Jeremías 29:11 - La'aqtaqa Ñim Lo'onatac 'Enauacna 2013

¹¹ Cha'aye Aỹem saỹateeta nam llapaqtañepi maye huotaique da qami' so'oteque, nam llapaqtañepi maye no'on qaq saishet da qauem da yaqto' qami' sanema cam ñaq natauo maye nlaqchigui da aquitaxac. Qaq 'era da ỹa'aqtac Aỹem Nataxala'.

Jeremías 29:11 Referans Kwoze

Salmos 33:11

Qalaxaye na 'eetapeguecpi Ñim Nataxala', qalaq nache 'eetai' chochaq tatec.

Miqueas 4:12

Qalaxaye ne'ena ỹotta'a't shiỹaxauapi, sa ỹauatton na lhuennataxacpi Ñim Nataxala', qataq sa ỹaỹaten nam lapaxañipi lataxacpi Ñimaye, nache sa ỹaỹaten da Ñimaye laỹona't qome namayepi, 'eeta'am da laỹona't aca naqta ala na nañiguishecpi da huaña ca nchegoxosoxonqa'.

Salmos 40:5

'Am Nataxala' qataq Ñatamnaxala', ỹataqta qalota na ỹo'ot da na'aalaxa maye 'auo'ot co'ollaxa. Saishet da qaivi' da qanaloqten da 'arauotaxanaqtaic da shenaqta. Qaq huo'o da iyaxa da sa'axatec damaye, qalaxaye saishet da sevi' da sa'axat ye lcata.

Da na'aqtaguec so Job 23:13

Ñimaye da huo'o ca huotaique da ỹo'ot qalaq qaica ca ishet da nqanaxat, cha'aye ca 'eetapeguec da ỹo'ot, qalaq ipacchigui da ỹo'ot.

Lamentaciones 3:26

Qaq ỹataqta no'on da ñe'emaxataq da suetaqa'aguet, Ñim Nataxala' da qomi' nca'alaxatrec.

Oseas 3:5

Qaq qom ime de'era, nache na Israel le'ecpi ñe'eguelaq qome, nache nmitaique Ñim Nataxala' maye Natamnaxala', qataq so David maye lta'a namayepi. Qaq que'ecaua pa'atrec na'axa'te, nache namayepi ỹataqta huo'o naq 'enec naqa'en Ñim Nataxala', qataq da lqouagaxanaqtaic Ñimaye.

Zacarías 1:6

Qalaxaye naua ỹa'aqtaqa, qataq naua ỹamaxasoxonaxaco, maye sanema som ỹamaxashecpi maye ỹa'aqtaxanaxanecpi, iviro'ot co'ollaxa so hua'au qarta'ailpi. Qaq somayepi aỹem ỹe'eguelaxa co'ollaxa, cha'aye ỹaỹateeteguet da Aỹem Nataxala' maye Qaica ca Saqalanapec, sero'oguet co'ollaxa dam naigui da maiche lataxac, qataq nam ỹo'otpi somayepi.»

Jeremías 23:5

Ñim Nataxala', 'enapec: «Anacte' caua na'axa'te maye huaiguilo qome da sauo'o ca nta'a maye chegoxoguet so David, cam nta'a maye no'on da lataxac, qataq camaye do'onataxana qome da nalochiguiñi qataq da no'on lataxac, da hueta'a ne'ena 'alhua.

Jeremías 23:6

Qaq qom ñaq do'onataxaatac camaye, nache nca'alec qome na Judá, nataqa'en na Israel qaica qome ca ndaqtaique. Qaq 'era da le'enaxat da qaiỹaxana qome camaye: ‹Ñim Nataxala' nacheñi ñim qarca'alaxaqui.›

Jeremías 30:9

Nache namayepi Aỹem do'onataxanot qome, Aỹem Lataxala' qataq Natamnaxala' qataq so David, som sanem qome namayepi da lta'a.

Jeremías 30:10

Aỹem Nataxala', 'era da ỹa'aqtac: saishet qome da qayi'i qami' maye qauachegoqoiguet so Jacob som ỹamaxashec, saishet da 'añi'i qome 'am Israel, cha'aye 'am qataq ca 'aỹa'alaqpi qami' sesoueeguesopa qome na hueta'a na qaỹoqta 'alhua maye qoviita'a da qami' ncoñetegui'she. Qaq 'am 'avi'eguelaxa qome da 'aulactapiguiñi, qataq 'avi'imaqtac nache qaica ca 'am iquichoqchet.

Ezequiel 11:16

Qaq ỹoqo'oye qonapega qome, qoneta': ‹'Era da la'aqtac Ñim Nataxala': Aỹem ñeqateeguesop co'ollaxa ye na'alhua namayepi, nache selagaxat da yaqto' ỹaleeguet nam ỹotta'a't shiỹaxauapi maye hueta'a na ỹaqa'a 'alhuapi, qalaxaye damaye saqaỹauec ñaqa'en. Qalaxaye nagui nachaỹem da sheeta'am aca natamnaxaqui namayepi da hueta'a nam 'alhuapi maye taỹa co'ollaxa.›

Zacarías 13:9

Qalaxaye que'eca no'onañipi, tangui qome ñaqa'en ca norec, sequi'itaxat qome, 'eeta'am ñaqa'en da qaiqui'itaxat ca lcat plata, qataq seỹo qome, 'eeta'am ñaqa'en da qaiỹo ca lcat oro. Huaña nache camayepi aỹem natamnot, nache Aỹem sasateguet qome. Qaq seỹaxana qome da ỹalamaxatpi, qaq camayepi da Aỹem iỹaxana qalaq 'eeta': «Ñim Nataxala' nacheñi Ñim Qanatamnaxala'.» Qaq 'era da san ỹa'aqtac Aỹem Nataxala'.

Salmos 85:9

Cha'aye Ñimaye ỹataqta saqaỹapeque da nca'alaxatec na huo'o naq 'enec naqa'en Ñimaye, yaqto' da llo'oxoyec nache 'eetai' da hueta'a ne'ena qana'alhua.

Isaías 27:4

Aỹem saishet da senotac, qalaxaye da huo'o aca ỹaxat qataq ca ato', nache aỹem ashec da selogui', nache ỹataqta imauec da savigaxat.

Jeremías 24:5

«Aỹem, maye Aỹem Nataxala' maye Aỹem Natamnaxala' na Israel le'ecpi, da ỹa'aqtac, 'eeta': 'Eeta'am ñaqa'en aca ỹataqta no'on hiigo da selota'a na nhuo' le'ecpi na Judá, maye ca'ai ñaqa'en co'ollaxa ne'ena 'alhua da samaxa yem na'alhua na caldeopi. Nache ỹataqta saỹamaxareeta qome da selota'a,

Jeremías 33:6

Qalaxaye ñataren qome qataq sanem da no'oita, nache so'otec da huetaigui da nlagaxayec qataq da qaica ca ndaqtaique.