Jeremías 28:4 - La'aqtaqa Ñim Lo'onatac 'Enauacna 2013

⁴ Qataq nataqa'en so'ot qome da ñe'eguelaxa ne'ena nma', so Jeconías som llalec so Joaquim maye nta'a ye Judá, qataq 'enauac som laỹepi shiỹaxauapi maye qaỹachegoxotchiguiña co'ollaxa na Judá da qaỹaueegue da Babilonia. Aja', Aỹem selaxachigui qome da lo'onataxanaxac ñi nta'a ye Babilonia. Qaq 'era da ỹa'aqtac Aỹem Nataxala'.»

Jeremías 28:4 Referans Kwoze

Jeremías 22:24

Ñim Nataxala' 'enapega so Jeconías, som llalec so Joaquim, maye nta'a ye Judá 'eeta': «Aỹem san da ỹa'aqtac, da na'aictaxa da 'am qoneta'am aca chiguishaqte na'anaxanaqte, da netagui na aỹoic ihuaq, qalaxaye nache 'ena'am 'am ñeqat,

Jeremías 28:2

Ñim Nataxala' maye Qaica ca Ỹaqalanapec, maye Natamnaxala' na Israel le'ecpi, 'eeta': «Aỹem selaxachigui qome da lo'onataxanaxac ñi nta'a ye Babilonia, nache

Jeremías 24:1

Qaq so Nabucodonosor maye nta'a ye Babilonia, co'ollaq ime da ỹauec so Jeconías, som llalec so Joaquim maye nta'a ye Judá, lỹatec naqa'en so nataxala'pi ye Judá, qataq som ỹaỹatenpi da ỹo'ot na le'enaqtac, qataq so lcat lo'opi, nache Ñim Nataxala', aỹem ỹachaxanalo soua dos no'oxonal maye huetanguilo aso hiigopi, qaq soomaye netraña ye naloteuga añi atamnaxaqui.

Nahúm 1:13

Nache 'am ñeqateeguesop dam qapa'atta 'anque'eenaxac maye 'am huetalec, qataq sechiigui nam 'ancoñetaxat lcatpi».

Jeremías 30:8

Aỹem Nataxala' maye Qaica ca Seqalanapec, 'era da ỹa'aqtac: sesoueeguesop qome na ỹalamaxat nhuo' le'ecpi da ncoñetaguec, nache saishet qome da ỹe'eguelaxa da l-latacpi nam shiỹaxauapi maye ỹaqa'a ca chegaqa'ague.

Jeremías 28:10

Qaq huaña nache so Jananías, nqat so 'epaq nauegaxanaxaqui maye hueto'ot na lqosot so Jeremías, nache ỹacagaxachigui,

Jeremías 24:5

«Aỹem, maye Aỹem Nataxala' maye Aỹem Natamnaxala' na Israel le'ecpi, da ỹa'aqtac, 'eeta': 'Eeta'am ñaqa'en aca ỹataqta no'on hiigo da selota'a na nhuo' le'ecpi na Judá, maye ca'ai ñaqa'en co'ollaxa ne'ena 'alhua da samaxa yem na'alhua na caldeopi. Nache ỹataqta saỹamaxareeta qome da selota'a,

Jeremías 22:10

Saishet da qanỹeñiilec ye nta'a Josías; qataq saishet da qanỹeñiilec da l-leuaxa, maye nacherata da qanỹeñiilec som llalec Salún, cha'aye jec qaq saishet qome da qaltaq da ñe'eguelaq, nache saishet qome da nauane' yem 'alhua maye lañoqo'.

Jeremías 2:20

Mashe qaỹoqteguelo soua vi'iye da aỹem 'auataỹa'aguet co'ollaxa, nache saishet da aỹem 'aualaxaguet. Nache qonapec: Saishet da 'am so'onataxanot. Qaq huaña naxa 'enauac ana qaỹoqotcheguemec 'alhua, qataq na pa'aguiñi ana qo'oipaq maye qalochiguiñi ana lcouepi da qoueta'a naxa da 'anatameetacot na ỹaqa'a atamnaxala'pi.

Isaías 9:4

Cha'aye 'Am 'anqateeguesop da nlataguec maye ipataqtañi co'ollaxa na nhuo' le'ecpi, qataq da ncogaxanataguec maye ỹo'ot da laquicoxo, qataq da namaxasaguec maye sa ndaxaasheguem, 'eeta'am da 'eetec co'ollaq 'aulaxachigui ye Madián.

Génesis 27:40

Qataq 'auo'ogoxona qome ca 'ainec da 'ampaxaalec da 'anachaalaxataxac, qataq 'am lamaxashec qome so 'arqaỹa, qalaxaye qom ivita da 'aua'añi, nache 'ansoueguesop somaye.»

Jeremías 27:8

Qaq da huo'otaq huo'o ca ỹotta'a't shiỹaxauapi, huo'otaq nta'alpi da saishet nañanot ñi Nabucodonosor, nache Aỹem sauo'o qome ca nhuaxanaguec serolec ca alaataxac, nqouaxa qataq napiina, nache choche ivitta'a da nañaneguet da lamaxasoxonaxac ñi Nabucodonosor. Qaq 'era da ỹa'aqtac Aỹem Nataxala'.

Levítico 26:13

Qaq 'era da ỹa'aqtac, Aỹem Nataxala' maye Qanatamnaxala'ai maye qami' ñeqateeguesopa co'ollaxa ye Egipto da yaqto' saishet da nache 'eetai' da qami' l-lataqa yemayepi. Qataq qami' ñeqateeguesopa da qapa'atta qanlataguiiqui, nache huaỹoxootegue ñaqa'en da qarqauaxaqui.

2 Reyes 24:14

Ime nache imatta da ỹauec so shiỹaxauapi maye lma' ye Jerusalén, 'enauac so 'amaqtaqaicpi, qataq so ỹataqta 'añaxaicpi alleppi, qataq som sa nqalaate' da huo'o na ỹo'otpi, qataq so lcat lo'opi, nache ivi' diez mil so noxonecpi. Nache nda'a't som choxoraqpi da no'onalec se'eso 'alhua.

Jeremías 13:19

Na huaqta'a't nỹecpi maye ỹotta'a't naua nañalo ye Néguev mashe qaicoleesop, nache qaica ca ishet da taua'a yemaye. Qaq 'enauac na lma' ye Judá mashe qaỹauec da qaicoñe'.

Jeremías 29:1

'Ana ana lere so na'aqtaxanaxanec Jeremías maye ỹamaq co'ollaxa chegoqchiguiña ye Jerusalén da taỹa'a naqa'en so nqueroxonecpi maye qaỹauega co'ollaxa ca ỹaqa'a 'alhua qataq so ntaxaỹaxanaxanecpi qataq so na'aqtaxanaxanecpi, qataq 'enauac so nhuo' le'ecpi maye so Nabucodonosor ỹauec co'ollaxa ỹachegoxotchiguiña ye Jerusalén, da ỹauega ye Babilonia.

Jeremías 29:2

Qaq de'era huetoigui co'ollaq ime da so nta'a Jeconías ca'ai ye Jerusalén lỹatec aso nate'e, qataq so ilotague' so nma' lta'araic, qataq so nataxala'pi ye Judá qataq ye Jerusalén, nataqa'en so ne'enaqtac lo'opi, qataq so lcat lo'opi.