Jeremías 3:12 - La'aqtaqa Ñim Lo'onatac 'Enauacna 2013

¹² Qojec nagui 'aigue da sheu', nache 'aua'axatec qome de'era ỹa'aqtac, qoneta': ‹Ñim Nataxala', 'enapec: ¡Aỹem 'añe'eguelaxa 'am qauemai Israel! Cha'aye saishet qome da 'am saseyacnapec da 'am saconeguet, qataq saishet da nache queta da 'am senotega, cha'aye Aỹem choxonnataxanaxaic. Qaq 'era da ỹa'aqtac, Aỹem Nataxala'.

Jeremías 3:12 Referans Kwoze

Ezequiel 33:11

Qalaxaye Aỹem Nataxala', maiche ñañan da san da ỹa'aqtac, da saishet da saỹamaxaren da ileu cam qauemaic, nacherata da naralaxat da lataxac yaqto' nca'alec. 'Am Israel, 'aỹa'axanec de'era qauem 'arataxac maye 'auachetac. Cha'aye ¿ta'ainco' taxa da 'aleu?

Salmos 86:15

Qalaxaye 'Am Nataxala', 'Am Atamnaxala', 'am nhualaxaunaxaic qataq 'am choxonnataxanaxaic.

Jeremías 33:26

saishet da sasaỹamaxaren qome nam chegoxoguetpi so Jacob qataq so David maye ỹamaxashec, qataq saishet da saxaañi da sachegoxotaigui namayepi cam ilo'ogue nam chegoxoguetpi so Abraham, Isaac qataq so Jacob. Cha'aye Aỹem huo'o da ichoxonnataxanaxa namayepi, nache so'ot qome da dalaxaic ca na'achecỹaxac.»

Jeremías 31:20

Na nhuo' le'ecpi maye chegoxoguet so Efraín, namayepi 'eeta'am ca ỹalec ỹauotaxat, ỹalec maye ỹactec da sauotec. Qaq na'aictaxa naxa da ñelaxa qalaxaye saishet da saxanec da seuennatega, da iquiyaqteỹaxac qalaq nỹeetai' qataq ñanomteguet da ichoxonnataxanaxa namayepi. Qaq 'era da ỹa'aqtac Aỹem nataxala'.»

Jeremías 3:22

Ñaq Aỹem qañe'eguelaqaỹa qami' ñalaqpi maye saqaualaqai, nache Aỹem ñataren da qarataxaqui maye saỹalaq.» «Qomi' souaqtaina'a, 'am she'eguenaqot, cha'aye nache 'am Nataxala' maye Qanatamnaxala'.

Jeremías 3:18

Qaq qom ivita que'eca na'a'q, nache ye Judá huaxaiguet qome ye Israel, qaq nache nnaictega't qome da ñe'eguela'q chegoqchiyiña ye 'alhua maye pa'aigue da sheu', da naỹalo nam 'alhua maye sanem co'ollaxa da yaqto' lalamaxat som hua'au qarta'ailpi.

Jeremías 30:11

Aỹem Nataxala', san da ỹa'aqtac da 'am soota'aguet da yaqto' 'am ñeca'alaxatec. Aỹem selaxachigui qome 'enauac nam ỹotta'a't shiỹaxauapi, maye qami' selagaxaaleguete co'ollaxa. Qalaxaye 'am saishet da 'am selagaxachigui qome, nacherata da sauo'o ca 'anhuaxanaguec maye naigui nam 'auo'otpi: qaq saishet da saq sauo'o ca 'anhuaxanaguec.

Jeremías 23:8

nacherata da ỹan ca la'aqtac, 'eeta': ‹Nca'altauec Ñim Nataxala' maye nqateeguesop co'ollaxa nam chegoxoguetpi so Israel, yem 'alhua maye pa'aigue da sheu', qataq 'enauac nam laỹepi 'alhuapi maye taỹa naqa'en co'ollaxa, da yaqto' ỹe'eguelaxa da hueta'a na maiche lalamaxat na'alhua.›»

Jeremías 4:1

Ñim Nataxala' 'eeta' da la'aqtac: «Da 'auauotaique da 'añe'eguelaq 'am Israel, qaq iuen da nachaỹem da aỹem 'añe'eguelaxa. Da qoca'ai nam nqaigaxat 'anatamnaxala'pi qataq saishet da Ayem qoca'ai,

Jeremías 3:5

¿peta'a nache qoqueto'ot da 'aunotac? ¿Peta'a chochaq tatec da 'annogoxonaxac? Qaq co'ollaq ñaq 'autaqtac, nache 'auo'ottac 'enauac nam qauem maye ishet da 'auo'ot.»

Salmos 145:8

Ñim Nataxala' ỹataqta soxoraic qataq choxonnataxanaxaic, hualaxaunaxaic qataq huotaxanaqtaqaic.

Salmos 86:5

Cha'aye 'Am Nataxala', 'am soxoraic qataq choxonnataxanaxaic, qataq lta'araic da 'arauotaxanaqtaic 'enauac na 'am iỹaxaatacot.

2 Reyes 18:1

Qaq co'ollaq mashe ivi' soua tres vi'iye da lo'onataxanaxac so Oseas, som llalec so Elá, som nta'a ye Israel, nache so Ezequías, som llalec so Ajaz, maye nta'a ye Judá, ỹacoolec da lo'onataxanaxac.

2 Reyes 17:23

Nache ivitta'a da Ñim Nataxala', ỹo'orauec co'ollaxa so Israel le'ecpi, nache ipacchigui dam ỹa'axatta'a co'ollaxa, ỹachegoxotchigui so la'aqtaxanaxanecpi maye lamaxashecpi Ñimaye. Qaq 'era da 'eetec da so Israel le'ecpi da noxonec co'ollaxa, nache qaỹauega ye Asiria, nache ivitta'a nagui.

Deuteronómio 30:2

qaq qom qavi'iguelaqaiỹa Ñim Nataxala', qataq da qaumachiỹo'ot da qarquiyaqteỹaxaqui qataq da qanachaalataxaqui, qataq da qaualaqaiguet qataq na qaỹa'alquipi 'enauac ne'ena qami' samaxaleguete nagui,

Oseas 6:1

Ña qauanaqui, nache she'eguelaxasaxa Ñim Nataxala', cha'aye Ñimaye qomi' nlaxatchiyiñi co'ollaxa, qalaxaye ishet da qaltaq qomi' no'oite' naqa'en, qataq qomi' ique'emaqche't, qalaxaye ishet da qaltaq qomi' natare'n.

Ezequiel 39:25

Qaq ỹoqo'oye Aỹem Nataxala', shenapec: «Aỹem nagui sechoxoren 'enauac na nhuo' Israel le'ecpi, nam chegoxoguetpi so Jacob. Aỹem ñaralaxat qome da na'achecỹaxac, da yaqto' samaxalec da ỹo'oxoren da qui'itta ỹe'enaxat.

Jeremías 31:8

Aỹem ñe'eguelaxat qome sachegoxotchiguiña ye 'alhua maye pa'aigue da sheu', qataq llaỹona't qome sachegoxota'a cam pa'atec loga't ana 'alhua. Qaq namayepi nache nnaictague' qome na qanamaicpi qataq na sa da'añiiguelo naua lchel, qataq na 'alpi maye hualaxaipi qataq ana mashe deco'opi, ¡nache qalota qome na ñe'eguelaq!

Jeremías 3:14

Ñim Nataxala', 'eeta' da la'aqtac: «Ñaq aỹem qañe'eguelaqaỹa qami' qauemaicpi ñalaqpi, cha'aye nachaỹem Qarataxala'ai. Ñim 'oonolec nam huaqta'a't nỹecpi maye ỹotta'a't naua nañalo, qalaq 'oonolec qome ñi sacootaua'a da qoñeeta, qataq ñi 'oonolec nam maiche nhuo' le'ecpi, qalaq dos qome ñeua sacootaua'alo, nache ñe'eguelaxata na Sión.

Jeremías 3:7

Qaq Aỹem iuennataxac co'ollaxa da ime 'enauac ne'ena ỹo'ottacpi, nache aỹem ñe'eguelaxa, qalaxaye saishet da ỹo'ot de'era. Qaq añim lqaỹa Judá maye saỹalaq, ỹauaachigui de'era,

Jeremías 3:1

Ñim Nataxala', 'enapec: «Ca 'oonolec ỹale da nalate' aca lhua, qaq acamaye da mashe nalate' camaye, qaq huaroneguet ca lỹa ỹale, nache ca hua'auchiguiñi lhua, saishet da ỹe'eguelaxa acamaye. ¡Cha'aye damaye ỹo'ot da lta'araic nayeloxo cam hueta'a 'alhua! Qalaxaye 'am Israel, qalota na 'ancachetague' shiỹaxauapi, ¡qaq nagui qalaq 'auauotaique da aỹem 'añe'eguelaxa! Qaq 'era da ỹa'aqtac, Aỹem Nataxala'.

Isaías 44:22

Aỹem sapalaxat co'ollaxa nam 'ane'enaxacpi, qataq na 'arasouaxashetpi 'eeta'am ñaqa'en da 'eetec nam lo'oc na piguem da nlagaxatapec. Ñaq Aỹem 'añe'eguelaxa, cha'aye 'am ñeca'alaxatec co'ollaxa.»

Proverbios 28:13

Qaq ca ỹoxotchiguiñi ca lasouaxashet qalaq saishet da no'on da llecỹaxac, qaq ca ỹa'axatta qataq ỹaxanec ca lasouaxashet, camaye ishet da qaichoxoren.

Salmos 103:17

Qalaxaye da lauotaxanaqtaic Ñim Nataxala' chochaq tatec da huetalec nam huo'o naq 'enec naqa'en Ñimaye. Qataq da nalochiguiñi lo'onataxanaxac, nache huetalec qome cam llalaqpi namayepi,

Salmos 103:8

Ñim Nataxala' ỹataqta sa da'angui da lataxac qataq choxonnataxanaxaic, Ñimaye ỹataqta qaỹoqchiguinguit da lalemataic, cha'aye lta'araic da lauotaxanaqtaic.

Salmos 79:5

'Am Nataxala', ¿chaq laguio' da vi'iiguet da 'aralemataic? ¿peta'a chochaq tatec da 'ettaigui da 'arayeloxo da 'eeta'am ca norec?

2 Crónicas 30:9

Cha'aye da qavi'iguelaqaiỹot Ñim Nataxala', nache yem qampa'aguenaxauaipi maye icoñettai' yem qarqaỹaipi qataq ye qaỹa'alquipi, ishet qome da ichoxoren yemayepi, nache ỹasheetec da ñe'eguelaxa ne'ena 'alhua, cha'aye Ñim Nataxala' maye Qanatamnaxala'ai ỹataqta soxoraic, qataq choxonnataxanaxaic, nache saishet da qami' imaqa'agueta da qavi'iguilaqaiỹot Ñimaye.»

2 Reyes 17:6

Qaq co'ollaq mashe ivi' soua nueve vi'iye da lo'onataxanaxac so Oseas, nache so nta'a ye Asiria, loxonec co'ollaxa ye Samaria. Huaña nache ỹauec so Israel le'ecpi, ỹauega ye Asiria, nache ỹanalec ye 'alhua le'enaxat Jalaj, qataq ye Jabor, qataq ye tala Gozán, qataq yem huaqta'a't nỹecpi maye lalamaxat so meedopi.

