Biblia Todo Logo
Bib sou entènèt

- Piblisite -




Jeremías 29:9 - La'aqtaqa Ñim Lo'onatac 'Enauacna 2013

9 Nam ỹa'axattac namayepi maye 'eetega ỹa'aqtaxanaxac namayepi choche natenataxanaxac. Aỹem saishet da ỹamaxashecpi namayepi. Qaq 'era da ỹa'aqtac Aỹem Nataxala'.

Gade chapit la Kopi




Jeremías 29:9
7 Referans Kwoze  

Ñim Nataxala', ỹa'axat da saishet da lamaxashecpi namayepi. Namayepi naxa da da'aqtaxan nache choche datenataxaatapigui da le'enaxat Ñim Nataxala'. Qaq da 'eetec de'era nache Ñim Nataxala' qami' ilagaxata'ape qome, nache qami', qataq na na'aqtaxanaxanecpi maye qami' ỹa'axatema de'era qaullivi qome.»


«'Auamaxa qome ca 'ara'aqtac 'enauac cam qaỹauega co'ollaxa ye Babilonia, da Aỹem Nataxala', 'eeta' da ỹa'aqtac: Qaq cha'aye souaxat ñi Semaías maye lma' ye Nejelán, maye saishet da ỹamaxashec qalaq ñimaye ỹachegoxotchigui naxa da ỹe'enaxat nam qami' ỹa'axattapeguema, qataq ỹo'ot da qanaquitaxaqui maye saq'en.


Cha'aye soomaye ỹo'o't co'ollaxa da ỹataqta qauem da huaña na Israel: ncachetague' ana lhuapi nam lqaỹañecpi, qataq ỹachegoxotchigui da ỹe'enaxat da ỹa'axat nam saq'enpi maye saishet da samaxalec da ỹa'axat. Aỹem saỹateeta damaye, cha'aye sauaachigui. Qaq 'era da ỹa'aqtac Aỹem Nataxala'.»


Qaq saishet qome da qaualaqaitapeeguet ne'ena na'aqtaxanaxanecpi maye qami' 'eetegalo naxa da saishet da qanañañiỹot ñi nta'a ye Babilonia, cha'aye dam qami' ỹa'axatteguema naxa damaye choche shepegaxanaxac.


Ñim Nataxala' maye Qaica ca Ỹaqalanapec Ñim Natamnaxala' na Israel le'ecpi 'eeta' da la'aqtac maye taalec so Ahab maye llalec so Colaías qataq so Sedequías maye llalec so Maseías maye qami' ỹa'axattapeguema nam saq'enpi da 'eetega ỹachegoxotchigui da ỹe'enaxat: Aỹem saneguet qome da lhuaqỹaxac ñi nta'a Nabucodonosor maye lma' ye Babilonia, nache ñimaye qauauañiichigui naqa'en qom ỹalaua't.


Naua lauanaqcheco maye 'am ỹa'axatema co'ollaxa som 'ara'aqtaxanaxanecpi, naamaye ỹataqta 'am ỹatenache't. Cha'aye saishet da 'am ỹachaxanalo naua 'arasouaxashe'ete, da yaqto' 'am 'avita'aguet da 'am qaỹauega ca ỹaqaqa'a 'alhua, nacherata da ỹo'ot da 'aua'amaqte'n naua lauanaqcheco maye saq'e'n.


«Aỹem, saishet co'ollaxa da samaq ne'ena na'aqtaxanaxanecpi, qataq saishet co'ollaxa da setaxaỹot namayepi, qalaxaye namayepi maiche nqalgoqtac da ỹa'axatec da ỹe'enaxat.


Swiv nou:

Piblisite


Piblisite