Jeremías 27:21 - La'aqtaqa Ñim Lo'onatac 'Enauacna 2013

²¹ qaq damaye naigui da, nam nogoxoshetpi maye no'onaigui añi atamnaxaqui, qataq ñi lma' lta'araic ñim nta'a ye Judá, qataq ye Jerusalén, da la'aqtac Ñim Nataxala' maye Qaica ca Ỹaqalanapec Ñim Natamnaxala' na Israel le'ecpi, 'eeta':

Jeremías 27:21 Referans Kwoze

Jeremías 20:5

Qataq nataqa'en sanem nam mpa'aguenaxauapi, 'enauac da nsallaxa maye hueta'a ne'ena huaqta'a't nỹecpi, qataq 'enauac nam lalamaxatpi qataq na nogoxoshetpi maye lta'araic da lashiichiỹaxac, qataq 'enauac nam laỹamaqtacpi na nta'alpi na Judá, da yaqto' iro'ogue da Babilonia.

Jeremías 27:20

nam saishet da ỹache co'ollaxa so Nabucodonosor maye nta'a ye Babilonia, co'ollaq ỹachegoxotchiguiña ye Jerusalén da ỹaueegue da Babilonia so Jeconías maye llalec so Joaquim maye nta'a ye Judá, lỹatec naqa'en so 'amaqtaqaicpi ye Judá qataq ye Jerusalén,

Jeremías 27:22

«'Enauac ne'enapi qairo'ogue qome da Babilonia, qaq nache hueta'a qome yemaye, choche ivitta'a cam na'a'q qom she'eguena'a nache ñe'eguelaxata ne'ena nma'. Qaq 'era da ỹa'aqtac Aỹem Nataxala'.»

2 Reyes 20:17

Natrauo caua na'axa'te maye huaiguilo qome da 'enauac nam huetaigui na 'arma' lta'araic, qataq 'enauac nam ỹataqta ỹaỹamaxattac co'ollaxa so 'arta'alpi, choche ivitta'a nagui, namayepi qairo'ogue qome da Babilonia. Qaq nache ỹataqta qaica qome ca no'onañi.

2 Crónicas 36:18

Nache 'enauac som nhuenecpi maye lalamaxat aso atamnaxaqui maye lalamaqte Ñim Nataxala', so lta'araicpi qataq so qapio'olecpi, qataq so no'on nogoxoshetpi maye huetaigui aso atamnaxaqui, qataq so no'on logoxoshetpi so nta'a qataq so ltauapi, qaq 'enauac somayepi ỹache som lta'a so caldeopi, ira'a ye Babilonia.

Esdras 1:7

Huaña nache so Ciro, maye nta'a ye Persia, damaxasoxoolec da qaỹe'eguelaxat so nogoxoshetpi maye lalamaxat aso atamnaxaqui maye lalamaqte Ñim Nataxala', maye so nta'a Nabucodonosor nqateeguesop co'ollaxa ye Jerusalén, nache ỹanaigui so lma' so natamnaxala'pi somaye.

Esdras 1:11

Qaq da ima'a't 'enauac se'eso nogoxoshetpi maye chegaqaigui so oro qataq so plata, nache ivi' cinco mil cuatrocientos. Qaq 'enauac se'eso nogoxoshetpi ỹache so Sesbasar co'ollaq ỹe'eguelaxa ye Jerusalén, lỹatec so judiopi som hueta'a ye Babilonia maye noxonecpi co'ollaxa.

Isaías 39:6

Mashe natrauo caua na'axa'te maye huaiguilo da qaỹache qome 'enauac nam huetaigui na 'arma' lta'araic, qataq 'enauac nam laỹootac co'ollaxa som hua'au 'arta'alpi maye ivitta'a nagui da ñaq huo'o, namayepi qairo'ogue qome da Babilonia. Nache qaica qome ca qano'onaxatañi.

Lamentaciones 1:10

Nam depa'aguenataxaatacpi qalaq ỹauo'o lalamaxat da lsallaxa ye Jerusalén. Qaq yemaye ỹauaachigui co'ollaxa nam chegaqauec shiỹaxauapi da inoxonoigui aso atamnaxaqui, nam shiỹaxauapi maye saishet da 'auashenem co'ollaxa da inoxonoigui asom 'aralamaqte naponaxaqui.