Jeremías 3:11 - La'aqtaqa Ñim Lo'onatac 'Enauacna 2013

¹¹ Qaq Ñim Nataxala' aỹem 'enapega 'eeta': «Añi qauemai Israel añimaye saq 'amaqtaq da lasouaxashet, qaq saq 'ena'am añim saỹalaq Judá.

Jeremías 3:11 Referans Kwoze

Ezequiel 23:11

Qaq aso lqaỹa Oholibá ỹauaachigui co'ollaxa de'era, qalaxaye asomaye nache 'ena'am nañaneguet co'ollaxa da lqopiche da quisheguetaxac, nache napactelec aso lqaỹa Aholá.

Oseas 11:7

Ne'ena ỹalamaxat nhuo' le'ecpi ỹataqta lhuennataxa da Aỹem dataỹa'aguet, ỹoqo'oye na'aictaxa da iỹaxaatega da ỹe'enaxat, qalaxaye saishet da ỹoqta 'eesa da Aỹem ỹo'oxoreetac.

Oseas 4:16

Cha'aye na Israel, 'eeta'am aca huegaqai huaca llale. Qaq ¿peta'a isheto' da ilo'ogue Ñim Nataxala', da 'eeta'am naqa'en ca qagueta llalaqpi da huaña ca no'on 'auaqpisat?

Ezequiel 16:47

Qaq 'am, nache qoquegue co'ollaxa dam lataxac yeemaye, qataq 'auo'ot nam qauem maye ỹo'ottacpi qataq qaiqaiga. Qaq saishet da 'auamachiguiñi naqa'en de'era, da 'arataxac qalaq ỹataqta napacalec da lataxac yeemaye.

Jeremías 3:22

Ñaq Aỹem qañe'eguelaqaỹa qami' ñalaqpi maye saqaualaqai, nache Aỹem ñataren da qarataxaqui maye saỹalaq.» «Qomi' souaqtaina'a, 'am she'eguenaqot, cha'aye nache 'am Nataxala' maye Qanatamnaxala'.

Jeremías 3:8

qataq nataqa'en ỹauaachigui da Aỹem sheca'ai añim saỹalaq Israel qataq salat añimaye souaxat dam lquisheguetaxac maye ỹo'ottac. Qalaxaye añim saỹalaq Judá maye lqaỹa añi Israel, qaica co'ollaxa ca lcolanaxa, nacherata da nataqa'en añimaye jec, da ỹo'ot da nquisheguetaxac.

Jeremías 3:7

Qaq Aỹem iuennataxac co'ollaxa da ime 'enauac ne'ena ỹo'ottacpi, nache aỹem ñe'eguelaxa, qalaxaye saishet da ỹo'ot de'era. Qaq añim lqaỹa Judá maye saỹalaq, ỹauaachigui de'era,

Jeremías 11:10

Nache ỹe'eguelaxa da ỹo'ot nam nasouaxashetpi maye ỹo'ot co'ollaxa som hua'au lta'alpi, som saishet co'ollaxa da aỹem ỹalaxaguet, nacherata da quegue nam ỹaqa'a atamnaxala'pi nache ỹo'oxoreetac. Qaq yem Israel qataq ye Judá saipaguelec dam ñaỹamaxataxac maye so'ot co'ollaq ñaỹamaxate' som hua'au lta'alpi.