Jeremías 3:2 - La'aqtaqa Ñim Lo'onatac 'Enauacna 2013

² Ñaq 'aumeten ana lcomaraxalatepi maye qaica ca ñaxaalec, ¿qaq hua'ague co'ollaxa ca huaña da 'am sanauañe'? 'anso'ootañi qoneto'ot na loigue ca nqa'aic, qoneta'am ca árabe maye netalec ca toolec 'alhua da 'auattaique 'ancachaxauapi. Nache ỹataqta 'anshepaxanaqchet ne'ena 'alhua souaxat da 'arquisheguetaxac qataq na qauem maye 'auo'ottacpi.

Jeremías 3:2 Referans Kwoze

Jeremías 2:20

Mashe qaỹoqteguelo soua vi'iye da aỹem 'auataỹa'aguet co'ollaxa, nache saishet da aỹem 'aualaxaguet. Nache qonapec: Saishet da 'am so'onataxanot. Qaq huaña naxa 'enauac ana qaỹoqotcheguemec 'alhua, qataq na pa'aguiñi ana qo'oipaq maye qalochiguiñi ana lcouepi da qoueta'a naxa da 'anatameetacot na ỹaqa'a atamnaxala'pi.

Jeremías 2:7

Aỹem ñauega co'ollaxa somayepi ne'ena no'on 'alhua, da yaqto' chectac na ala qataq nam ỹataqta no'on maye chegaqaigui namaye. Qalaxaye qami' qauanaqui nache saqauyacñiỹapec ne'ena ña'alhua, qataq qauo'oche da seqaiga ne'ena 'alhua maye ỹalamaxat.

Génesis 38:14

nache asomaye, nqa't soua alogo maye no'otaqa'ate aca pa'ai, qataq ỹauo'o so lapaxalec na lqaic, da yaqto' saishet da qaỹauatton, nache nso'ooñi netaña so ñegueuo ye Enayin, maye hueteua'a na laỹe so nqa'aic maye taỹa'a ye Timnat. Qaq asomaye ỹo'ot de'era, cha'aye ỹaỹaten da mashe ỹe so Selá, qalaxaye somaye saishet da huaroneguet qanqa'en asomaye.

Jeremías 3:1

Ñim Nataxala', 'enapec: «Ca 'oonolec ỹale da nalate' aca lhua, qaq acamaye da mashe nalate' camaye, qaq huaroneguet ca lỹa ỹale, nache ca hua'auchiguiñi lhua, saishet da ỹe'eguelaxa acamaye. ¡Cha'aye damaye ỹo'ot da lta'araic nayeloxo cam hueta'a 'alhua! Qalaxaye 'am Israel, qalota na 'ancachetague' shiỹaxauapi, ¡qaq nagui qalaq 'auauotaique da aỹem 'añe'eguelaxa! Qaq 'era da ỹa'aqtac, Aỹem Nataxala'.

Deuteronómio 12:2

Qaq qanlaxachiiñi qome 'enauac na natamnaqa'pi da natamnot na natamnaxala'pi yi'iye ỹotta'a't shiỹaxauapi, maye qauacoñiỹa qome ye na'alhua: Namayepi huo'o na huaña aye qasoxonaxapi, qataq ye ca'amapega't 'alhuapi, qataq huo'o na neto'ot na la'a't ana qo'oipaqpi maye qalochiguiñi ana lcouepi.

Lucas 16:23

nache taỹa ca nhuaxanaqa' na 'etaxaloxoicpi, huaña, nache ỹataqta ỹaguec da nque'eenaxac. Qaq huaña yemaye, nache ila'a so Abraham ỹataqta sa qaỹoqotcheguema, qataq so Lázaro nso'ootañi huaqta'ai' somaye.

Ezequiel 16:16

Qataq 'auo'onataxana aso 'arpoto da 'auo'ot na 'arpe'lpi 'aỹa'analec ana lcomaraxalatepi da 'avio'oxoren na ỹaqa'a atamnaqa'pi, qataq nache huaña da 'anquishestague' namayepi. Qaq saỹauano' da qaỹauaachigui co'ollaxa ca 'ena'am de'era.

Jeremías 7:29

¡'Am Jerusalén, 'auchec qome na 'araue nache 'auasaxauec! ¡Qataq 'auo'on ca no'onec maye choxoraqta, da hualec ana lcomaraxalatepi maye toolec! Cha'aye Ñim Nataxala' mashe dalemataỹa na 'am hueta'a shiỹaxauapi, mashe ca'ai qataq saỹaconeguet.

