Jeremías 27:9 - La'aqtaqa Ñim Lo'onatac 'Enauacna 2013

⁹ Qaq ỹoqo'oye, saishet qome da qaualaqaitapeeguet ne'ena la'aqtaxanaxanecpi namayepi, qataq nam ilaviigui ca lỹa, qataq na ỹa'axa't naua naiguilo naua nchoxonaxaco, qataq nam 'iyaxaic lo'opi, qataq na 'oiquiaxaipi maye huotaique naxa da ỹa'axat cam ñaq taỹa'a da yo'oq, qataq huaqattega da saishet da qanañanot ñi nta'a ye Babilonia.

Jeremías 27:9 Referans Kwoze

Jeremías 14:14

Qaq huaña nache Ñim Nataxala' aỹem ỹasateguet, 'eeta': «De'era ỹa'axattac na nam na'aqtaxanaxanecpi da 'eetega ỹachegoxotchigui da ỹe'enaxat, damaye choche latenataxanaxac. Aỹem saishet da samaq namayepi, qataq saishet co'ollaxa da sanem ca ỹamaxasoxonaxac qataq saishet da setaqtague'. De'era lauanaqchec saq 'en, nloxoc maye natenataxanaxac, maiche ỹo'ot dam ipettega da 'eetec. Qaq 'era dam ỹa'axatteguec nam na'aqtaxanaxanecpi.»

Malaquías 3:5

«Aỹem ñanac qome da qami' ñemi't, qataq sa'axat nataqa'en nam napaxagueetega na 'iyaxaic, qataq na ncachetague' aca saishet da lhua, qataq na saipaguelec ca ỹan la'aqtac, qataq nam saiyacnapec na 'onataxanaxaicpi, qataq ana pa'aipi, qataq na saploqpi, qataq na saỹaỹamaxatapec na chegaqauecpi, qataq nam qaica ca 'enec naqa'en Aỹem. Qaq 'era da la'aqtac Ñim Nataxala' maye Qaica ca Ỹaqalanapec.

Jeremías 29:8

Aỹem Nataxala' maye Qaica ca Seqalanapec, maye Natamnaxala' na Israel le'ecpi, qami' sevitaqna'alo da 'eeta': Saishet qome da qauaqaita'a da qami' ỹatenache't na na'aqtaxanaxanecpi qataq na ilaviigui ca lỹa maye qami' ỹalectaiguilo, qataq saishet qome da qauqocheetegalo naua lchoxonaxaco namayepi.

Isaías 8:19

Qaq na shiỹaxauapi yo'oqta da qami' 'enapegalo qome, 'eeta': Ña qaunache na lqui'ipi na leuaxaicpi, qataq na ilaviigui ca lỹa maye nsoxootega't naxa da na'aqtaxaatega't. ¿Peta'a saisheto' da iuen na nhuo' le'ecpi da inat nam natamnaxala'pi, qataq da inat na leuaxaicpi da denataxaalec na ña nca'altauecpi,

Apocalipsis 22:15

Qalaxaye pa'atauec qome na ỹo'otta'ape naua qauema, qataq na ỹo'ottac da ldanaxanaxac, qataq nam huetapeeguet ana saishet da lhua, qataq na laataxanaxaicpi, qataq nam natameetacot nam saq 'en, qataq 'enauac nam nqopita da ỹo'ot da latenataxanaxac qataq napaxagueetega na qauem. Nache So Jesús 'enapeco':

Apocalipsis 21:8

Qalaxaye nam colanqaicpi, qataq nam saq pi'iỹa'a Aỹem, qataq nam ỹo'ot nam qauem maye sa saỹamaxaren qataq nam ỹalauat ca lỹa qataq nam huetapeeguet aca sa lhua maye saq qaỹashen da qaỹo'ot, qataq nam napaxagueetega da naconaxanaxac qataq nam ỹo'oxoreetac nam qanatameetacotpi maye saq 'en, qataq nam tenataxanaxaicpi, 'enauac qome namayepi qaỹasaxangui ca lta'araic norec maye huaña da ỹavictaigui na quiquiaxaraic. Huaña, nache chochaq tatec da saishet da nauane' Ñim Lo'onatac 'Enauacna.»

Apocalipsis 18:23

¡Qataq saishet da qaltaq ỹe'eguelaxalec da icoỹarelec 'am na le'eraxa aca ncoỹaraxanaxaqui, qataq saishet da qaỹa'axaỹa ca ntonaxac cam hueta'a ca naronaxac! Cha'aye nam 'armenaxanaxanecpi namayepi co'ollaxa ndotec na 'añaxaicpi da huetalec ana 'alhua, qaq 'am ỹataqta 'auatenachet co'ollaxa da 'arolec da 'aye'eyaqnataxanaxac 'enauac na ỹotta'a't shiỹaxauapi.»

Apocalipsis 9:21

Nataqa'en ne'ena shiỹaxauapi saishet da ỹaxaañi da lalaataxanaxac, qataq saishet da ỹaxaañi da ldanaxanaxac; nataqa'en saishet da ỹaxaañi da lcachaxac, qataq da ncachetague' aca sa lhua.

Hechos 8:11

Nache ỹataqta 'enauac da qaiqocha'a somaye, cha'aye huo'o dam la'añaxac da ỹatenachet somayepi da ỹo'ot nam sa qaỹauanapega.

Miqueas 3:7

Huaña nache ne'ena na'aqtaxanaxanecpi qataq nam huo'oi naua l-loxoco, ỹataqta huo'o qome da la'aloxo nache 'enauac namayepi da ỹe'emaqtom qome, souaxat da Ñim Lo'onatac 'Enauacna saishet da huo'o ca ỹanem da ỹa'axat namayepi.

Jeremías 23:32

Qataq sa'axat da sataỹa'aguet ne'ena na'aqtaxanaxanecpi, maye ỹa'axatta'ape naua lchoxonaxaco maye saq'e'n, cha'aye nachenaua ne'enaua latenataxanaxaco, qataq naua qaica ca naiguilo la'aqtaqa, nam ỹo'o't da isomapec na ỹalamaxat nhuo' le'ecpi. Aỹem saishet da samaq co'ollaxa namayepi, qataq saishet da samaxalec da da'aqtaxan. Qaq ỹoqo'oye namayepi saỹañoxot da itauan ne'ena nhuo' le'ecpi. Qaq 'era da ỹa'aqtac Aỹem Nataxala'.

Jeremías 23:25

Aỹem, sa'aqtega da nashepegaxanaxac ne'ena na'aqtaxanaxanecpi, da 'eetega ỹa'axattac da ỹe'enaxat, qataq 'eetega ña'aqtaxaatague' da huaigui na lchoxonaxacpi.

Jeremías 23:16

Qaq Ñim Nataxala' maye Qaica ca Ỹaqalanapec, da la'aqtac, 'eeta': «Qami' Israel le'ecpi saishet qome da qaualaqaiguet nam qami' ỹa'axatteguema nam na'aqtaxanaxanecpi, cha'aye nam ỹa'axattac namayepi choche natenataxanaxacpi, ne'ena la'aqtaxanaxacpi namayepi maiche ỹo'ot, qaq saishet da Aỹem chegoqtot.

Josué 13:22

Nataqa'en so Israel le'ecpi ỹalauat co'ollaxa so shiỹaxaua maye ilaviigui ca lỹa maye le'enaxat da Balaam, som llalec so Beor, qataq so qalota laỹepi.

Deuteronómio 18:14

Cha'aye yi'iye ỹotta'a't shiỹaxauapi maye qaunoxoñiiua'a da qoñiỹalec ye na'alhua, yemaye ỹataqta ỹa'amaqten na ỹa'axata'a ca ñaq naỹauo qataq na ilaviigui ca lỹa. Qalaxaye ne'ena 'onataxacpi, Ñim Nataxala' saishet da qami' ỹashenema da qauo'oche.

Éxodo 7:11

Nache so faraón damaxasoxoneuga so ỹaanaxanaxaicpi qataq som 'oiquiaxaipi. Nache somayepi nataqa'en do'onataxana da lo'oiquiaxac da ỹe'enaxa't soomaye:

Zacarías 10:2

Cha'aye na ne'enaqtac atamnaxala'pi, saq 'e'n naua la'aqtaxanaxaco, qataq na huo'oi l-loxoco, qalaq saq 'e'n naua lauanaqcheco. Nam ỹa'axata'api qalaq qaica ca naigui, qataq naua la'aqtaqa, da huotaique da da'añaqtaxan qalaq qui'itchiguilo. Qaq ỹoqo'oye na shiỹaxauapi choche tata'acra', 'eeta'am aca qaguetapi, qataq huo'o da nque'eenaxac souaxat da qaica ca ilo'ogue.

Efesios 5:6

Qataq saishet qome da huo'o ca qami' ỹatenache't da qami' iroleguete naua napaxaguenataxanaxaco maye qaica ca naiguilo. Cha'aye ne'enaua sa ỹaỹamaxaayiñi, nachenaua naua chegoqchiguilo dam qaica ca 'ena'am da lchec layeloxo Ñim Lo'onatac 'Enauacna da ỹauo'o da nhuaxanaguec nam saishet da ỹalaq.

Éxodo 22:18

Saishet qome da 'anca'alaxattauec aca conaxanaxai.

Proverbios 19:27

'Am ỹalcolec da sa 'auaconeguet da 'am qanlaxanec, qalaq 'am qoca'ai na no'on nqataxacpi.

Ezequiel 21:29

Qaq nam lauanaqchecpi qalaq saq'en qataq naua la'aqtaxanaxaco qalaq choche ashepegaxanaxaco. Ca ỹeelonec qalaq ipelecot qome na lqosot nam qauemaicpi laataxanaxaicpi. Mashe saqaỹapeque ca laloqo' cam pa'atec nhuaxanaguec.

Daniel 4:7

Nache anac co'ollaxa 'enauac so 'oiquiaxaipi, qataq so ilaviigui ca lỹa, qataq so ỹaanaxanaxaicpi, qataq som napaxagueetegapi ana huaqaañipi na Babilonia, nache aỹem sa'axatem so ichoxonaxac, qalaxaye somayepi saishet da ỹañoxot da aỹem da'aqtaxanem cam naigui somaye.

Deuteronómio 13:2

Qaq da huo'otaq ipacchigui que'eca na'anec, huo'otaq que'eca ỹo'ot da na'aalaxa maye ỹa'axat camaye, nache da huo'otaq qami' 'enapegalo, 'eeta': Qolaq, ñeqo'onaxa ye ỹaqa'a atamnaxala'pi maye sa qauauañiỹapega yaqto' ñatamnaqot.