Jeremías 3:15 - La'aqtaqa Ñim Lo'onatac 'Enauacna 2013

¹⁵ Qaq sanem qome cam nataxala'pi maye ỹo'ot cam sheetapeguec, qataq huo'o da laỹaanec qataq da laỹaanataxanaxac da ilo'ogue namayepi.

Jeremías 3:15 Referans Kwoze

Jeremías 23:4

Qataq sauo'o qome cam ilotague'pi anamayepi da yaqto' ntela'a, qataq yaqto' saishet da huo'o ca ñe'etaique, qataq saishet da huo'o aca deqat anamayepi. Qaq 'era da ỹa'aqtac Aỹem Nataxala'.»

Hechos 20:28

Qaq ỹoqo'oye ñi 'oonolec da qoñiita ỹataqta ntel-la't, qataq nataqa'en qarchilliỹa'a 'enauac na 'amqaanataxanaxaicpi maye qami' ipataxagueta So Saqcha'a Na'añaxac Qui'itta da yaqto' qauloỹeegue. Namayepi maiche lalamaxatpi Ñim Lo'onatac 'Enauacna, lsheenaxanaxatpi, lasheue co'ollaxa soua ltago'q so maiche Llalec.

Ezequiel 34:23

Aỹem so'ot qome da ñe'eguelaq so ỹamaxashec David, nache sanem da nachesota da ilo'ogue ana ilopi qaguetapi, qaq somaye nacheso qome so ilo'ogue anamayepi.

Proverbios 10:21

Naua la'aqtaqa ca ỹaanaxanaxaic qalota ca ỹapaxaguen, qaq ca qaica ca ỹaỹaana'a qalaq ilem da qaica ca ỹaỹaanapec.

1 Corintios 2:6

'Eesa da nataqa'en qomi' setaxasoxoiguilo naua na'aqtaqa ỹaanaxanaxaiqa, qalaxaye seuenaq naamaye da sa'aqtaxanaxam nam mashe ỹe da lpi'iỹaxac. Qaq de'era naỹaanec saishet da lma'na, qataq saishet da chegoqo'ot na nta'alpi maye huetalecna, nam taỹa'a da imeuo.

Ezequiel 37:24

Ñi ỹamaxashec David nacheñita qome da nta'a qataq 'oonolec da ilo'ogue 'enauac namayepi, qaq namayepi qome Aỹem ỹalaxaguet, qataq ipacchigui na iqataxacpi qataq na ỹamaxasoxonaxacpi.

Lucas 12:42

Nache So Qarataxala' ỹasateguet somaye 'eeta': –¿Chaq negue't cam namaxashec maye ỹataqta ỹalaq qataq nlotec? Qomye, nacheca cam namaxashec maye ca na'aco' ipataxalec da ilo'ogue ca lma' qataq caua llalqa, qataq iqataxanai' ca nallec.

1 Pedro 2:2

Nachaqrata da qanmichiỹaique 'enauac na no'on maye itauan da saqcha'a qarca'alaqai, 'eeta'am ca nogotolec maye cheta'ague da ñiguiñi da lhuogoxo da nmitta'a na lche' aca late'e. Qaq da nache qoñiitec de'era, nache qami' no'o'n 'amqaanataxanaxaiqa, qaq Ñim Lo'onatac 'Enauacna nache qami' nca'alaxatre'c,

1 Samuel 13:14

Qalaxaye nagui, da 'aro'onataxanaxac da 'am nta'a saishet qome da nache 'eetai'. Ñim Nataxala' nmitaique qome ca shiỹaxaua maye ỹaỹamaxareeta, nache ỹanagui da lataxala' na shiỹaxauapi maye lalamaxatpi Ñimaye, cha'aye 'am sa 'aualaxaguet da lamaxasoxonaxac maye 'am ỹanem co'ollaxa Ñimaye.»

Jeremías 31:10

Qaq qami' ỹotta'a't shiỹaxauapi ñaq qana'axaỹaxañiỹa da la'aqtac Ñim Nataxala', qataq qaua'aqtaxañim nam hueto'ot na qaỹoqta loiguepi: ‹Ñim Nataxala' ilagaxattac co'ollaxa na Israel le'ecpi, qalaxaye qaltaq laỹona't qome nache ilo'ogue namayepi, 'eeta'am ca qagueta lo'o da ilo'ogue aca lalo qaguetapi.›

Ezequiel 34:2

«'Am shiỹaxaua 'aua'axata'a dam talec qome na qagueta lo'opi ye Israel, qoneta': Da la'aqtac Ñim Nataxala', 'eeta': ¡Choxoraxaso' na qagueta lo'opi ye Israel maye maiche ntelteguela't! Qaq anam iuen da ilo'ogue taxa na qagueta lo'opi, nachana ana qaguetapi: