Jeremías 28:16 - La'aqtaqa Ñim Lo'onatac 'Enauacna 2013

¹⁶ Qaq ỹoqo'oye Ñim Nataxala', 'eeta': ‹Aja', Aỹem 'am samaq, qalaxaye 'am samaq da yaqto' 'am sapalaxat ana'ana 'alhua. Qaq nachena ne'ena vi'i, nache 'am 'aleu, cha'aye 'auo'otec ne'ena shiỹaxauapi da Aỹem dataỹa'aguet.›»

Jeremías 28:16 Referans Kwoze

Jeremías 29:32

Qaq Aỹem Nataxala', shenapec, sauo'o qome ca nhuaxanaguec ñi Semaías, qataq cam chegoxoguetpi ñimaye. Ñimaye qaica qome ca llalaqpi da ỹalectaigui nam ỹalamaxat nhuo' le'ecpi, qataq saishet qome da ỹaconeguet ca namaicỹaxac maye so'otec qome nam ỹalamaxat nhuo' le'ecpi, cha'aye naua la'aqtaqa ñimaye ỹaueegueta da Aỹem dataỹa'aguet. Qaq 'era da ỹa'aqtac Aỹem Nataxala' 'era da ỹa'aqtac.»

Génesis 7:4

Cha'aye qom inoxoorec caua siete na'axa'te, nache anac ñaqa'en ca auot, maye huaiguilo caua cuarenta na'axa'te qataq cuarenta pe' da anactac camaye. ¡Sapalaxat qome 'enauac nam huo'o da lca'alaxa maye ỹo'onatacpi, nam netalec ana 'alhua!»

Jeremías 20:6

Qaq 'am Pasjur, 'am qaỹaueegue qome da Babilonia, 'arỹatec qome 'enauac nam 'aỹa'alaqpi. Qaq huaña qome yemaye da 'auleu, qataq nache 'am qailareña yemaye, nataqa'en nam 'anauochaxauapi maye 'aua'aqtaxaata'am naxa nam saq 'en.›»

1 Reyes 13:34

Qaq souaxato' de'era, nache so llalaqpi so Jeroboán 'enauac da huo'o da lasouaxashet, qataq ỹo'ot da qanmatchiguiñi somayepi da huetalec ana 'alhua.

Deuteronómio 6:15

cha'aye Ñim Nataxala' maye Qanatamnaxala'ai, qami' huetanguilo. Qaq Ñimaye ỹataqta ca'alaxanaxaic, qataq ishet da qami' dalemataỹalo, nache qami' ilaxachiguilo.

Éxodo 32:12

¿Ta'ainco' ctaxa da 'aua'aqta'a da huo'o ca la'aqtac ye Egipto le'ecpi da, 'eeta'?: ‹Ñim Lo'onatac 'Enauacna nqatec yemayepi, cha'aye huotaique da choche ỹalauat, hualec naqa'en añi qasoxonaxa, qataq nshetaique da choche ỹapalaxat, yaqto' saishet da huetalec ana 'alhua›. Qaq ỹoqo'oye 'am shenapega da 'aỹa'axaañi da 'annogonaxac, qataq 'aỹa'axaañi da 'anshetaique da 'ana'aqchet ye 'aralamaxat nhuo' le'ecpi.

Amós 9:8

Qaq Ñim Nataxala' imeteetac da qauem lo'onataxanaxac ne'ena shiỹaxauapi, ỹoqo'oye 'eeta': Ỹataqta pal ñaqa'en qome ne'ena shiỹaxauapi da huetalec ana 'alhua, qalaxaye saishet da imauec da pal ñaqa'en nam chegoxoguetpi so Jacob. Qaq 'era da ỹa'aqtac, Aỹem Nataxala'.

Jeremías 28:3

qom ivi' caua dos vi'iye, nache so'ot qome da qañe'eguelaxata ne'ena nma', 'enauac som nhuenecpi maye lalamaxat añi atamnaxaqui, maye ñi nta'a Nabucodonosor iro'ogue co'ollaxa da Babilonia.

Números 29:32

Qaq ca na'a'q siete nache qaỹa'añiireuo caua siete huaca llalqa, qataq caua dos qagueta lhuaraiqa, qataq caua catorce qagueta llalqa maye ivi' ye 'oonolec vi'i, qataq qaica ca lque'emaxa.

Números 14:37

Ỹoqo'oye se'esoua ỹale't maye qauem da la'aqtaxanaxac da ỹa'axattac ye 'alhua, nmichiyiñi da ilem so napiina, ỹauaachigui Ñim Nataxala'.

Jeremías 28:17

Nache so na'aqtaxanaxanec Jananías ileu co'ollaxa huetoigui so ca'agoxoic siete se'eso vi'i.

Amós 7:17

Qalaxaye da la'aqtac Ñim Nataxala', 'eeta': ‹Aso 'arhua taỹa qome da nquisheguetaxac da huaña ne'ena huaqta'a't nỹecpi, qaq na 'aỹa'alaqpi qataq ana 'aỹa'alepi qalaq qairolec qome ca ỹeelonec da qaỹalauat, qaq na 'ana'alhua qalaq qanallichigui qom qoỹanec, 'am qalaq 'aleuaña qome ca ỹaqa'a 'alhua, qaq na Israel le'ecpi qalaq noxonecpi qome nache qaỹauega ca qaỹoqta 'alhua.›»