Jeremías 3:21

Huo'o da qaỹa'aqtega na'alaxac chemaqtapeguelec aye lcomaraxalatepi maye qaica ca ñaxaalec. ¡Qaq nachena nam Israel le'ecpi, maye nỹeetagui qataq iỹaxaataique da qaichoxoren! cha'aye ca'ai som ỹaỹamaqchiguiñi nqa'aic, qataq aỹem icoua'ai Aỹem Nataxala' qataq Natamnaxala'.

Jeremías 3:9

Qaq nache qaica ca lqalaic naqa'en da ỹo'ot damaye, huaña nache nshepaxanaqchet ne'ena 'alhua. Aỹem saỹalaxaguet, nache natameetacot na atamnaxala' coma'pi qataq na 'epaq.

Jeremías 2:23

¿Qaq ca 'eeteco' da qoneta': ‹Saishet da aỹem nshepaxan qataq saishet da sho'oxoreetac nam atamnaxala'pi maye saq 'en›? Ña 'aulogui da 'arataxac co'ollaq huaña ye ca'amegue, ña 'aumeten 'enauac nam 'auo'otpi, 'am nauanaxanaxa maye saishet da 'anamaañi,

Proverbios 23:28

qataq acamaye 'eeta'am ca cachaxaic da dauanaxaatac, nache ỹo'ot da qalota na ỹalleppi na daqat naqa'en.

Proverbios 7:11

qaq asa'aso 'alo yo'oqta da 'oopai, qataq saq ỹataxalec, qataq da sanamaalec ca lma'

2 Reyes 23:13

Qataq nlaxaañi so atamnaqa'pi maye na'ague da nala' lliguisheguem ye Jerusalén, qataq so pa'aỹa'ague da la'añaxa aso qasoxonaxa maye huaña ana Olivo, som no'oxoosheguem co'ollaxa so Salomón, maye nta'a ye Israel, da yaqto' lalamaxat lma' aso Astarté, asom ỹataqta nqaigaqte natamnaxalate so sidooniopi, qataq so Quemos, som ỹataqta nqaigaxat natamnaxala' so moabiitapi, qataq so Milcón, som ỹataqta nqaigaxat natamnaxala' so amoniitapi.

1 Reyes 11:3

Nache ivi' setecientos aso lhuapi maye llalepi so nta'alpi, qataq trescientos aso ỹaqauga lhuapi asom ỹashaxanec da lquiyaqteỹaxac somaye.

Ezequiel 20:28

Co'ollaq inoxoneua'a ñaqa'en yem 'alhua maye sachaxanapeguem co'ollaxa da sanem, nache naxa da choche ila'a ana lcomaraxalatepi, ana qo'oipaq maye qalochiguiñi ana lcouepi, nache huaña naxa da ỹauo'o ana lachetaqtaxanaqtepi maye qaỹavigaxatta, qataq ana laỹepi lachetaqtaxanaqtepi maye ỹataqta Aỹem inogoqchet, qataq ỹauo'o na lchenaxanaxat maye ama na laita, qataq icorec na lachetaqtaxanaxat lataxa.

Salmos 106:38

Qataq icorec so ntago'q maye qaica ca ỹasouaxat, ltago'q so llalecpi qataq aso llalepi maye ỹavigaxat da ỹanot se'eso natamnaxala'pi na netaña ye Canaán, nache se'eso ntago'q maye qaicorec na'aqchet na 'alhua.

Jeremías 3:13

Nacherata da 'auaỹateeta da huo'o da 'arasouaxashet, qataq 'auataỹa'aguet Ñim Nataxala', maye 'Anatamnaxala', qataq 'auaỹateeta da qoueto'ot naxa na lpaqal camachaqaca qo'oipaq maye qalochiguiñi ana lcouepi, da 'ancachetague' nam ỹaqa'a shiỹaxauapi, qaq saishet da Aỹem 'aualaxaguet. Qaq 'era da ỹa'aqtac Aỹem Nataxala'.›»

Jeremías 12:12

Qaq 'enauac ana lcomaraxalatepi yem toolec 'alhua, da naỹa da nalec na qauemaicpi shiỹaxauapi, qalaxaye Aỹem Nataxala', huo'o na ỹainec maye ivira'alo qome naua loga'te ana 'alhua da ilaxachigui, qaq huaña nache qaica qome ca hueto'ot ca nlagaxayec.

Oseas 2:5

Cha'aye quisheguetaxai aso late'e, nache iqataqchet da llo'oxoyec, souaxat da 'enapec: Aỹem, seca'ategue qome na iquisheguetaxauapi maye ỹo'ot na anoq, ỹaquip, qataq aỹem ỹanem na no'oxonecpi, lino, qataq na coraxatpi, qataq nam ỹotta'a't qanỹomiguipi.