Jeremías 29:7 - La'aqtaqa Ñim Lo'onatac 'Enauacna 2013

⁷ Qataq qauo'onataxañi da yaqto' qautauañi nam huaqta'a't nỹecpi maye qami' sauegalo co'ollaxa, qataq Aỹem qauỹaxañiỹot da qauỹaxañiilec namaye, cha'aye da l-lagaxayec namaye nache chegoqchigui da qal-lagaxayequi.

Jeremías 29:7 Referans Kwoze

Esdras 6:10

Cha'aye sauotaique da camayepi qom ỹavigaxat ca lachetaqtaxanaxat nache ỹataqta ỹaỹamaxareeta Ñim Lo'onatac 'Enauacna maye neto'ot na piguem, qataq da nqouagaxaueelec da ñachaalataxac qataq na ỹalaqpi.

Daniel 4:27

Qaq ỹoqo'oye 'am nta'a, qoquetegue qome de'era ỹapaxaguenataxanaxac: 'Ano'onaxat qome da 'aro'onataxanaxac, nache saishet da qaltaq 'auauo'o ca 'arasouaxashet, nache tachiguiña 'anqa'en nam qauem maye 'auo'ottac, nache qouapegue' qome da 'autauan na choxoraqpi. Qaq saiuena'a da nachera da chegoqchigui da nache queta da 'anachattaigui da 'arlagaxayec qataq da qaica ca 'auena'a 'am nta'a.»

Esdras 7:23

Qaq 'enauac na damaxasoxoolec Ñim Lo'onatac 'Enauacna da qoỹaneua'a aca atamnaxaqui, nache sa qaỹaỹaloxon qome da qoỹaneuo, yaqto' saishet da huo'o ca talec nhuaxanaguec na ỹalaqpi qataq 'enauac ne'ena selotague'pi.

Romanos 13:1

'Oonolec Ñim Lo'onatac 'Enauacna maye ishet da ỹami' da la'añaxac ca shiỹaxaua, qataq nacheñi Ñim ỹami' da damaxasoxon ca nta'a maye qomi' ilotegueto. Qaq ỹoqo'oye iuen da salaxasoxoguet nam nta'alpi.

Daniel 4:19

Qaq huaña nache so Daniel maye nataqa'en le'enaxat Beltsasar, cara'acolec da na'axaỹaxanañi, qataq icolanaqchet na lhuennataxacpi maye taigui na lqaic. Qalaxaye aỹem nta'a shenapega somaye, sheeta': «'Am Beltsasar saishet qome da ỹapacauec da 'arhuogoxo, souaxat so ichoxonaxac, qataq da 'aua'axat ca naigui somaye. Nache so Beltsasar ỹasat, nache 'eeta': ‹¡Aicoue, ñaq talec qome 'enauac na 'ampa'aguenaxauapi ca naigui som 'archoxonaxac 'am nta'a!›

Romanos 13:5

Qaq ỹoqo'oye qami' iuen da qaualaqaiguet na nta'alpi. Saishet da nachaqrata da qavicheetega ca qanhuaxanaguiiqui, nachaqrata da qami' qauaỹaañi damaye da ỹataqta ỹaỹamaqchiguiñi.

Salmos 122:6

Qaq qaỹaxañiiua'a qome da nlagaxayec na Jerusalén, yaqto' lactapiguiñi 'enauac nam ỹauotec ne'ena Jerusalén.

Jeremías 38:4

Qaq huaña, nache so 'amaqtaqaicpi nataxala'pi detaxaỹot so nta'a, 'eeta': De'era ỹale iuen da qaỹalauat, cha'aye naua la'aqtaqa ỹo'ot da qaica ca la'añaxac nam alleppi qataq nam laỹepi shiỹaxauapi maye ñaq hueta'a ne'ena huaqta'a't nỹecpi. De'era ỹale saishet da nmittaique ca laỹamaxa ne'ena nhuo' le'ecpi, nacherata da ỹasaxalec da qauem.

Ezequiel 11:16

Qaq ỹoqo'oye qonapega qome, qoneta': ‹'Era da la'aqtac Ñim Nataxala': Aỹem ñeqateeguesop co'ollaxa ye na'alhua namayepi, nache selagaxat da yaqto' ỹaleeguet nam ỹotta'a't shiỹaxauapi maye hueta'a na ỹaqa'a 'alhuapi, qalaxaye damaye saqaỹauec ñaqa'en. Qalaxaye nagui nachaỹem da sheeta'am aca natamnaxaqui namayepi da hueta'a nam 'alhuapi maye taỹa co'ollaxa.›