Jeremías 3:1 - La'aqtaqa Ñim Lo'onatac 'Enauacna 2013

¹ Ñim Nataxala', 'enapec: «Ca 'oonolec ỹale da nalate' aca lhua, qaq acamaye da mashe nalate' camaye, qaq huaroneguet ca lỹa ỹale, nache ca hua'auchiguiñi lhua, saishet da ỹe'eguelaxa acamaye. ¡Cha'aye damaye ỹo'ot da lta'araic nayeloxo cam hueta'a 'alhua! Qalaxaye 'am Israel, qalota na 'ancachetague' shiỹaxauapi, ¡qaq nagui qalaq 'auauotaique da aỹem 'añe'eguelaxa! Qaq 'era da ỹa'aqtac, Aỹem Nataxala'.

Jeremías 3:1 Referans Kwoze

Ezequiel 16:26

Qataq 'anquishestague' nam 'arhuoreuapi, nam Egipto le'ecpi maye 'añaxaicpi da hue'eguet aca 'alo, nache Aỹem 'aunogoqchet souaxat dam sa vi'iiguet 'arquesheguetaxac.

Jeremías 4:1

Ñim Nataxala' 'eeta' da la'aqtac: «Da 'auauotaique da 'añe'eguelaq 'am Israel, qaq iuen da nachaỹem da aỹem 'añe'eguelaxa. Da qoca'ai nam nqaigaxat 'anatamnaxala'pi qataq saishet da Ayem qoca'ai,

Jeremías 2:20

Mashe qaỹoqteguelo soua vi'iye da aỹem 'auataỹa'aguet co'ollaxa, nache saishet da aỹem 'aualaxaguet. Nache qonapec: Saishet da 'am so'onataxanot. Qaq huaña naxa 'enauac ana qaỹoqotcheguemec 'alhua, qataq na pa'aguiñi ana qo'oipaq maye qalochiguiñi ana lcouepi da qoueta'a naxa da 'anatameetacot na ỹaqa'a atamnaxala'pi.

Zacarías 1:3

Qaq ỹoqo'oye nagui, 'aua'aqtaxanem qome nam ỹalamaxat nhuo' le'ecpi da ỹa'aqtac, 'eeta': Aỹem qañe'eguelaqaỹa qome, nache Aỹem qami' she'eguelaxagueta. Qaq 'era da ỹa'aqtac Aỹem Nataxala'.

Oseas 1:2

Qaq 'ena na chegoqchiguiña da la'aqtac Ñim Nataxala' maye chegoqchigui naqa'en so Oseas, 'eeta': «'Aue qojec, nache 'auaroneguet qome aca 'alo quisheguetaxai, nache huo'oi qome caua 'aỹa'alqa, qaq caamaye nache chegaqaiguilo qome da quisheguetaxac, cha'aye nam netalecpi ne'ena 'alhua Israel ỹataqta nquisheshigui da la'amqaanataxanaxac, nache namayepi ỹataqta ca'ai Ñim Nataxala'.»

Ezequiel 33:11

Qalaxaye Aỹem Nataxala', maiche ñañan da san da ỹa'aqtac, da saishet da saỹamaxaren da ileu cam qauemaic, nacherata da naralaxat da lataxac yaqto' nca'alec. 'Am Israel, 'aỹa'axanec de'era qauem 'arataxac maye 'auachetac. Cha'aye ¿ta'ainco' taxa da 'aleu?

Jeremías 4:14

'Am Jerusalén, ñaq 'auỹoueeguesop na qauem añi 'arquiyaqte, yaqto' 'anca'alec. ¿Chaq laguio', qaq 'axanec na qauem nhuennataxacpi maye huetaigui na 'arqaic?

Jeremías 3:9

Qaq nache qaica ca lqalaic naqa'en da ỹo'ot damaye, huaña nache nshepaxanaqchet ne'ena 'alhua. Aỹem saỹalaxaguet, nache natameetacot na atamnaxala' coma'pi qataq na 'epaq.

Jeremías 2:23

¿Qaq ca 'eeteco' da qoneta': ‹Saishet da aỹem nshepaxan qataq saishet da sho'oxoreetac nam atamnaxala'pi maye saq 'en›? Ña 'aulogui da 'arataxac co'ollaq huaña ye ca'amegue, ña 'aumeten 'enauac nam 'auo'otpi, 'am nauanaxanaxa maye saishet da 'anamaañi,

Jueces 19:2

Qalaxaye asomaye dalemataỹa so lhua, nache jec da ỹe'eguelaxa ye Belén, nache naña ye lma' so lta'a. Qaq co'ollaq mashe inoxoorec soua cuatro ca'agoxoiqa da netaña yemaye,

Miqueas 2:10

Qoñiisheguem qome, nache qoqui, cha'aye ne'ena saishet da mataqa', qaq souaxat nam qauem maye ỹataqta imattalec namaye, nache namaye ỹataqta nlachiguiñi qome.

