Jeremías 3:22 - La'aqtaqa Ñim Lo'onatac 'Enauacna 2013

²² Ñaq Aỹem qañe'eguelaqaỹa qami' ñalaqpi maye saqaualaqai, nache Aỹem ñataren da qarataxaqui maye saỹalaq.» «Qomi' souaqtaina'a, 'am she'eguenaqot, cha'aye nache 'am Nataxala' maye Qanatamnaxala'.

Jeremías 3:22 Referans Kwoze

Oseas 14:1

¡Qami' Israel le'ecpi, qavi'eguelaqaỹa Ñim Nataxala' maye Qanatamnaxala'ai, cha'aye souaxat na qarasouaxashechi nache qoviỹañi!

Oseas 14:4

Da la'aqtac Ñim Nataxala', 'eeta': «Aỹem saỹamaxaañi qome da qauem lataxac namayepi, nache choche sechoxoren, souaxat da sauotec namayepi, cha'aye da ỹayeloxo mashe ca'ai ñaqa'en namayepi.

Zacarías 13:9

Qalaxaye que'eca no'onañipi, tangui qome ñaqa'en ca norec, sequi'itaxat qome, 'eeta'am ñaqa'en da qaiqui'itaxat ca lcat plata, qataq seỹo qome, 'eeta'am ñaqa'en da qaiỹo ca lcat oro. Huaña nache camayepi aỹem natamnot, nache Aỹem sasateguet qome. Qaq seỹaxana qome da ỹalamaxatpi, qaq camayepi da Aỹem iỹaxana qalaq 'eeta': «Ñim Nataxala' nacheñi Ñim Qanatamnaxala'.» Qaq 'era da san ỹa'aqtac Aỹem Nataxala'.

Oseas 13:4

Qaq Ñim Nataxala', 'eeta': Aỹem Nataxala', Aỹem maye Aỹem 'Anatamnaxala', chegoqta'a co'ollaq qonetaña ye Egipto; saishet qome da 'auauo'o ca lỹa 'anatamnaxala', cha'aye qaica ca lỹa 'arca'alaxaqui nachaỹemta.

Oseas 3:5

Qaq qom ime de'era, nache na Israel le'ecpi ñe'eguelaq qome, nache nmitaique Ñim Nataxala' maye Natamnaxala', qataq so David maye lta'a namayepi. Qaq que'ecaua pa'atrec na'axa'te, nache namayepi ỹataqta huo'o naq 'enec naqa'en Ñim Nataxala', qataq da lqouagaxanaqtaic Ñimaye.

Jeremías 30:17

'Am she'eguelaxatem qome da 'arca'alaxa, qataq ñataren na 'arque'emaxapi, qaq na'aictaxa na 'ampa'aguenaxauapi da 'enapec: ‹Na Sión ỹataqta qaỹalat qaica ca qochetega namaye.› Qaq 'era da ỹa'aqtac Aỹem Nataxala'.

Jeremías 31:18

Aỹem sa'aqtega na nhuo' le'ecpi maye chegoxoguet so Efraín, da ỹataqta lta'araic da nachoxonnaxac nache, 'eeta': ‹Aỹem sheeta'am co'ollaxa ca huaca llalec maye saishet da qanayeelec, qalaxaye 'am aỹem qonelec co'ollaxa, 'auo'ot qome da 'Am ñe'eguelaxa, cha'aye nache 'Am Nataxala', maye Ñatamnaxala'.

Cantares 1:4

¡Aỹem 'auauec! ¡Sa ñaỹaloxonaq qome! ¡'Am nta'a, ñaq aỹem 'auauegueua'a ca 'aro'ochaqa'! So'otaq ca qantonaxac da salegaqta'a't. She'eguelaxasoxolec da seuennaqte da 'arauotaxanaqtaic, de'era 'arauotaxanaqtaic maye napacalec da lamaic na lataxa. ¡Mañaxasaco' da ỹataqta 'am nqopita na qa'ampiolec!

Oseas 14:8

Nache na Efraín, 'enapec qome: ¿Ta'ainco' taxa da satapegueua'a nam ne'enaqtac atamnaxala'pi? ¡Cha'aye Aỹem ña'axaỹaxana qataq selo'ogue qome ne'ena ỹalamaxat nhuo' le'ecpi! Nache Aỹem sheeta'am qome ana qo'oipaq pino maye nache 'eetai' da daralata da lo'oxoỹaxac, qaq ne'ena ỹalamaxat nhuo' le'ecpi Aỹem ỹachegoxoto'ot qome da alaỹaxac.»

