Jeremías 29:1 - La'aqtaqa Ñim Lo'onatac 'Enauacna 2013

¹ 'Ana ana lere so na'aqtaxanaxanec Jeremías maye ỹamaq co'ollaxa chegoqchiguiña ye Jerusalén da taỹa'a naqa'en so nqueroxonecpi maye qaỹauega co'ollaxa ca ỹaqa'a 'alhua qataq so ntaxaỹaxanaxanecpi qataq so na'aqtaxanaxanecpi, qataq 'enauac so nhuo' le'ecpi maye so Nabucodonosor ỹauec co'ollaxa ỹachegoxotchiguiña ye Jerusalén, da ỹauega ye Babilonia.

Jeremías 29:1 Referans Kwoze

Ester 9:20

Qaq so Mardoqueo ỹeyiñi co'ollaxa de'era qanayeuaigui, nache ỹamaxa aso lerepi 'enauac so judiopi maye hueta'a so 'alhuapi maye ilotague' so nta'a Asuero, som saqaỹapeque qataq so qaỹoqtapi,

Hebreos 13:22

Qami' ỹaqaỹa't, saq aloc de'era shiyiñi itaxaỹaxac maye qami' samaxalo da qami' sa'añaqche't. Da qautaxaỹaxañi qalaq qana'añaxacheeguet de'era ỹa'aqtaxanaxac.

Hechos 15:23

Nache soomaye ỹache' qanqa'e'n aso nere maye huetalec da na'aqtac, 'eeta': «Qomi' Jesús lamaxa'she qataq naua qarỹa't lataxala'ate na 'amqaanataxanaxaicpi maye hueta'a na nỹecpi na Jerusalén, qomi' samaxasaxa da qarquinaxanaxac na qarqaỹañicpi maye saishet da judiopi, maye netaña ye Antioquía qataq ye 'alhua Siria qataq ye Cilicia.

2 Corintios 7:8

Aso ỹere maye qami' samaxalo co'ollaxa asomaye ỹataqta qami' ỹaquicoqche't, qalaxaye saishet da huo'o ca ñetogotaxac souaxat da qami' samaxalo asomaye. Qaq na'aictaxa da saỹaten da asomaye qami' ỹaquicoqche't, qalaxaye nataqa'en saỹaten da sa qaỹauec da qaraquicoqoi.

Jeremías 28:4

Qataq nataqa'en so'ot qome da ñe'eguelaxa ne'ena nma', so Jeconías som llalec so Joaquim maye nta'a ye Judá, qataq 'enauac som laỹepi shiỹaxauapi maye qaỹachegoxotchiguiña co'ollaxa na Judá da qaỹaueegue da Babilonia. Aja', Aỹem selaxachigui qome da lo'onataxanaxac ñi nta'a ye Babilonia. Qaq 'era da ỹa'aqtac Aỹem Nataxala'.»

Gálatas 6:11

Ne'ena maiche ỹalamaxat ỹerec. Ña qauloỹa naua ỹeraqa da ỹataqta lta'al.

2 Reyes 24:12

Nache so Joaquín, maye nta'a ye Judá, nataqa'en aso late'e, qataq so ltauapi, lamaxashecpi, qataq so lpe'etpi, nañan co'ollaxa, cha'aye ila'a da mashe loxonecpi so nta'a ye Babilonia. Qaq de'era huetoigui co'ollaq mashe ivi' soua ocho vi'iye da nta'a so Nabucodonosor.

2 Crónicas 36:10

Qaq so nauoxo se'eso vi'i, nache so nta'a Nabucodonosor damaxasoxoolec somaye da qaỹauega ye Babilonia, nache nnaictague' qanqa'en som nogoxoshetpi maye ỹataqta huo'o da lashiichiỹaxac maye lalamaxat aso atamnaxaqui, maye lalamaqte Ñim Nataxala', nache ỹanagui da nta'a ye Judá qataq ye Jerusalén so Sedequías, som lauo' le'ec so Joaquín.

Jeremías 28:17

Nache so na'aqtaxanaxanec Jananías ileu co'ollaxa huetoigui so ca'agoxoic siete se'eso vi'i.

Jeremías 29:8

Aỹem Nataxala' maye Qaica ca Seqalanapec, maye Natamnaxala' na Israel le'ecpi, qami' sevitaqna'alo da 'eeta': Saishet qome da qauaqaita'a da qami' ỹatenache't na na'aqtaxanaxanecpi qataq na ilaviigui ca lỹa maye qami' ỹalectaiguilo, qataq saishet qome da qauqocheetegalo naua lchoxonaxaco namayepi.

Jeremías 29:20

Qaq qaualaqaigueta qome naua ỹa'aqtaqa 'enauac qami', maye qami' ñeqateeguesopa co'ollaxa na Jerusalén da qami' sauegalo ye Babilonia.

Jeremías 51:61

Nache 'enapega so Seraías, 'eeta': «Qom 'avira ye Babilonia, nache ỹataqta 'auaỹamaxatchiguiñi qome da 'autaxaỹaxan ne'ena na'aqtaxanaxac.