Jeremías 3:21 - La'aqtaqa Ñim Lo'onatac 'Enauacna 2013

²¹ Huo'o da qaỹa'aqtega na'alaxac chemaqtapeguelec aye lcomaraxalatepi maye qaica ca ñaxaalec. ¡Qaq nachena nam Israel le'ecpi, maye nỹeetagui qataq iỹaxaataique da qaichoxoren! cha'aye ca'ai som ỹaỹamaqchiguiñi nqa'aic, qataq aỹem icoua'ai Aỹem Nataxala' qataq Natamnaxala'.

Jeremías 3:21 Referans Kwoze

2 Corintios 7:10

Da Ñim Lo'onatac 'Enauacna da qami' ỹaquicoqche't, nache saishet qome da qoquiitega, cha'aye de'era qaraquicoqoi damaye qami' ỹo'otegueta da qanaralaxache da qarataxaqui qataq qauỹaxañiỹaique da qami' qaichoxore'n qataq qami' qanca'alaxatre'c. Qalaxaye da naquicoxo maye chegaqaigui nam qauem maye huetalec ana 'alhua, nachaqrata maye ishet da dalaataxan.

Jeremías 31:9

Nache natameeta'aguet qataq nỹeeta'aguet qom anacta. Qaq Aỹem queteueegue qome ñaqa'en ca la'auaxac qataq ca nalochiguiñi nqa'aic da yaqto' saishet da depoxolaxaañi. Cha'aye Aỹem lta'a so Israel, qaq so Efraín qalaq nacheso so ỹalec ỹe.

Jeremías 3:2

Ñaq 'aumeten ana lcomaraxalatepi maye qaica ca ñaxaalec, ¿qaq hua'ague co'ollaxa ca huaña da 'am sanauañe'? 'anso'ootañi qoneto'ot na loigue ca nqa'aic, qoneta'am ca árabe maye netalec ca toolec 'alhua da 'auattaique 'ancachaxauapi. Nache ỹataqta 'anshepaxanaqchet ne'ena 'alhua souaxat da 'arquisheguetaxac qataq na qauem maye 'auo'ottacpi.

Jeremías 2:32

¿Aca qa'añole ishet peta'a da icoua'ai aca no'otaqtepi? ¿Qataq aca nauootac peta'a ishet da icoua'ai aca lapoto maye nauoxonaxaqui? Qalaxaye nam ỹalamaxat nhuo' le'ecpi mashe qaỹoqteguelo soua vi'iye da aỹem icoua'ai.»

Isaías 17:10

cha'aye 'aucoua'ai Ñim Lo'onatac 'Enauacna maye 'am nca'alaxatec co'ollaxa, qaq saishet da 'antoonec da nacheñi Ñim qaica ca 'eeta'am 'aye'eguenaxala'. 'Am 'auo'ottac na ỹataqta no'on nanaxanaqa'piolec, qataq 'aỹa'aateguiñi ana nañiguishe da yaqto' 'avio'oxoren som chegaqauec atamnaxala',

Isaías 15:2

Na shiỹaxauapi maye hueta'a ye Dibón, tasheguema ye natamnaqa' maye nalec na pa'asheguem, añi lcomaraxalate da yaqto' nỹen, qaq ye Moab qalaq huo'o da laquicoxo souaxat da qailaxachigui ye Nebo qataq ye Medeba. Nache 'enauac namayepi da namarec na lqaic qataq ana lqa' laue.

Miqueas 3:9

Qaq nagui, ñaq qana'axaỹaxañiỹa de'era na'aqtac, qami' lta'alpi qataq lataxala'pi na Israel le'ecpi, qami' maye qauqaiquiỹa da nalochiguiñi lataxac, qataq qauashaxañeeuec da no'on lataxac,

Oseas 13:6

Qalaxaye co'ollaq mashe ỹaguec na qo'oqoi, nache naua qarquiyaqtelli' nlaxaguilo da qana'amqaanaxaqui, huaña nache Aỹem qaucoviỹa'ai.

