Jeremías 27:16 - La'aqtaqa Ñim Lo'onatac 'Enauacna 2013

¹⁶ Qaq nataqa'en sa'aqtaxanem de'era na ntaxaỹaxanaxanecpi qataq 'enauac na nhuo' le'ecpi, sheeta': «'Eeta' da la'aqtac Ñim Nataxala': Saishet qome da qaualaqaiguet na na'aqtaxanaxanecpi maye 'eetega saqaỹaloq da qañe'eguelaxat qaỹachegoxotchiguiña ye Babilonia na nogoxoshetpi maye lalamaxat añi atamnaxaqui. Qaq de'era maye qami' ỹa'axatteguema damaye choche ashepegaxanaxac.»

Jeremías 27:16 Referans Kwoze

Jeremías 28:3

qom ivi' caua dos vi'iye, nache so'ot qome da qañe'eguelaxata ne'ena nma', 'enauac som nhuenecpi maye lalamaxat añi atamnaxaqui, maye ñi nta'a Nabucodonosor iro'ogue co'ollaxa da Babilonia.

2 Reyes 24:13

Qaq ime co'ollaxa, nache so Nabucodonosor ỹacona 'enauac so nogoxoshetpi maye huetaigui aso atamnaxaqui maye lalamaqte Ñim Nataxala', qataq so netaiguipi so nma' lta'araic maye lo'onataxanaqa' so nta'a. Qaq nache ipacchigui da la'aqtac co'ollaxa Ñim Nataxala', da somaye ilaxachigui 'enauac som nogoxoshetpi oro, maye lo'onatacpi co'ollaxa so Salomón, maye nta'a ye Israel, da yaqto' ỹanaigui aso atamnaxaqui maye lalamaqte Ñim Nataxala'.

Daniel 1:2

Qaq Ñim Nataxala' ỹanem so Nabucodonosor, da loxonec so Joaquim, qataq da deuotaxanec so qalota nhuenecpi aso atamnaxaqui maye lalamaqte Ñim Lo'onatac 'Enauacna. Nache so Nabucodonosor, ỹauec so lcoñeteguishecpi ỹauega ye Babilonia, qaq se'eso nhuenecpi maye saqaishetapec, qalaq ỹachaigui co'ollaxa aso laỹe' na logoxoshetpi aso atamnaxaqui maye netaigui som natamnaxala'pi somaye,

Jeremías 27:10

Qaq nam qami' ỹa'axatteguema namayepi, qalaq choche ashepegaxanaxac, qaq nacherata da huotaique da qami' qanqateeguesopa na qana'alhuai, qataq da yaqto' qami' so'oldauec nache qaullivi.

Jeremías 27:14

Qaq saishet qome da qaualaqaitapeeguet ne'ena na'aqtaxanaxanecpi maye qami' 'eetegalo naxa da saishet da qanañañiỹot ñi nta'a ye Babilonia, cha'aye dam qami' ỹa'axatteguema naxa damaye choche shepegaxanaxac.

Isaías 9:15

Qaq na lqaic nache naigui na ỹa'axaiquipi qataq na nataxala'pi, qaq na la'araxashet qalaq nachena na na'aqtaxanaxanecpi maye dapaxaguenataxaateguec da natenataxanaxac.