Jeremías 28:3 - La'aqtaqa Ñim Lo'onatac 'Enauacna 2013

³ qom ivi' caua dos vi'iye, nache so'ot qome da qañe'eguelaxata ne'ena nma', 'enauac som nhuenecpi maye lalamaxat añi atamnaxaqui, maye ñi nta'a Nabucodonosor iro'ogue co'ollaxa da Babilonia.

Jeremías 28:3 Referans Kwoze

2 Reyes 24:13

Qaq ime co'ollaxa, nache so Nabucodonosor ỹacona 'enauac so nogoxoshetpi maye huetaigui aso atamnaxaqui maye lalamaqte Ñim Nataxala', qataq so netaiguipi so nma' lta'araic maye lo'onataxanaqa' so nta'a. Qaq nache ipacchigui da la'aqtac co'ollaxa Ñim Nataxala', da somaye ilaxachigui 'enauac som nogoxoshetpi oro, maye lo'onatacpi co'ollaxa so Salomón, maye nta'a ye Israel, da yaqto' ỹanaigui aso atamnaxaqui maye lalamaqte Ñim Nataxala'.

Daniel 1:2

Qaq Ñim Nataxala' ỹanem so Nabucodonosor, da loxonec so Joaquim, qataq da deuotaxanec so qalota nhuenecpi aso atamnaxaqui maye lalamaqte Ñim Lo'onatac 'Enauacna. Nache so Nabucodonosor, ỹauec so lcoñeteguishecpi ỹauega ye Babilonia, qaq se'eso nhuenecpi maye saqaishetapec, qalaq ỹachaigui co'ollaxa aso laỹe' na logoxoshetpi aso atamnaxaqui maye netaigui som natamnaxala'pi somaye,

2 Crónicas 36:10

Qaq so nauoxo se'eso vi'i, nache so nta'a Nabucodonosor damaxasoxoolec somaye da qaỹauega ye Babilonia, nache nnaictague' qanqa'en som nogoxoshetpi maye ỹataqta huo'o da lashiichiỹaxac maye lalamaxat aso atamnaxaqui, maye lalamaqte Ñim Nataxala', nache ỹanagui da nta'a ye Judá qataq ye Jerusalén so Sedequías, som lauo' le'ec so Joaquín.

Salmos 90:10

Da qanachaalataxac qalaq ivi' naua setenta vi'iye. Qaq na ỹoqta 'añaxaicpi qalaq ivi't naua ochenta vi'iye, qalaxaye da ño'oxonnaxac ca shiỹaxaua da qaỹoqtec da nachaalataxac, damaye ỹataqta qapa'atta qataq ỹauo'o da ndaxac qataq da no'onataxanaxac. Naua vi'iye sa qaỹaloq da imereuo, nache 'eeta'ama qomi'.

Génesis 47:28

Qaq so Jacob ivi' co'ollaxa soua diecisiete vi'iye da netaña ye Egipto, qaq da ima'a't soua vi'iye da nachaalataxac, nache ivi' soua ciento cuarenta y siete vi'iye.

Génesis 47:9

Nache so Jacob 'enapeco': «Qomye mashe sevi' naua ciento treinta vi'iye da choche secoleetac. Qaq saq 'amaqta'q qataq qauema soua vi'iye maye sootaiguilo, qaq saxanaxa da sevi' soua vi'iye maye ivi' co'ollaxa da nachaalataxac som hua'au ita'alpi.»

2 Crónicas 36:7

Qaq so Nabucodonosor nataqa'en huo'o so ỹache, ira'a ye Babilonia, som logoxoshetpi aso atamnaxaqui maye lalamaqte Ñim Nataxala', nache ỹachaigui aso natamnaxaqui somaye maye naña ye Babilonia.