Jeremías 3:22

Ñaq Aỹem qañe'eguelaqaỹa qami' ñalaqpi maye saqaualaqai, nache Aỹem ñataren da qarataxaqui maye saỹalaq.» «Qomi' souaqtaina'a, 'am she'eguenaqot, cha'aye nache 'am Nataxala' maye Qanatamnaxala'.

Jeremías 2:7

Aỹem ñauega co'ollaxa somayepi ne'ena no'on 'alhua, da yaqto' chectac na ala qataq nam ỹataqta no'on maye chegaqaigui namaye. Qalaxaye qami' qauanaqui nache saqauyacñiỹapec ne'ena ña'alhua, qataq qauo'oche da seqaiga ne'ena 'alhua maye ỹalamaxat.

Isaías 24:5

Ana 'alhua qalaq nlaxagui na qauem souaxat nam netalecpi, cha'aye sa ỹalaxaguet nam lapaqtañi nqataxacpi, qataq saishet da ipaguelec na namaxasoxonaxacpi, qataq sa iyacnapec da chochaq tatec aỹamaxataxac.

Deuteronómio 22:21

nache acamaye qaỹauegueua'a ca lasom ca lma' ca lta'a da yaqto' ca ỹalleppi que'eca huaqta'a't nỹecpi, ỹalauat acamaye irolec ca coma' da ỹasaq, cha'aye ỹo'otec da qauem na Israel qataq ca qauem na'aqtaguec ca lma' ca lta'a. Qaq 'era da 'eetec da qanqacheeua'a 'enauac qome ca qauem maye qami' huetanguilo.

Mateo 5:31

Nataqa'en soua qaỹoqteguelo vi'iye so Moisés 'eeta' da la'aqtac: «Da huo'o ca mashe saishet da huotaique da queta da neta'aguet aca lhua, nache camaye, iuen da ỹo'ot aca lmalate da nalate' acamaye.»

Salmos 106:38

Qataq icorec so ntago'q maye qaica ca ỹasouaxat, ltago'q so llalecpi qataq aso llalepi maye ỹavigaxat da ỹanot se'eso natamnaxala'pi na netaña ye Canaán, nache se'eso ntago'q maye qaicorec na'aqchet na 'alhua.

Jeremías 22:20

«¡'Am Judá, 'asheguema qome añi qasoxonaxa Líbano nache 'aua'alaq! ¡Qataq 'ana'axannec da 'ara'alaxac qom huaña aye qasoxonaxapi ye Basán! ¡'Aua'alaq qom qonetalec añi lcomaraxalate ye Abarín, cha'aye 'enauac na 'ancachaxauapi mashe noxonecpi!

Lamentaciones 1:2

Ye pe qalaq daquicota da nỹeetac, naua lache' qalaq naguinguilo naua lamelque. Qataq 'enauac nam nauochaxauapi, qaica ca 'oonolec da anac da ỹa'añaqchet. Qataq 'enauac nam nauochaxauapi ỹatenachet, nache ỹe'eguelaxa da npa'aguenaxaua namayepi.

Oseas 2:2

Qaq Ñim Nataxala' 'eeta': ¡Ña qaviraxachiỹo'ot qome aso qarachi'i, cha'aye asomaye saishet da ihua, qataq asomaye saishet da aỹem lhua! ¡Qoñiỹapega da ỹaxaañi da ỹachaxaatac da lquisheguetaxac! ¡Qataq ỹaxaañi da nachaxaatega nam nquisheshaxauapi!

Jeremías 31:22

¿Chaq laỹo' da 'aỹa'axaañi da 'ateguelo da qoneta'am aca ñale maye isomtapigui'? Aỹem Nataxala' huo'o da dalaxaic so'ot ana'ana 'alhua, aca 'alo maiche nmitaique qome ca ỹale.

Ezequiel 16:30

Aỹem Nataxala' da ỹa'aqtac, 'eeta': ¡Ỹataqta qauem co'ollaxa dam 'arquiyaqteỹaxac, ye ỹo'oto' 'enauac nam lataxacpi maye ỹo'ottac aca quisheguetaxai maye qaica ca la'agaxa!

Ezequiel 16:35

Qaq ỹoqo'oye 'ana'axaỹaxaachigui da ỹa'aqtac, 'am quisheguetaxai: