Jeremías 3:18 - La'aqtaqa Ñim Lo'onatac 'Enauacna 2013

¹⁸ Qaq qom ivita que'eca na'a'q, nache ye Judá huaxaiguet qome ye Israel, qaq nache nnaictega't qome da ñe'eguela'q chegoqchiyiña ye 'alhua maye pa'aigue da sheu', da naỹalo nam 'alhua maye sanem co'ollaxa da yaqto' lalamaxat som hua'au qarta'ailpi.

Jeremías 3:18 Referans Kwoze

Jeremías 31:8

Aỹem ñe'eguelaxat qome sachegoxotchiguiña ye 'alhua maye pa'aigue da sheu', qataq llaỹona't qome sachegoxota'a cam pa'atec loga't ana 'alhua. Qaq namayepi nache nnaictague' qome na qanamaicpi qataq na sa da'añiiguelo naua lchel, qataq na 'alpi maye hualaxaipi qataq ana mashe deco'opi, ¡nache qalota qome na ñe'eguelaq!

Amós 9:15

Cha'aye aỹem sanalec qome namayepi na maiche na'alhua co'ollaxa, huaña nache qaica ca ishet da qaltaq anac da ỹauec namayepi. Qaq 'era da la'aqtac Ñim Nataxala' maye Lo'onatac 'Enauacna.

Oseas 1:11

Huaña qome nache lapona't na Judá, qataq na Israel le'ecpi, nache namayepi 'oonolec naqa'en ca lataxala', nache 'enauac na shiỹaxauapi ñe'eguelaxa qome ye Jerusalén. Nache ỹataqta lta'araic qome da la'amaqchec ye Jezreel que'eca na'a'q.

Jeremías 50:4

Ñim Nataxala', 'eeta': «Que'eca na'a'q nache na shiỹaxauapi maye lma' ye Israel qataq ye Judá nỹeeta'aguet qome da anac da Aỹem nmitaique, Aỹem maye Aỹem Lataxala' qataq Natamnaxala'.

Jeremías 23:8

nacherata da ỹan ca la'aqtac, 'eeta': ‹Nca'altauec Ñim Nataxala' maye nqateeguesop co'ollaxa nam chegoxoguetpi so Israel, yem 'alhua maye pa'aigue da sheu', qataq 'enauac nam laỹepi 'alhuapi maye taỹa naqa'en co'ollaxa, da yaqto' ỹe'eguelaxa da hueta'a na maiche lalamaxat na'alhua.›»

Jeremías 16:15

nacherata qome da qoỹeeta': ‹Ñim Nataxala' nca'altauec, ñim nqateeguesop co'ollaxa na Israel le'ecpi ye 'alhua maye pa'aigue da sheu' qataq 'enauac na laỹepi 'alhuapi maye ilagaxaalec co'ollaxa namayepi.› Cha'aye Aỹem qami' she'eguelaxatalo qome ye qana'alhuai yem 'alhua maye sanem co'ollaxa so hua'au qarta'ailpi. Qaq 'era da ỹa'aqtac Aỹem Nataxala'.

Jeremías 3:12

Qojec nagui 'aigue da sheu', nache 'aua'axatec qome de'era ỹa'aqtac, qoneta': ‹Ñim Nataxala', 'enapec: ¡Aỹem 'añe'eguelaxa 'am qauemai Israel! Cha'aye saishet qome da 'am saseyacnapec da 'am saconeguet, qataq saishet da nache queta da 'am senotega, cha'aye Aỹem choxonnataxanaxaic. Qaq 'era da ỹa'aqtac, Aỹem Nataxala'.

Zacarías 10:6

Qaq «Aỹem sa'añaqchet qome nam chegoxoguetpi so Judá, qataq ñeca'alaxatec nam chegoxoguetpi so José. Nache saueca'aguet da she'eguelaxata ye maiche na'alhua. Cha'aye huo'o da ichoxonnataxanaxa namayepi. Nache ỹe'eguelaxa qome, da 'eeta'am da saỹauano' da so'orauec co'ollaxa, qaq cha'aye Aỹem Nataxala', maye Natamnaxala' namayepi, sa'axaỹa qome da natamnaxac.

