Jeremías 3:13 - La'aqtaqa Ñim Lo'onatac 'Enauacna 2013

¹³ Nacherata da 'auaỹateeta da huo'o da 'arasouaxashet, qataq 'auataỹa'aguet Ñim Nataxala', maye 'Anatamnaxala', qataq 'auaỹateeta da qoueto'ot naxa na lpaqal camachaqaca qo'oipaq maye qalochiguiñi ana lcouepi, da 'ancachetague' nam ỹaqa'a shiỹaxauapi, qaq saishet da Aỹem 'aualaxaguet. Qaq 'era da ỹa'aqtac Aỹem Nataxala'.›»

Jeremías 3:13 Referans Kwoze

Jeremías 3:25

Ñaq ñemanaq qome, cha'aye huo'o da qara'agaxa qataq qomi' nlaqchiguilo da qane'enaguec, cha'aye chegoqta'a co'ollaq ñaq qomi' nsoxoppi, nache ivitta'a nagui da qomi' qataq so qarta'alpi huo'o da qarasouaxashet hueto'ot Ñim Nataxala' maye Qanatamnaxala' cha'aye saishet da salaxasoxoguet.»

Jeremías 3:6

Qaq huetoiguilo soua na'axa'te co'ollaq nta'a so Josías, da Ñim Nataxala' aỹem 'enapega, 'eeta': «¿'Auauaachigui peta'a dam ỹo'ot yem Israel maye saỹalaq? Jec, da tasheguema ayem qaỹoqotcheguemec lcomaraxalatepi, nache huaña da ỹo'ot da lquisheguetaxac hueto'ot ana qo'oipaqpi maye qalochiguiñi ana lcouepi.

Jeremías 2:25

¡'Am Israel saishet qome da qaicaua caua 'arapela'ate cha'aye ishet da 'auque'emaq, qataq saishet da deqaqtegue 'anqa'en na 'arqosot souaxat na 'araquip! Qalaxaye 'am qonapec: ‹'A'i saishet, cha'aye aỹem sauotec nam ỹaqa'api atamnaxala'pi, nache aỹem seca'ategue namayepi.›»

Deuteronómio 12:2

Qaq qanlaxachiiñi qome 'enauac na natamnaqa'pi da natamnot na natamnaxala'pi yi'iye ỹotta'a't shiỹaxauapi, maye qauacoñiỹa qome ye na'alhua: Namayepi huo'o na huaña aye qasoxonaxapi, qataq ye ca'amapega't 'alhuapi, qataq huo'o na neto'ot na la'a't ana qo'oipaqpi maye qalochiguiñi ana lcouepi.

Jeremías 3:2

Ñaq 'aumeten ana lcomaraxalatepi maye qaica ca ñaxaalec, ¿qaq hua'ague co'ollaxa ca huaña da 'am sanauañe'? 'anso'ootañi qoneto'ot na loigue ca nqa'aic, qoneta'am ca árabe maye netalec ca toolec 'alhua da 'auattaique 'ancachaxauapi. Nache ỹataqta 'anshepaxanaqchet ne'ena 'alhua souaxat da 'arquisheguetaxac qataq na qauem maye 'auo'ottacpi.

Jeremías 2:20

Mashe qaỹoqteguelo soua vi'iye da aỹem 'auataỹa'aguet co'ollaxa, nache saishet da aỹem 'aualaxaguet. Nache qonapec: Saishet da 'am so'onataxanot. Qaq huaña naxa 'enauac ana qaỹoqotcheguemec 'alhua, qataq na pa'aguiñi ana qo'oipaq maye qalochiguiñi ana lcouepi da qoueta'a naxa da 'anatameetacot na ỹaqa'a atamnaxala'pi.

Ezequiel 16:15

Qalaxaye 'am 'año'oxoyengui co'ollaxa da na'aqtaguec da 'aryac, nache 'auqopitaxan damaye da 'auacona da 'arquisheguetaxac, nache 'aỹa'anem da 'aro'ocỹaxac 'enauac nam 'anqopita.

Jeremías 14:20

'Am nataxala', qomi' saỹaanaqta dam qauem maye so'otaq qataq nam lasouaxashetpi som hua'au qarta'alpi, qaq huo'o da qarasouaxashet 'am hueto'ot.

Proverbios 28:13

Qaq ca ỹoxotchiguiñi ca lasouaxashet qalaq saishet da no'on da llecỹaxac, qaq ca ỹa'axatta qataq ỹaxanec ca lasouaxashet, camaye ishet da qaichoxoren.

Nehemías 9:2

qataq mashe ime da ca'ai som chegaqauec shiỹaxauapi, nache ỹa'axat so lasouaxashetpi qataq so qauempi maye ỹo'ot co'ollaxa so hua'au lta'alpi.

Isaías 57:5

qataq huaña naxa na la'a' ana rooblepi qataq 'enauac ana qo'oipaqpi maye qalochiguiñi ana lcouepi, da qauo'oche nam qauempi, qataq qaỹa'añeeuo da qarachetaqtaxanaxache na ñaqpiolec da huaña na loigue na la'auaxacpi qataq na lpoxoỹaxapi ana coma'pi.

Jeremías 14:10

Ñim Nataxala', 'eeta' da la'aqtac da detaxaỹa na nhuo' Israel le'ecpi: «Ne'ena nhuo' le'ecpi, ỹataqta lauela da chochaq queta. Qaq ỹoqo'oye sa saỹamaxaren da lataxac namayepi. Qaq nagui, nache seuennate na lasouaxashetpi namayepi, qataq sauo'o ca nhuaxanaguec souaxat namayepi.»

Oseas 5:15

Qaq ime qome, nache she'eguelaxa ye ima', choche ivitta'a qom nauattoola't namayepi da huo'o da lasouaxashet, nache aỹem nmitaique. ¡Qaq qom huetaigui ca lta'araic lhuogoxo, nache aỹem nmittaique qome!

Jeremías 7:24

Qalaxaye saishet da Aỹem ỹalaxaguet qataq saishet da Aỹem qocha'a, nacherata da saỹalaq nache queueegue da qauem lquiyaqteỹaxac. Qaq saishet da aỹem ñe'eguelaxa, nacherata da aỹem ca'ai.

Jeremías 7:26

Qalaxaye qami' saishet da Aỹem qaualaqaiguet qataq saishet da aỹem qauqocheetega, nacherata da ỹapac saqaualaqai, qanapacỹalec som hua'au qarta'ailpi.