Jeremías 3:20 - La'aqtaqa Ñim Lo'onatac 'Enauacna 2013

²⁰ Qalaxaye 'eeta'am aca 'alo da sa ỹalaxaguet ca lhua, qaq nache 'eeteque qami' da saq aỹem qaualaqaiguet. Qaq 'era da ỹa'aqtac Aỹem Nataxala'.

Jeremías 3:20 Referans Kwoze

Isaías 48:8

'Am saishet co'ollaxa da 'aua'aqteguelec namayepi da qaỹa'axattac, qataq saishet da 'auauatton, cha'aye nache 'eetai' naxa da saishet da 'aua'aqa. Qaq Aỹem mashe saỹateetac da saishet da 'aualaq, cha'aye nache chegoqta'a co'ollaq 'auañiguiñi da 'am qailonec da saishet da 'aualaq.

Jeremías 5:11

¡Na Israel qataq na Judá ỹataqta saỹalaq! Qaq 'era da la'aqtac, Ñim Nataxala'.»

Malaquías 2:11

Na Judá le'ecpi, saỹalaxaguet Ñim Lo'onatac 'Enauacna, qataq ỹo'ot nam ỹataqta qaiqaiga da huaña na Jerusalén, maye hueta'a na Israel. Na Judá le'ecpi, qalaq saipaguelec dam qui'itta lataxac añi atamnaxaqui maye lauotaqte Ñim Nataxala', qataq nam ỹalleppi na Judá huaroneguet na 'alpi maye natameetacot na atamnaxala'pi maye saq'en.

Oseas 6:7

Qalaxaye qami', qoñeeta'am so Adán, da saishet da qaupaquiitelec da ñaỹamaxataxac, nache saishet da aỹem qaualaqaiguet.

Oseas 5:7

Qaq souaxat da namayepi ca'ai Ñim Nataxala', qataq na llalaqpi ỹaqa'a na lta'alpi, nache namayepi qataq na na'alhuapi, nlaguiñi qome huaigui ca 'oonolec ca'agoxoic.

Oseas 3:1

Ñim Nataxala' qaltaq aỹem 'enapega, 'eeta': «'Aue qojec, nache 'aỹa'anem da 'arauotaxanaqtaic aca 'alo quisheguetaxai, maye lauatapiguiñi' nam nauochaxauapi. Cha'aye 'era da 'eetec Ñim Nataxala' da ỹauotec na Israel le'ecpi, na'aictaxa da ỹe'eguelaxa da ỹa'amaqteetac na ỹaqa'a atamnaxala'pi, qataq da naman da chectac anam nqaxaỹaqta uvapi maye qoỹanot naxa namayepi.»

Isaías 24:16

Qaq chegoqchiguiña ye loga't ana 'alhua, da sa'axasoqtega qome da no'onaxanaxac, 'eeta': «Huo'o da llo'oxoyec Ñim No'on da lataxac!» Qalaxaye aỹem shenapec: ¡Choxoraicolec aỹem! ¡Ỹataqta aỹem nquigaxatta'a't da ñequi'ic! Nam que'elaqtaxanaxaicpi ỹataqta deque'elaqtaxan.

Jeremías 12:1

'Am Nataxala', dam 'Am ñecotaỹapegue', qalaq 'Am saqỹet naxa da 'eesa cam qonapec, qalaxaye aỹem sauotaique da 'am senat da ta'ainco' da huo'o nam laỹe lataxacpi. ¿Ta'ainco' da qaica ca iuena'a nam qauemaicpi? Qataq ¿ta'ainco' da ỹe'emaqtac nam sa ỹalaq?