡Mashe anacta na qampa'aguenaxauapi! ¡Mashe dachemnaxaata'aguet na lalopi caipi, chegoqchiguiña ye Dan! Naxa da nỹen, nache cholaxan na 'alhua. Anac da nlaxaañi ne'ena 'alhua qataq 'enauac nam huetalec namaye, nam huaqta'a't nỹecpi maye ỹotta'a't na nañalo qataq nam hueta'a namayepi.

Jeremías 22:21

Aỹem 'am setaqtecot co'ollaq qouetaigui da qaica ca 'auena'a, qalaxaye 'am saishet da Aỹem 'ana'axaỹaxana. Qaq nache qoneta'ac de'era chegoqta'a co'ollaq saxanaxa da 'am ỹe, da saishet da Aỹem 'aualaxaguet!

Jeremías 44:7

Qaq nagui Aỹem Nataxala' maye Qaica ca Seqalanapec maye Aỹem Natamnaxala' na Israel le'ecpi, sheeta': ¿Ta'ainco' da maiche qanỹoqoitala't dam lta'araic qauem? ¿Ta'ainco' da qauo'ochec da ileu 'enauac na shiỹaxauapi na Judá, ỹelleppi, 'alpi, ñaqpiolec qataq ivira'a na cheta'ague da ñiguiñi, qaq ivira'a da qaica ca no'onañi?

Jeremías 9:18

¡Aja', sanaỹaloxon qome da anac, nache ỹauo'o ca laquicoxo souaxat qomi', qataq ỹo'ot da nlaxaguilo naqa'e'n naua qara'ai'te na qarache' qataq naua qara'ai lapo'ote ipaxaaleguete souaxat da qannoinaxac.

Ezequiel 16:19

Qataq 'aỹa'anot namayepi da 'arachetaqtaxanaqte aso nauole maye 'am sanem co'ollaxa, asom chegaqaigui na ỹataqta no'on trigo, qataq so aceite qataq so dapic lli'i, maye 'am sequia'axaateguec co'ollaxa. Qaq 'era da ỹa'aqtac Aỹem Nataxala'.

Ezequiel 16:20

Qataq nataqa'en 'auaconeua'a so ỹalaqpi ỹalleppi, qataq aso ỹalepi 'alpi co'ollaq 'am seco'on, nache 'aỹa'anot se'eso nqolacpi da 'eco' aloq 'anqa'en somayepi. ¿Qaq peta'a qapio'olec 'anqa'en dam naigui dam 'anquisheshaxac,