Jeremías 28:1 - La'aqtaqa Ñim Lo'onatac 'Enauacna 2013

¹ Qaq so ca'agoxoic cinco, maye nache huaigui se'eso vi'i, qaq de'era 'eeta', co'ollaq mashe ivi' soua cuatro vi'iye da lo'onataxanaxac so Sedequías da nta'a ye Judá, nache so na'aqtaxanaxanec Jananías, som llalec so Azur, maye lma' co'ollaxa ye Gabaón, somaye detaxaỹot so Jeremías huaña aso atamnaxaqui ỹauaachigui naqa'en so ntaxaỹaxanaxanecpi, qataq 'enauac so nhuo' le'ecpi nache, 'eeta':

Jeremías 28:1 Referans Kwoze

Jeremías 27:1

Qaq co'ollaq cheta'ague da lo'onataxanaxac so Sedequías, som llalec so Josías, da nta'a ye Judá, nache Ñim Nataxala' detaxaỹot so Jeremías,

Josué 9:3

Qalaxaye so heveopi maye netaña ye Gabaón, co'ollaq ỹaỹaten de'era ỹo'ot so Josué, maye huaña ye Jericó qataq ye Ai,

Jeremías 37:13

Qalaxaye co'ollaq ivireua'a so Nasom so Benjamín, nache huo'o sa ỹale maye le'enaxat Irías som llalec so Selemías qataq laual so Jananías maye lataxala' na nauanaxanaxanecpi, somaye nllañi so Jeremías, nache 'enapega 'eeta': ¡'Am qache huotaique da 'auauaxaiguet na caldeopi!

Jeremías 36:12

nache somaye nqo'oneua'a so lma' lta'araic so nta'a, tateua'a so lo'onataxanaqa' so neraxanaxanec, maye hueta'a 'enauac som 'amaqtaqaicpi nataxala'pi: So neraxanaxanec Elisama, qataq so Delaía som llalec so Semaías, so Elnatán som llalec so Acbor, so Gemarías som llalec so Safán, so Sedequías som llalec so Jananías, qataq som laỹepi nataxala'pi.

Jeremías 28:11

nache ỹauo'o da la'aqtac hua'aqchigui naqa'en 'enauac so nhuo' le'ecpi, 'eeta': Ñim Nataxala', 'eeta' da la'aqtac: «Qaq nache 'eetec qome de'era da huetoiguilo caua dos vi'iye, da Aỹem ñeqateeguesop na ỹotta'a't shiỹaxauapi da lo'onataxanaxac ñi Nabucodonosor maye nta'a ye Babilonia, nache selaxachigui.» Ime nache so Jeremías jec.

Jeremías 27:12

Qaq aỹem Jeremías, sepagaqchiichigui co'ollaxa da sa'axatem ne'enaua na'aqtaqa ñi Sedequías maye nta'a na Judá qataq nataqa'en shenapega, sheeta': «Qanañañeeguet qome da la'añaxac ñi nta'a ye Babilonia qataq nam lauo' le'ecpi yaqto' qanca'alleeuec.

Jeremías 27:3

Ime nache 'auamaxa ca 'ara'aqtac na nta'alpi ye Edom, Moab, Amón, Tiro qataq ye Sidón, nache 'auamaxague na namaxashecpi maye nvita na Jerusalén da namaqtega ñi nta'a Sedequías.

Jeremías 23:28

¡Ca na'aqtaxanaxanec da huo'o ca lchoxonaxac, qalaq iuen da ỹa'axatta da choche lchoxonaxac, qalaxaye da ỹaconegueta naua ỹa'aqtaqa qalaq iuen da ipagaqchiichiguilo da ỹa'axa't! Cha'aye, ca 'auaqpi saishet da qanaloqnet ca trigo.

Isaías 9:15

Qaq na lqaic nache naigui na ỹa'axaiquipi qataq na nataxala'pi, qaq na la'araxashet qalaq nachena na na'aqtaxanaxanecpi maye dapaxaguenataxaateguec da natenataxanaxac.

Josué 10:12

Qaq co'ollaq mashe ime da Ñim Nataxala' ỹaneguet da lhuaqỹaxac so Israel le'ecpi se'eso amorreopi, nache so Josué 'enapega Ñim Nataxala', hua'aqchigui naqa'en so nhuo' le'ecpi, 'eeta': «'Am nala', 'avi'iiguet qom huaña ye Gabaón. 'Am ca'agoxoic, 'avi'iiguet qom huaña ye ca'amegue ye Ayalón.»

1 Reyes 3:4

Qataq tasheguema naxa ye Gabaón, cha'aye yemaye nacheyeta da qaỹoqotcheguema qataq huo'o da la'amaqchec, qaq nache huaña naxa yemaye da ỹaneuo ana mil lachetaqtaxanaqtepi qaỹavigaxatta.

2 Reyes 24:18

Qaq so Sedequías mashe ivi' soua veintiún vi'iye da nachaalataxac, co'ollaq ỹacoolec da lo'onataxanaxac, nache ivi' once vi'iye da nta'a, huaña ye Jerusalén. Qaq aso late'e somaye, Libna lashe, le'enaxat Jamutal, asom llale so Jeremías.

2 Crónicas 36:11

Qaq so Sedequías mashe ivi' soua veintiún vi'iye da nachaalataxac co'ollaq ỹacoolec da lo'onataxanaxac da nta'a, nache ivi' soua once vi'iye da ilotague' ye Jerusalén.

Jeremías 28:5

Nache so na'aqtaxanaxanec Jeremías, ỹasateguet so na'aqtaxanaxanec Jananías, ỹauaachigui naqa'en so ntaxaỹaxanaxanecpi qataq 'enauac so nhuo' le'ecpi, maye hueta'a aso atamnaxaqui, 'eeta':

Jeremías 28:17

Nache so na'aqtaxanaxanec Jananías ileu co'ollaxa huetoigui so ca'agoxoic siete se'eso vi'i.

Jeremías 37:19

¿Cam hueta'ague que'eca na'aqtaxanaxanecpi, maye 'eetega saishet da anac ñi nta'a ye Babilonia, da iloquiaxan 'am qataq na hueta'a ne'ena 'alhua?

Jeremías 49:34

Co'ollaq cheta'ague da do'onataxan so Sedequías da nta'a ye Judá, nache Ñim Nataxala' ỹanem so la'aqtac so Jeremías da ỹa'axata'a da talec qome ye Elam, 'eeta':

Jeremías 51:59

Co'ollaq mashe ivi' soua cuatro vi'iye da lo'onataxanaxac so Sedequías da nta'a ye Judá, nache so na'aqtaxanaxanec Jeremías ỹamaxague so la'aqtac so Seraías som llalec so Nerías qataq laual so Maseías. Qaq so Seraías nache nnaictague' so nta'a Sedequías da nqo'ona ye Babilonia da yaqto' huapegue' da ỹauo'o so lanataqa' so nta'a.

Oseas 7:3

Qaq nam qauem maye ỹo'ottac namayepi qalaq machiguiñi naqa'en ñi nta'a, qataq nam latenataxanaxacpi machiguiñi naqa'en nam nataxala'pi.

Jeremías 29:15

Qaq qami' qoñiỹapec naxa: Ñim nataxala' qomi' ỹanema na na'aqtaxanaxanecpi ne'ena souaqta'a Babilonia.

Ezequiel 13:6

Na l-loxocpi qalaq saq'en, qataq nam la'aqtaxanaxacpi qalaq chochaq ashepegaxanaxacpi. Namayepi 'eetega ỹa'aqtaxanaxanecpi naxa, qalaxaye Aỹem saishet da samaq co'ollaxa namayepi. ¡Qaq ñaqaiyeta namayepi iuatta'a naxa da ipacchigui nam la'aqtaxanaxacpi!