Oseas 8:14

Qaq nam Israel le'ecpi, no'oxoosheguem na lma' lta'araicpi, qalaxaye icoua'ai Ñim Lo'onatac da nachaalataxac. Qataq na Judá le'ecpi, qalota na no'oxoosheguem huaqta'a't nỹecpi maye huo'o na lpaqtaxatpi, qalaxaye aỹem, ñamaxa qome ca norec da yaqto' ỹavic ñaqa'en na lma' lta'araicpi.

Ezequiel 23:35

Qaq ỹoqo'oye Aỹem Nataxala', shenapec: «Qaq cha'aye Aỹem 'aucoua'ai, qataq Aỹem 'aỹa'aneguet na 'al-laq, nache 'anque'etaxangui qome da 'anhuaxanaguec souaxat da maiche 'ananoiqueetac da huo'o ye 'auo'ot, qataq nam 'arquisheguetaxacpi.»

Ezequiel 7:16

Qaq na'aictaxa qome da huo'o ca ishet da naneltaxan da tasheguema aye qasoxonaxapi da 'eeta'am ca qoto' da ñi'i, qalaxaye 'enauac qome da ileu, souaxat na lasouaxashetpi.

Proverbios 19:3

Da 'eetec da qaica ca ỹaỹaanapec ca ỹale nachera da ỹo'ot da daqat da nqa'aicỹaxac, ime, nache nmaxalec da lasouaqtac camaye Ñim Lo'onatac 'Enauacna.

Proverbios 10:9

Ca ilotague' da llecỹaxac camaye qaica ca ñe'etaique, qaq ca qauem da llecỹaxac qalaq qauem ca loga't.

Da na'aqtaguec so Job 33:27

Nache ca shiỹaxaua maiche nauattoola't da huo'o da lasouaxashet, nache, 'eeta': «Aỹem huo'o da ỹasouaxashet cha'aye ña'aqchet da ỹaỹamaqchiguiñi nataxac, qalaxaye saishet da qaỹo'ot ca ñeuaxanaguec,

Números 22:32

Qalaxaye so lamaxashec piguem le'ec Ñim Nataxala', 'enapega somaye, 'eeta': ¿Ta'ainco' ye ỹataqta tres da 'avi'eguelaxalec da 'auaxaatac añi 'arelo 'ashena? Ye aỹem nachaỹem sootangui na 'ec da 'am ñeqanaxat, cha'aye sa saỹamaxaren da 'icỹaxac.

Isaías 57:11

Qaq ¿negue't se'eso atamnaxala'pi maye 'añe'etega qataq 'avio'oxoreetac, da yaqto' aỹem qoca'ai qataq imauec da aỹem 'aucoua'ai? Co'ollaq saishet da aỹem 'avio'oxoreetac nache Aỹem choche ñe'emaxat, qataq 'eco' sa sauatonaxan.

Jeremías 7:29

¡'Am Jerusalén, 'auchec qome na 'araue nache 'auasaxauec! ¡Qataq 'auo'on ca no'onec maye choxoraqta, da hualec ana lcomaraxalatepi maye toolec! Cha'aye Ñim Nataxala' mashe dalemataỹa na 'am hueta'a shiỹaxauapi, mashe ca'ai qataq saỹaconeguet.

Jeremías 12:12

Qaq 'enauac ana lcomaraxalatepi yem toolec 'alhua, da naỹa da nalec na qauemaicpi shiỹaxauapi, qalaxaye Aỹem Nataxala', huo'o na ỹainec maye ivira'alo qome naua loga'te ana 'alhua da ilaxachigui, qaq huaña nache qaica qome ca hueto'ot ca nlagaxayec.

Jeremías 13:25

Qaq 'era da 'aỹa'aguet 'am Israel, 'era da iuen da 'am so'otec. Qaq 'era da ỹa'aqtac Aỹem Nataxala'. Cha'aye Aỹem 'aucoua'ai, qataq 'aỹa'anot da 'ara'amaqtenaxanaxac nam saq 'en atamnaxala'pi.

Jeremías 18:15

Qalaxaye na ỹalamaxat nhuo' le'ecpi Aỹem icoua'ai, nache ỹaatacot na saq'en atamnaxala'pi na lchenaxanaxat maye ama na laita, Namayepi iqataqchet so nqa'aic, som nqa'aic maye togoshaapec, nache quetegueto naua saq 'amaqtaq nqa'aico maye saqaỹauatto'n.