Jeremías 28:11 - La'aqtaqa Ñim Lo'onatac 'Enauacna 2013

¹¹ nache ỹauo'o da la'aqtac hua'aqchigui naqa'en 'enauac so nhuo' le'ecpi, 'eeta': Ñim Nataxala', 'eeta' da la'aqtac: «Qaq nache 'eetec qome de'era da huetoiguilo caua dos vi'iye, da Aỹem ñeqateeguesop na ỹotta'a't shiỹaxauapi da lo'onataxanaxac ñi Nabucodonosor maye nta'a ye Babilonia, nache selaxachigui.» Ime nache so Jeremías jec.

Jeremías 28:11 Referans Kwoze

Jeremías 14:14

Qaq huaña nache Ñim Nataxala' aỹem ỹasateguet, 'eeta': «De'era ỹa'axattac na nam na'aqtaxanaxanecpi da 'eetega ỹachegoxotchigui da ỹe'enaxat, damaye choche latenataxanaxac. Aỹem saishet da samaq namayepi, qataq saishet co'ollaxa da sanem ca ỹamaxasoxonaxac qataq saishet da setaqtague'. De'era lauanaqchec saq 'en, nloxoc maye natenataxanaxac, maiche ỹo'ot dam ipettega da 'eetec. Qaq 'era dam ỹa'axatteguec nam na'aqtaxanaxanecpi.»

Proverbios 14:7

Qoca'ai qome ca qaica ca ỹaỹaanapec, cha'aye naua la'aqtaqa sa 'auachegoxotaiguilo ca 'arauattonaxanaxac.

Jeremías 29:9

Nam ỹa'axattac namayepi maye 'eetega ỹa'aqtaxanaxac namayepi choche natenataxanaxac. Aỹem saishet da ỹamaxashecpi namayepi. Qaq 'era da ỹa'aqtac Aỹem Nataxala'.

Jeremías 23:17

Qataq da'aqtaxanem nam sa ỹaconegueta naua ỹa'aqtaqa, 'eeta': ‹'Onaxaic da qa'aita'ague› Qataq nam quetegueto naua qauema lhuennataxaco da lquiyaqteỹaxac qalaq da'aqtaxanem, 'eeta': ‹Saishet qome da qami' taleguete ca qauem.›»

2 Crónicas 18:10

Nache so Sedequías, som llalec so Quenaná, ỹo'o't co'ollaxa soua le'enaqtaqa lcat huaca lcoue, nache ỹa'alaqtai', 'eeta': «Da la'aqtac Ñim Nataxala' 'eeta': ‹Ne'enaua huaca lcoue, nachenaua qome naua 'auo'ogoxonalo da 'auloquiaxan ye siiriopi, nache ivitta'a da ỹataqta nmichiguiñi 'anqa'en.›»

1 Reyes 22:6

Nache so Ajab, maye nta'a ye Israel, iỹaxaneuga so na'aqtaxanaxanecpi, maye huac da ivi' cuatrocientos ỹalleppi, nache inat somayepi, 'eeta': ¿Peta'a ishet da ñeqo'ona ye Ramot, maye huaigui ye Galaad da seloquiaxan, qalqo' saishet? Nache somayepi 'enapeco': Aja', ishet da 'anqo'ona da 'auloquiaxan, cha'aye Ñim Nataxala' 'am ỹanem da 'oxonec yemaye.

1 Reyes 13:18

Nache se'eso ỹa'axaiquiolec ỹatenachet somaye, 'eeta': Aỹem, nataqa'en aỹem na'aqtaxanaxanec, sheeta'am 'am, qaq huo'o so lamaxashec Ñim Nataxala', da aỹem 'enapega, 'eeta': 'Auauega qome ye 'arma' yaqto' deque'e qataq nỹom 'etaxat.

Ezequiel 13:7

¡Qami' naua qal-loxocolli' qalaq saq'e'n! ¡Naua qara'aqtaxanaxacolli' qalaq choche ashepegaxanaxaco! Qoñeetega qami' ỹa'aqtaxanaxanaqa, qalaxaye Aỹem saishet da qami' setaxaỹoto co'ollaxa.

Jeremías 28:15

Qaq huaña, nache so Jeremías 'enapega so Jananías, 'eeta': «¡Ñaq aỹem 'ana'axaỹaxana 'am Jananías! Ñim Nataxala' saishet co'ollaxa da 'am namaq, qaq 'am 'aỹa'aateguem ne'ena nhuo' le'ecpi da ỹa'amaqten da 'aratenataxanaxac.