2 Reyes 15:29

Qaq huetoiguilo se'esoua na'axa'te da so Pecaj nta'a ye Israel, nache nvita yi'iye 'alhua so Tiglat Piléser, maye nta'a ye Asiria, nache loxonec ye Iyón, Abel Betmacá, Yanoja, Cedes, Jazor, Galaad, Galilea, qataq 'enauac ye na'alhua so Neftalí, qataq 'enauac som netalecpi yemaye da loxonec, nache ỹauega ye Asiria.

Génesis 4:7

Da 'auo'ot taxa ca ỹaỹamaqchiguiñi, qaq ishet taxa da 'anamatasheguem. Qalaxaye ye saishet da 'auo'ot, nache dam nasouaxashet mashe naỹamaxattai' da 'am loxonec qome. Qamaq 'am maye ishet taxa da 'oxonec damaye.»

Levítico 26:40

Qalaxaye da qaua'axacheeta ca qarasouaxashichi, qataq ca lasouaxashetpi so qarta'ailpi, qataq da 'eetec da ỹe'eguelaqtalec da Aỹem qauataiỹa'aguet, qataq Aỹem qauatenachichi naxa,

Salmos 103:9

Ñimaye saishet da imerauec naua na'axa'te da qomi' nhuogoqtegalo, qataq saishet da chochaq tatec da layeloxo,

Jeremías 11:6

Qaq huaña nache Ñim Nataxala' aỹem 'enapega 'eeta': 'Aua'axat de'era na'aqtac da huaña nam huaqta'a't nỹecpi maye ỹotta'a't naua nañalo ye Judá, qataq naua nqa'aico ye Jerusalén. Qonapega na shiỹaxauapi, qoneta': «Ñaq qana'axaỹaxañiỹalo naua na'aqtaqa maye huetaiguilo de'era aỹamaxataxac, qaq ime nache qaualaqaileguete.

Jeremías 12:15

Qalaxaye qom mashe ime da ñeqateua'a namayepi, nache qaltaq she'eguelaxa da sechoxoren, nache she'eguelaxata qome nam lalamaxatpi lma'pi qataq na na'alhua.

Lamentaciones 3:22

Dam lauotaxanaqtaic Ñim Nataxala', qaica ca loga't, qataq dam lsoxoyec Ñimaye, saishet da imeuo,

Ezequiel 11:17

Qaq nataqa'en qonapega qome, qoneta': 'Era da la'aqtac Ñim Nataxala', 'eeta': Aỹem ñe'eguelaxat qome namayepi sachegoxotchiguiña nam 'alhuapi, qataq nam ỹotta'a't shiỹaxauapi maye so'ot co'ollaxa da ỹalecta'aguet, nache llaỹona't qome nache sanem ye 'alhua ye Israel.

2 Crónicas 29:10

Qaq ỹoqo'oye nagui huo'o da iuennataxac da ñaỹamaxate' Ñim Nataxala', maye Natamnaxala' na Israel le'ecpi, yaqto' nqateeguesop da layeloxo da shenaqta.

Isaías 31:6

Qaq qami' maye qami' llalaqpi so Israel qavi'eguelaqaỹot qome Ñim ỹataqta qaualemataỹai co'ollaxa.

Jeremías 31:21

'Am Israel 'auauo'o na la'anaxatpi na nqa'aic yaqto' saqalaq da qaltaq 'auanata qome, ñaq 'aumeteeta nam nqa'aic maye qoquetague' co'ollaxa. ¡Ñaq 'añe'eguelaq qome 'am Israel, ñaq 'añe'eguelaxa na 'aralamaxat huaqta'a't nỹecpi!

Zacarías 1:4

Qaq saishet qome, da qaue'enaxache da lataxac so hua'au qarta'ailpi, maye so hua'au na'aqtaxanaxanecpi da'aqtaxanem co'ollaxa da ỹa'aqtac, da yaqto' ỹaxanec da qauem lataxac, qataq nam qauem maye ỹo'ottacpi, qalaxaye somayepi saishet co'ollaxa da Aỹem na'axaỹaxana, qataq saishet da Aỹem ỹalaxaguet. Qaq 'era da ỹa'aqtac Aỹem Nataxala'.