Oseas 11:12

Na Efraín qalaq aỹem coleesop naqa'en na latenataxanaxacpi, qaq na Israel le'ecpi qalaq aỹem coleesop naqa'en nam saq 'enpi. Qaq na Judá, qalaq ca'ai Ñim Lo'onatac 'Enauacna, qaq nagui ỹataqta ỹalaxaguet nam ỹaqa'a atamnaxala'pi.

Jeremías 50:20

Qaq 'era da ỹa'aqtac Aỹem Nataxala', 'eeta': Que'eca na'a'q nache na Israel le'ecpi qataq na Judá le'ecpi huesoueeguesop qome na lasouaxashetpi, cha'aye Aỹem sechoxoren qome cam ñaq nca'altauec.»

Jeremías 30:3

cha'aye anacta ca na'a'q da ñaralaxat da na'achecỹaxac nam ỹalamaxat nhuo' le'ecpi na Israel qataq na Judá. Qaq 'era da ỹa'aqtac Aỹem Nataxala'. Aỹem so'ot qome da ñe'eguelaxa nam 'alhua maye sanem co'ollaxa so lta'alpi da yaqto' lalamaxat ñaqa'en.»

Jeremías 7:7

qaq huaña nache, Aỹem qami' sa'aqta'alo da qoñiitalec ne'ena 'alhua, nam 'alhua maye sanem co'ollaxa som hua'au qarta'ailpi da yaqto' nache 'eetai' da lalamaxat.

Jeremías 50:5

Denataxaataique qome ca nqa'aic maye taỹa'ague da Sión, ime nache jec da taỹa yemaye nache, 'eeta': ‹Ñeqo'onaxa Ñim Nataxala', nache sauoqo'o ca chochaq tatec qanaỹamaxataxac maye saishet qome da icoua'ai Ñimaye.›

Ezequiel 11:17

Qaq nataqa'en qonapega qome, qoneta': 'Era da la'aqtac Ñim Nataxala', 'eeta': Aỹem ñe'eguelaxat qome namayepi sachegoxotchiguiña nam 'alhuapi, qataq nam ỹotta'a't shiỹaxauapi maye so'ot co'ollaxa da ỹalecta'aguet, nache llaỹona't qome nache sanem ye 'alhua ye Israel.

Zacarías 2:6

Ñim Nataxala' 'eeta', da la'aqtac: «Nache Aỹem maye qami' so'oteque co'ollaxa da qaulaquiilec ana 'alhua. Qalaxaye nagui qami' shenapegalo: ¡Sa qanaỹaloxoñi qome da qoquiỹa'ai ne'ena 'alhua maye pa'aigue da sheu'!

Génesis 12:7

Qaq huaña yemaye, nache Ñim Nataxala' nachaxana so Abram, nache 'enapego', 'eeta': «Ne'ena 'alhua, nachena na sanem qome ca 'am chegoxoguetpi.» Qaq huaña, nache so Abram no'oxoosheguem aso lca'atoxonaxalate da iỹaxanot Ñim Nataxala', cha'aye nache huaña co'ollaxa yemaye da nauane' Ñim Nataxala'.

Isaías 43:5

Saishet qome da 'añe'etac cha'aye Aỹem 'am soota'aguet. Qaq sachegoxotegue qome da nala' lliguisheguem qataq da nala' lliguiñi da ñe'eguelaxat qataq llaỹona't nam 'am chegoxoguetpi.

Isaías 43:6

Shenapega qome na hueta'a ye sheu', sheeta': «'avi'eguelaxat namayepi», qataq shenapega na hueta'a ye taguiñi, sheeta': «Saishet qome da 'anlletañi namayepi. 'Auanacot na ỹalaqpi ỹalleppi qataq ana ỹalepi 'alpi, chegoqchiguiña 'anqa'en yem ỹataqta pa'atec loga't ana 'alhua,

Oseas 2:2

Qaq Ñim Nataxala' 'eeta': ¡Ña qaviraxachiỹo'ot qome aso qarachi'i, cha'aye asomaye saishet da ihua, qataq asomaye saishet da aỹem lhua! ¡Qoñiỹapega da ỹaxaañi da ỹachaxaatac da lquisheguetaxac! ¡Qataq ỹaxaañi da nachaxaatega nam nquisheshaxauapi!