Jeremías 33:6

Qalaxaye ñataren qome qataq sanem da no'oita, nache so'otec da huetaigui da nlagaxayec qataq da qaica ca ndaqtaique.

Isaías 27:8

Ñim Lo'onatac 'Enauacna iuaxan co'ollaxa nam lalamaxat nhuo' le'ecpi, qataq ỹo'orauec ca'ai naqa'en na na'alhua, ỹo'orauec irolec som ỹataqta chaqaic la'atchiỹaxac Ñimaye, maye 'eeta'am da nasheeresheguem na la'at maye chegaqa'ague da nala' lliguisheguem.

Isaías 1:2

'Am piguem qataq 'am 'alhua, ña qana'axaỹaxañiỹa da la'aqtac Ñim Nataxala' maye, 'eeta': «Aỹem saqchet co'ollaxa so ỹalaqpi, nache seviraxata'a da ỹepi ñaqa'en, qalaxaye somayepi aỹem dataỹa'aguet co'ollaxa.

Isaías 57:17

Qaq souaxat nam qauem lqopitaxanaqtaic na ỹalamaxat nhuo' le'ecpi, nache salemata co'ollaxa qalaq saqaỹauec so ỹalemataic, nache seuaxan co'ollaxa qataq sheca'ai namayepi, qalaxaye namayepi sa ỹalaq co'ollaxa nache quegue na maiche lhuennataxacpi.

Jeremías 3:12

Qojec nagui 'aigue da sheu', nache 'aua'axatec qome de'era ỹa'aqtac, qoneta': ‹Ñim Nataxala', 'enapec: ¡Aỹem 'añe'eguelaxa 'am qauemai Israel! Cha'aye saishet qome da 'am saseyacnapec da 'am saconeguet, qataq saishet da nache queta da 'am senotega, cha'aye Aỹem choxonnataxanaxaic. Qaq 'era da ỹa'aqtac, Aỹem Nataxala'.

Jeremías 4:1

Ñim Nataxala' 'eeta' da la'aqtac: «Da 'auauotaique da 'añe'eguelaq 'am Israel, qaq iuen da nachaỹem da aỹem 'añe'eguelaxa. Da qoca'ai nam nqaigaxat 'anatamnaxala'pi qataq saishet da Ayem qoca'ai,

Ezequiel 33:11

Qalaxaye Aỹem Nataxala', maiche ñañan da san da ỹa'aqtac, da saishet da saỹamaxaren da ileu cam qauemaic, nacherata da naralaxat da lataxac yaqto' nca'alec. 'Am Israel, 'aỹa'axanec de'era qauem 'arataxac maye 'auachetac. Cha'aye ¿ta'ainco' taxa da 'aleu?

Isaías 31:6

Qaq qami' maye qami' llalaqpi so Israel qavi'eguelaqaỹot qome Ñim ỹataqta qaualemataỹai co'ollaxa.

Ezequiel 18:30

Qaq Aỹem ñemit qome ñi 'oonolec da qoñeeta qami' Israel le'ecpi, qaq ipacchigui ñaqa'en cam ỹo'ot ñim 'oonolec. Qaq 'era da ỹa'aqtac Aỹem Nataxala'. Qaq ỹoqo'oye no'on da ỹataqta qoquiỹa'ai qome 'enauac nam qauem, yaqto' da qauem saishet da nachera da qami' ỹasouaxa't da qami' qanlaxaayeñi.

Oseas 14:5

Nache sheeta'am qome ca 'aỹa da talec na Israel le'ecpi, nache namayepi 'eeta'am qome ana lache late'e da huo'o ana lauoxo, qataq ỹataqta ỹa'areñi na lpa'a'pi, 'eeta'am ana cedropi ye Líbano.

Joel 2:12

Qaq nagui da la'aqtac Ñim Nataxala', 'eeta': Ỹataqta imauec qome da qarquiyaqteỹaxaqui da aỹem qañe'eguelaqaỹa, qataq qanqouaqchichi qome, qanỹeñi, qataq qanachoxoreñi qome.