Jeremías 28:9 - La'aqtaqa Ñim Lo'onatac 'Enauacna 2013

⁹ Qalaxaye da huo'o ca na'aqtaxanaxanec da ỹa'axata'a ca nlagaxayec, qaq da ipacchigui cam ỹa'axat, nache cheta'ague da qaỹa'amaqten, da nacheñi Ñim Nataxala' da lamaxashec camaye.»

Jeremías 28:9 Referans Kwoze

Deuteronómio 18:22

Qaq que'eca la'aqtaxanaxac que'eca na'aqtaxanaxanec da saishet da ipaigui, nache la'anaxat qome da saishet da nacheñi Ñim Nataxala' da ỹamaxalec da da'aqtaxan camaye. Cha'aye camaye ỹa'aqtaxanaxan da maiche na'amqaanaxac, ỹoqo'oye saishet qome da qayi'iitega camaye.»

Jeremías 6:14

Qataq 'eetega nataren na lque'emaxapi na ỹalamaxat nhuo' le'ecpi, nache 'enapega, 'eeta': ‹Huo'o da qal-lagaxayequi, huo'o da qal-lagaxayequi› Qalaxaye qaica ca l-lagaxayec namayepi.

Jeremías 14:13

Qaq aỹem sasateguet, sheeta': «'Am Nataxala', nam na'aqtaxanaxanecpi da'aqtaxaateguem na nhuo' le'ecpi da qaica qome ca alaataxac qataq ca nqouaxa, qataq da 'am 'aỹa'anem qome namayepi ca chochaq tatec nlagaxayec da hueta'a ne'ena 'alhua.»

Jeremías 8:11

Qataq 'eetega nataren na lque'emaxapi na ỹalamaxat nhuo' le'ecpi, nache 'enapega, 'eeta': «Huo'o da qal-lagaxayequi, huo'o da qal-lagaxayequi» Qalaxaye qaica ca l-lagaxayec namayepi.

Jeremías 4:10

Qaq aỹem shenapec: «¡'Agai, 'Am Nataxala', ta'ainco' da 'auatenachet na shiỹaxauapi na Jerusalén! 'Am 'auachaxanapecot co'ollaxa namayepi da nlagaxayec, qaq nagui qalaq qaỹareeto'ot na lqosot na ỹeelonec.»

Ezequiel 33:33

Qalaxaye 'enauac ne'enapi da ipacchigui qome, qaq qom ipacchigui namayepi, nache namayepi ỹaỹaten qome da 'eesa da huo'o co'ollaxa so na'aqtaxanaxanec da huetaigui namayepi.»

Deuteronómio 18:21

Qaq sa iuena'a da 'eeta' ca qarhuennataqai: ‹¿Ca 'eeteco' da ishet da saỹaanaq ca qaỹa'axattac da saishet da la'aqtac Ñim Nataxala'?›

Isaías 44:26

Qalaxaye naua la'aqtaqa nam ỹamaxashecpi so'ot qome da ipacchiguilo, qataq naua lapaxayiñi nam ỹamaxashecpi so'ot qome da ỹaỹamaqchiyiñi. Aỹem sa'axat da qaltaq ỹe'eguelaxa qome da qanayenalec ye Jerusalén, qataq yem huaqta'a't nỹecpi ye Judá qalaq qaltaq qano'oxoosheguem qome, qataq nam qailaxachigui co'ollaxa yemaye, she'eguelaxata da qanauaxaỹaxaasheguem.